Олег Коробченко «НАМИ» белән автомобиль төзелеше үсеше турында фикер алышты
Татарстан Республикасы Сәнәгать һәм сәүдә министрлыгында Премьер-министр урынбасары – сәнәгать һәм сәүдә министры Олег Коробченконың «НАМИ» ФДБУ делегациясе белән очрашуы булып узды.
НАМИ – Россия транспорт индустриясенең әйдәп баручы фәнни-инжиниринг үзәге, ул төрле транспорт чараларын проектлау, булдыру һәм сынау буенча югары квалификацияле белгечләрне берләштерә.
«Без бүген Россия автопромы үсеше перспективалары турында фикер алышу һәм мөмкин булган уртак локализация проектларын билгеләү өчен фәнни автомотор институты вәкилләрен чакырдык», – диде Олег Коробченко.
Яклар «Россия Федерациясенең 2035 елга кадәр автомобиль сәнәгатен үстерү стратегиясе»нең төп аспектлары, технологик суверенитетны тәэмин итү һәм башкалар турында фикер алыштылар.
Стратегия 2035 елга кадәр Россиянең автомобиль сәнәгатен үстерү буенча дәүләт сәясәтенең төп юнәлешләрен билгели, аның төп бурычлары:
- югары локальләштерелгән һәм конкурентлыкка сәләтле ватан продукциясен булдыру һәм җитештерү буенча төп стратегик бурычларны хәл итү;
- җитештерүләрнең фәнни-техник һәм кадрлар потенциалын үстерү; ватан җитештерүен һәм ихтыяҗын стимуллаштыру;
- ватанның автокомпонент җитештерүләрен булдыру, шул исәптән электр автомобильләре өчен; автомобиль җитештерүләрендә НИОКР өлешен арттыру; яңа технологияләрне, электр һәм водородлы ТЧ үстерү;
- максатлы планда – 2035 елга РФ территориясендә 2 млн. берәмлеккә кадәр ТЧ чыгару; 2035 елга электр автомобильләре һәм гибридлар өлешен 25% кадәр үстерү.