ЯҢАЛЫКЛАР
СИБУРның Татарстан предприятиесендә – «Нижнекамскнефтехим»да –полимерлар җитештерүдә кулланыла торган Россия тетраизобутираты – катализаторның тәҗрибә-сәнәгать сынаулары үткәрелгән. Яңа компонент Томск НИОСТ корпоратив фәнни үзәге һәм «Нижнекамскнефтехим» фәнни-технологик үзәге белгечләре тарафыннан эшләнгән һәм Россиядә аңа тиңнәр юк.
Бу хакта Татарстан вице-премьеры – Татарстан Республикасы сәнәгать һәм сәүдә министры Олег Коробченко Казанда дәүләт-шәхси партнерлык буенча V тармак форумында хәбәр итте. Б.Рәмиев исемендәге IT-парктагы форумны ТР Инвестиция үсеше агентлыгы оештырды.
2022 елның 15 ноябрендә Татарстан Республикасы сәнәгать һәм сәүдә министры урынбасары Родион Карпов Татарстан Республикасы сәнәгать һәм сәүдә предприятиеләрендә хезмәтне саклау һәм куркынычсызлык техникасы буенча ведомствоара эшче төркемнең чираттагы утырышын уздырды.
Утырыш Татарстан Республикасы Сәнәгать һәм сәүдә министрлыгында Татарстан министрлыклары, ведомстволары, кызыксынган оешмалар һәм сәнәгать предприятиеләре вәкилләре катнашында узды.
Утырыш башында Р. Карпов кыскача гына бу елның гыйнвар-октябрь айлары өчен травматизм һәм аның динамикасы буенча мәгълүматларны яңгыратты. Соңыннан җитештерүдә бәхетсезлек очраклары булган республиканың кайбер предприятиеләре вәкилләренең докладлары тыңланды.
Шулай ук производствода бәхетсезлек очракларын кисәтүдә мәҗбүри медицина тикшерүләренең роле турында үз структурасында ТР Сәламәтлек саклау министрлыгының Республика профпатология үзәге булган Казан шәһәренең 12 нче шәһәр клиник хастаханәсе вәкилләре дә чыгыш ясады.
Утырыш ахырында Татарстан Республикасы Хезмәт, халыкны эш белән тәэмин итү һәм социаль яклау министрлыгының Хезмәтне саклау дәүләт идарәсе бүлеге башлыгы А.Г. Курзенева һәм Хезмәтне саклау төбәкара берләшмәсе рәисе Ф.И. Габдрахманов кыскача гына хезмәтне саклау өлкәсендә үткәрелә торган конкурслар һәм рейтинглар турында сөйләделәр.
Олег Коробченко Татарстан сәнәгате турында: «Без егылмыйбыз, без үсәбез»
Санкцияләр шартларында икътисад үсеше, импортны алыштыру мөмкинлекләре, чит илләр белән хезмәттәшлек һәм яңа «үсеш нокталары» турында Татарстан Республикасы вице-премьеры – Татарстан Республикасы сәнәгать һәм сәүдә министры Олег Коробченко «Татар-информ» МА интервьюсында сөйләде. Интервью фрагментларын бастырабыз.
7 ноябрьдә «Пирамида» мәдәни-күңел ачу комплексында гала-концерт булып узды, «Наше время – Безнең заман» X ачык республика телевизион иҗат фестиваленең Гран-при иясе «Юл хәрәкәте иминлеге» ДБУ командасы булды. Җиңүче команда республика лидеры Рөстәм Миңнеханов кулыннан Татарстан Республикасы Президентының күчмә Кубогын һәм 500 мең сум күләмендә акчалата бүләк алды.
9 ноябрьдә Татарстан вице-премьеры – Татарстан Республикасы сәнәгать һәм сәүдә министры Олег Коробченко һәм республиканың Генераль консулы Гуйчи Гәрәев белән узган очрашуның темасы Төрекмәнстан белән мөнәсәбәтләрне үстерүдән гыйбарәт булды.
«Без еллар дәвамында барган дуслык мөнәсәбәтләрен югары бәялибез! Татарстан территориясендә Haier, Midea һәм башкалар кебек Кытай предприятиеләре урнашкан. Без аларга барлык хәлләрдә дә ярдәм итәргә тырышабыз», – диде Татарстан вице-премьеры – Татарстан Республикасы сәнәгать һәм сәүдә министры Олег Коробченко Казанда Кытай Халык Республикасы Генераль консулы Сян Бобелән 9 ноябрьдә булып узган очрашу вакытында. Вице-премьер Татарстан белән Кытайның киләчәктә дә багланышларын ныгытуга өмет белдерде һәм Генераль консулга кирәкле барлык мәсьәләләрдә дә ярдәм итәргә әзер булуын әйтте.
«Наше время – Безнең заман» эшләүче яшьләрнең ел саен үткәрелә торган Х ачык республика телевизион фестиваленең суперфиналы 4 һәм 5 ноябрьдә Казанда узачак. Ә гала-концерт алдагы дүшәмбедә, инде 7 ноябрьдә үк булачак.
Татарстан Республикасы сәнәгать һәм сәүдә министры урынбасары Герман Лернер Приморск крае Губернаторы һәм Приморск крае Хөкүмәте Аппараты җитәкчесе җитәкчелегендәге делегация белән очрашты.
С.П.Горбунов исемендәге Казан авиация заводы – «Туполев» ГАҖ филиалында Ту-214 самолеты өчен детальләрне механик эшкәртү участогында «Хезмәт җитештерүчәнлеге» илкүләм масштаблы федераль проектының этабы үткән.