РЭҮ «Россиядә эшләнгән» программасында катнашучыларга продукцияне чит илләргә чыгарырга ярдәм итәчәк
Россия экспорт үзәге «Россиядә эшләнгән» ирекле сертификатын алган Россия компанияләренә продукцияләрен чит илләрдәге илкүләм онлайн кибетләрендә, шоу-румнарда танытырга ярдәм итәчәк. Аларга шулай ук кобрендинг проектлары да тәкъдим ителәчәк.
Сертификат нәрсә бирә?
«Россиядә эшләнгән» ирекле сертификаты – ул сыйфатны тагын бер кат раслау ысулы гына түгел, ә ил брендындагы «зонт» астында өстенлекле базарларга чыгаруда ярдәм алу ысулы да. Шул исәптән бу өстенлекле базарларда Made in Russia каталогы базасында В2В-алга китеш, программада катнашучылар өчен махсус реклама кампанияләре, РЭҮ илкүләм онлайн кибетләрендә товар профилен брендлау һәм башкалар», — дип билгеләде Россия экспорт үзәгенең эксперт ярдәме үзәге директоры Милана Мамбетова.
Кем катнашучы була ала?
Теләсә нинди чимал булмаган продукция җитештерүчеләр «Россиядә эшләнгән» программасында катнаша һәм шул ук исемдәге ирекле сертификат хуҗалары була ала. Төп шарт – компания югары сыйфат характеристикалары яки яхшыртылган үзлекләре булган продуктлар җитештерергә яки җибәрергә тиеш. «Россиядә эшләнгән» ирекле сертификация системасы партнерлары булган аккредитацияләнгән органнарның тәңгәллеген расларга кирәк.
Органик чыгышы, экологик яктан чиста булуы, энергия нәтиҗәлелеге, ышанычлылыгы — илебез продукциясенең нәкъ менә шушы дүрт яхшыртылган үзлекләре «Россиядә эшләнгән» ил бренды астында алга этәрелә.
Программада катнашу өчен гаризаны сайт аша бирергә мөмкин.