ЯҢАЛЫКЛАР

РФ Сәнәгать һәм сәүдә министрлыгының станоклар төзү һәм авыр машина төзелеше департаменты директоры Валерий Пивень белән ТР вице-премьеры – Татарстан Республикасы сәнәгать һәм сәүдә министры Олег Коробченко Татарстанда станоклар төзү тармагына ярдәм итү турында сөйләште. Очрашу 16 сентябрьдә Министрлыкта «Подшипниклар җитештерү һәм станоклар төзү» эшче төркеме утырышы кысаларында узды.  

 Киңәшмәдә станоклар җитештерү, алар өчен комплектлагычлар белән тәэмин итү белән шөгыльләнүче предприятиеләр, шулай ук кулланучылар катнашты. Алар арасында – КАМАЗ, «Пегас» ИСҮ, «Трейс» Казан станоклар төзү компаниясе», «Бетар», «Далини» ДК һәм башкалар. 

 Эшче төркемне «Пегас» ИСҮ директоры Илдар Нуриев җитәкләде. 

 «Татарстанда станоклар таләп ителә торган эре машина төзү заводлары – «Ак Барс» судно төзү компаниясе, КАМАЗ, Казан авиатөзелеш заводы, Казан вертолет заводы һәм башка бик күп предприятиеләр бар. Ә бездә аларныкы (станоклар) юк. Кытай станокларын, эчке машиналар җыю өчен Кытай компонентларын тәэмин итү мөмкинлеге бар, ләкин бу вакытлыча гына. Безгә үзебезнең машина төзелешен күтәрергә кирәк.

 Татарстан Президенты Рөстәм Миңнеханов авиатөзелеш заводына ким дигәндә 20 Ту-214 самолеты төзү бурычын куйды, ә моның өчен зур станоклар паркы кирәк. Республиканың станокларга булган ихтыяҗыннан тыш, гомумән Россиядә дә аларга ихтыяҗ зур. Елына кимендә 1000 станок кирәк, – дип билгеләде проблеманы министр. – Россия Сәнәгать һәм сәүдә министрлыгы белән Татарстанда станоклар җитештерү буенча завод төзелешенә ярдәм итү мөмкинлеген берләштереп, без куелган бурычларны хәл итә алачакбыз». 

 «Далини» дәүләт корпорациясе генераль директоры Руслан Нигъмәтуллин да үзебезнең станоклар төзү өчен комплект өлешләр җитештерүчеләргә дәүләт ярдәме мәсьәләсен күтәрде. «2014 елдан безнең компания станоклар төзү, автомобиль төзелеше өчен бөтен Россия буенча подшипниклар китерү белән шөгыльләнә. Хәзер подшипниклар җитештерүче предприятиене ачарга планлаштырабыз, чөнки моның өчен вакыт кирәк. Россия җитештерүчеләре предприятиеләрне әлегә 30% гына мондый продукция белән тәэмин итә ала. Шул ук вакытта станоклар төзү предприятиеләрендә искергән станоклар проблемасы бар. 

Татарстанда әлегә бер генә подшипник заводы да юк. Республиканыкын гына түгел, Россия предприятиеләре ихтыяҗларын да каплау өчен эре завод төзергә кирәк, моның өчен дәүләт тарафыннан финанс таләп ителә», – дип ассызыклады ул. 

 Валерий Пивень билгеләп үткәнчә, станоклар төзүчеләргә, тулы комплектлы җиһазлар белән тәэмин итүчеләргә һәм кулланучыларга хезмәттәшлек юлыннан барырга кирәк.

 «Татарстан предприятиеләренә башка төбәкләрдәге компанияләр белән бергә уртак эшләнмәләр, продуктлар булдырырга мөмкин. Бу кызык булыр иде, республикада конструкторлык мәктәбен үстерер иде. Россия Сәнәгать һәм сәүдә министрлыгы мондый уртак проектларга финанс яктан ярдәм итәргә әзер. Без Татарстан сәнәгатенә станоклар төзү кебек тармакны көчәйтергә ярдәм итәчәкбез, хәзер үсеш нокталарын билгелибез – әйтик, Казанның «Трейс» станоклар төзү компаниясе мөмкинлекләре белән таныштык инде. Ярдәм итәчәкбез». 

 Исегезгә төшерәбез, Татарстан Республикасы Сәнәгать һәм сәүдә министрлыгы каршындагы 23 тармак эшче төркемнәре 2022-2030 елларга Татарстан Республикасы сәнәгатен үстерү стратегиясен эшләү өстендә эшлиләр.

Петербург халыкара газ форумында республика территориясендә өч яңа газ-мотор инфраструктурасы объекты эшләтеп җибәрелде. Тантанада «Газпром» ААҖ Идарәсе Рәисе урынбасары Виталий Маркелов, Татарстан Республикасы Президенты Рөстәм Миңнеханов, Татарстан Республикасы Премьер-министры урынбасары - Татарстан Республикасы сәнәгать һәм сәүдә министры Олег Коробченко һәм башка мөхтәрәм кунаклар катнашты.

XI Петербург халыкара газ форумы кысаларында «Крылов дәүләт фәнни үзәге» ФДУП һәм «Ак Барс» суднолар төзү корпорациясе» АҖ составына керә торган «А.М.Горький исемендәге Зеленодольск заводы» АҖ арасында водородлы ягулык элементларында сыналган универсаль функциональ модуль үрнәге базасында энергетика җайланмасы белән Россиядә беренче инновацияле судно төзелеше турындагы шартнамәне имзалау буенча тантаналы чара узды. 

Документка «Крылов дәүләт фәнни үзәге» федераль дәүләт унитар предприятиесе генераль директоры Олег Савченко һәм «А.М.Горький исемендәге Зеленодольск заводы» АҖ генераль директоры Александр Филиппов Татарстан Республикасы Президенты Рөстәм Миңнеханов һәм Санкт-Петербургның Бөек Петр политехник университеты ректоры, Россия Фәннәр академиясе академигы Андрей Рудский катнашында имзаларын куйганнар.

Татарстан делегациясе Президент Рөстәм Миңнеханов җитәкчелегендә XI Петербург халыкара газ форумында булды, ул 13-16 сентябрьдә Экспофорум мәйданчыгында уза.

Татарстан Республикасы Президенты Рөстәм Миңнеханов Фәләстин делегациясе белән очрашты. Очрашу Татарстан Республикасы Хөкүмәте Йортында узды, анда шулай ук Татарстан Республикасы сәнәгать һәм сәүдә министры урынбасары Марат Минибаев та катнашты.

Саранск шәһәрендә «Яшь профессионаллар» X Илкүләм чемпионатының финал өлешен ябу тантанасы узды. Татарстан җыелма командасы һөнәри осталык буенча беренчелекнең гомуми медаль зачетында икенче урынны алды. Илкүләм чемпионат финалында Татарстан Республикасы командасы 14 алтын, 24 көмеш һәм 13 бронза медаль, шулай ук профессиональлек өчен 14 медальон яулады. 

Гомумкоманда дәрәҗәсен төзегәндә җыелма команданың Х Илкүләм чемпионат финалына тиңләштерелгән йомгаклау ярышларындагы нәтиҗәләре исәпкә алына. Алар язын узды, бу ярышларда республика җыелма командасы 20 алтын, 18 көмеш һәм 26 бронза, шулай ук 45 профессиональ медаль яулаган иде. 

Шулай итеп, Татарстан җыелма командасы барлыгы 115 медаль һәм 59 медальон яулады. Гомумкоманда рейтингында беренче урынны – Мәскәү командасы, өченче урынны Санкт-Петербург командасы алган. 

«Һөнәри осталык буенча Татарстан җыелмасы Россиядә хәрәкәт үсешенә 10 ел дәвамында лидерлар рәтенә керә. Юбилей чемпионатында да безнең команда бик яхшы нәтиҗәләр күрсәтте. Елдан-ел ярышу кыенлаша бара, чөнки төрле төбәкләрдән катнашучыларның осталыгы арта. Унынчы чемпионат үткәрү форматы һәм шартлары буенча үзенчәлекле булды. Ярышлар бер үк вакытта бөтен Россия буенча узды – бер өлеше турыдан-туры форматта Саранскида, ә йөзләгән конкурсант видеокамера аша дистанцион рәвештә төбәкләрдәге мәйданчыкларда эшләде. Кыска вакыт эчендә чит ил җиһазларын төрле компетенцияләр буенча илебез производствосы аналогларына алыштыра алдык, инфраструктура битләрен яңадан сайлап алдык һәм, барлык үзгәрешләргә карамастан, ярышларны югары дәрәҗәдә оештырып булды», – дип сөйләде ТР Һөнәри компетенцияләрне үстерү үзәге генераль директоры Эмиль Гобәйдуллин. 

2022 елгы «Яшь профессионаллар» X Илкүләм чемпионатының финал өлеше 8-12 сентябрьдә узды. Татарстан Республикасыннан 96 конкурсант һәм 74 эксперт катнашты. 

Саранскида бөтен илдән 280дән артык конкурсант 25 компетенциядә көч сынашты. 41 компетенция буенча тагын 700 якын конкурсант дистанцион форматта Россиянең төрле төбәкләрендә катнаштылар.

KAMA TYRES предприятиеләре 2022 елның беренче яртыеллыгында җитештерү-икътисадый эшчәнлегенә йомгак ясадылар. Алты ай эчендә 6,6 миллионнан артык шин җитештерелгән, бу 2021 елның шул ук чоры белән чагыштырганда 8% артыграк. Сату күләме 6 млн.данә шин тәшкил иткән.

Моннан тыш, яңа сату базарларын үзләштерү стратегиясен гамәлгә ашыру кысаларында яңа шиннарны проектлау эше дә алып барыла. Беренче яртыеллыкта предприятиедә 10 төрле үлчәм үзләштерелгән. 2022 елда барлыгы 13 йөк һәм 29 җиңел машина шиннары буенча 42 төрле шин үлчәме сериясен башлап җибәрү планлаштырыла, шул исәптән җидесе квадроцикллар өчен Kama QUADRO ATM ATM ATV шин линиясеннән булачак.

Ростех дәүләт корпорациясенең POZIS компаниясендә (Россия машина төзүчеләр берлегенә керә) эш визиты белән «КАМАЗ» ГАҖ генераль директоры, «СоюзМаш России» ҖЧҖ Үзәк совет бюросы әгъзасы Сергей Когогин булып китте. Очрашу барышында машина төзелеше тармагын үстерү һәм импортны алмаштыру мәсьәләләре буенча фикер алыштылар.

Бүген Татарстан Республикасы Президенты Рөстәм Миңнеханов һәм Россия гадәттән тыш хәлләр министры Александр Куренков модернизацияләнгән Ми-8МТВ-1 вертолетларын һәм Ту-214 самолеты производствосын карап чыктылар. Очрашуларда Татарстан вице-премьеры – Татарстан Республикасы сәнәгать һәм сәүдә министры Олег Коробченко да катнашты. 

Контракт буенча Гадәттән тыш хәлләр министрлыгына Казан вертолет заводында Министрлыкның махсус заказы буенча төзелгән Ми-8МТВ-1 вертолетлары тапшырылачак. 

Машинада борттагы радиоэлектрон җиһазлар тулысынча алмаштырылган, очыш белән автоматик рәвештә идарә итү системасы урнаштырылган.

Яңа пилотаж-навигация комплексы, очышның барлык режимнарын автоматлаштыру һәм вертолетның киңлек торышы турында цифрлы мәгълүмат кыры булдыру нәтиҗәсендә иң катлаулы миссияләрне үтәү мөмкинлекләрен шактый киңәйтергә мөмкинлек бирә. 

Вертолет төнлә күрү өчен җайлаштырылган, бу тәүлекнең төнге вакытында һәм күрү мөмкинлеге җитәрлек булмаган шартларда эзләү һәм коткару эшләренең нәтиҗәлелеген арттыра.

Шулай ук ярдәмче ток җайланмасы буенча импортны алыштыру эшләре дә башкарылган. 

Үзебездә җитештерелгән эшләнмә 30 минут урынына 5 сәгатькә кадәр вертолетны озак вакытка нигезләп, операцияләр башкарырга мөмкинлек бирә. 

С.П.Горбунов исемендәге Казан авиазаводында делегация очу-сынау станциясен карап чыкты, Ту-214 самолетын җитештерү эшләренең барышы белән танышты һәм киләчәк хезмәттәшлек мәсьәләләре буенча фикер алышты. 

Завод вәкилләре коткару ведомствосы максатлары өчен Ту-214 самолетын модификацияләү мөмкинлекләре турында сөйләделәр.

Бортта махсус җиһазландырылган биш медицина модуленә кадәр урнаштырып, ул медицина эвакуациясе өчен дә җайлаштырылыр дип планлаштырыла.

ТР Дәүләт Советы Рәисе Фәрит Мөхәммәтшин  Казахстан Республикасының Россия Федерациясендәге Гадәттән тыш һәм Тулы вәкаләтле илчесе Ермек Кошербаев белән очрашты, бу чарада шулай ук ТР сәнәгать һәм сәүдә министры урынбасары Герман Лернер да катнашты. 

Яклар регионнар арасында перспектив хезмәттәшлек һәм парламентара хезмәттәшлекне киңәйтү мөмкинлекләре турында сөйләштеләр.

Фәрит Мөхәммәтшин кунакны Татарстанның барлык парламентарийлары исеменнән сәламләп, Россия-Казахстан мөнәсәбәтләре кысаларында Татарстанның Казахстан белән икътисадый һәм мәдәни хезмәттәшлегенең югары дәрәҗәдә булуын билгеләп үтте. «Татарстанда Россиядә Казахстан мәдәнияте көннәре уңышлы уза, – дип ассызыклады ул. – Ә кичә без 18 нче Халыкара мөселман киносы фестивален ачтык, аның кысаларында Казахстаннан биш кинокартина тәкъдим ителәчәк. Бу атна ахырында Татарстан Президенты кушуы буенча мин Казахстанның Абай өлкәсендәге татар халык бәйрәмендә катнашачакмын, анда беренче Халыкара Иртыш буе Сабан туе узачак. Татарлар күп яши торган Семей шәһәрендә шулай ук татар сәнгать мәктәбенең 30 еллыгына багышланган чаралар узачак».

Казахстан Республикасының Россия Федерациясендәге Гадәттән тыш һәм Тулы вәкаләтле илчесе Ермек Кошербаев җылы кабул итүләре өчен Фәрит Мөхәммәтшинга рәхмәт белдерде һәм барлык өлкәләрдә дә үзара файдалы хезмәттәшлекне дәвам иттерүгә ышаныч белдерде. «Казахстан белән Татарстанның икътисадый хезмәттәшлеге уңышлы үсә. – Казахстан территориясендә уртак проектлар тормышка ашырыла, яңа эш урыннары булдырыла. Иң мөһиме, бу ниндидер җыю предприятияләре генә түгел, ә төпләнеп урнашу урыны да. Нефть-газ тармагында, шин җитештерүдә һәм сәнәгатьнең башка өлкәләрендә бик мөһим проектлар имзаланды. Мәдәни һәм гуманитар проектларны тормышка ашыру сөендерә, шуларның берсе – Казахстанның күп кенә төбәкләрендә Сабантуй татар бәйрәмен үткәрү».

Татарстанга булган сәфәре кысаларында Ермек Кошербаев Казанда Бәшир Рамиев исемендәге IT-паркта булырга, ТР Мөселманнарының диния нәзарәте рәисе, Татарстан мөфтие Камил хәзрәт Сәмигуллин һәм Казан һәм Татарстан митрополиты Кирилл белән очрашырга ниятли.

Кич белән Казахстан Республикасының Россия Федерациясендәге Мәдәният көннәре кысаларында Муса Җәлил исемендәге Татар дәүләт опера һәм балет театрында Казахстан сәнгать осталары концерты булачак.