«Россиянең индустриаль элитасы –100 иң яхшы җитештерү менеджерлары, 2012» рейтингы йомгаклары буенча Равил Зарипов һәм Сергей Когогин беренче унлыкка керде

Татарстанның ике вәкиле – Татарстан Республикасы сәнәгать һәм сәүдә министры Равил Зарипов һәм “КАМАЗ” ААҖ генераль директоры Сергей Когогин “Россиянең индустриаль элитасы – 100 иң яхшы җитештерү менеджерлары, 2012” рейтингы йомгаклары буенча беренче унлыкка керде.
Рейтингның төп максаты – абруйлы экспертлар ярдәмендә сәнәѓать секторының предприятие, тармак, ил икътисады үсешенә саллы өлеш керткән уңышлы менеджерларын ачыклау.
Унлыкта беренче урынны “Ростехнологияләр” ДК генераль директоры, Россия машина төзүчеләре берлеге рәисе Сергей Чемезов алып тора.
Уңышлы менеджерлар исемлегенә шулай ук «Базовый элемент» компаниясе генераль директоры, ОК РУСАЛ генераль директоры, En+ Group Президенты Олег Дерипаска; «ОАК» ААҖ Президенты, Идарә рәисе Михаил Погосян; «Трактор заводлары» концерны» Президенты, генераль директоры Михаил Болотин; Росатом (ПСР) җитештерү системасының үсеш буенча директоры Сергей Обозов; «Северсталь» ААҖ Директорлар советы рәисе, «Северсталь-групп» ЯАҖ генераль директоры Алексей Мордашов; Тихвинск вагон төзелеше заводының башкаручы директоры Олег Меньшиков; Братск алюминий заводы идарәче директоры Сергей Викторович Филиппов кергән.

Проект җитәкчеләре әйтүенчә, Равил Зарипов – Татарстан Республикасының сәнәгать һәм сәүдә министры, Алабуга автомобиль заводының элеккеге директоры, беренче унлыкка ныклы адымнар белән килеп керде. “Аның сакчыл җитештерү принципларын кертү тәҗрибәсе бөтен Татарстанга таралды. Бүген Татарстан Республикасында сакчыл җитештерү программасын үстерү уңышлы бара. 2012 ел рейтингында Татарстан вәкилләренең булуы моның ачык мисалы”, диелә бу вакыйга турында бәян ителгән мәкаләдә.
Рейтинг йомгаклары буенча индустриаль Россиянең уңышлы бүтән менеджерлары арасына «КАМАЗ» ААҖ, «ЕЛАЗ» ҖБ» ААҖ, «Татнефть» ААҖ, «Казан вертолет заводы" ААҖ, "ПОЗИС" ААҖ, «Түбән Кама шин» ААҖ, «Горбунов ис. КАПО» ААҖ, «Спартак» аяк киемнәре фабрикасы» ААҖ предприятиеләре җитәкчеләре керде.