Олег Коробченко: «Без күптәннән Таҗикстан белән эшлибез һәм күп кенә проектларыбыз "атып җибәрде"»
17 майда «Россия-Ислам дөньясы: KazanForum» халыкара икътисадый форумы кырында Россия-Таҗикстан эшлекле советының «Сәнәгать парклары: Инфраструктура. Финанслар. Кадрлар» утырышы булып узды. Анда Премьер-министр урынбасары – Татарстан Республикасы сәнәгать һәм сәүдә министры Олег Коробченко катнашты.
«Без Таҗикстан, тугандаш халкыбыз белән инде күптән эшлибез. Анда безнең күп проектлар "атып җибәрде"», – диде Олег Коробченко, утырышта катнашучыларны сәламләп. – Ышанам ки, бүген мөнәсәбәтләрне алга таба үстерү өчен шактый потенциал бар һәм безнең республика моның белән кызыксына. Татарстан белән Таҗикстан арасындагы сәүдә-икътисадый хезмәттәшлек соңгы елларда тотрыклы үсеш күрсәтә».
Мәсәлән, 2022 елда Эйдос-Медицина Әбүгалисина исемендәге Таҗик дәүләт медицина университетының медицина симуляциясе үзәген ачты. Татнефть илгә дизель ягулыгын экспортлый. КАМАЗ автомобиль техникасы белән тәэмин итү проектларын тормышка ашыра.