ЯҢАЛЫКЛАР

Кадерле ханымнар! Татарстан Республикасының Сәнәгать һәм сәүдә министрлыгы
сезне язның беренче бәйрәме – Халыкара хатын-кызлар көне белән тәбрик итә. Сезгә нык сәламәтлек, иминлек һәм бәхет телибез.

Коррупциягә каршы гамәлләр турындагы законнар нигезендә дәүләт граждан хезмәтенең коррупциягә аеруча нык бирешергә мөмкин вазыйфалары исемлегенә кертелгән дәүләт граждан хезмәткәрләре ел саен 30 апрельгә кадәр үзенең һәм гаилә әгъзаларының керемнәре турында белешмә тапшырырга тиеш.

2012 елның 5 мартында Татарстан Республикасы Премьер-министры Илдар Халиков җитәкчелегендәге делегация Әзәрбәйҗан Республикасына китте.
Делегация составында Татарстан Республикасы Сәнәгать һәм сәүдә министры беренче урынбасары И.Носов, Татарстан Республикасы Урман хуҗалыгы министры беренче урынбасары Х.Мусин, Татарстан Республикасы Мәгълүматлаштыру һәм элемтә министры урынбасары А.Геллер да бар.

Сәфәр кысаларында Әзәрбәйҗан Республикасы Президенты И. Алиев, Әзәрбәйҗан Республикасы Премьер-министры А. Раси-Заде белән очрашу, предприятиеләрдә һәм Сумгаит технопаркында булу планлаштырыла.

2012 елның 28 февралендә танылган аш-су остасы, татар милли ризыклары турында күпсанлы китаплар авторы, РСФСРның атказанган сәүдә хезмәткәре Юныс Әхмәтҗановның туган көне. Аңа 85 яшь тулган булыр иде.

2012 елның 23 февралендә Казанда «Зельгрос Кэш энд Керри» беренче күпләп сату үзәге ачылды. Ачу тантанасында Татарстан Республикасы Президенты Р. Миңнеханов, Татарстан Республикасы Премьер-министры И.Халиков, Казан шәһәре мэры – шәһәр Думасы Рәисе И. Метшин, Татарстан Республикасы Сәнәгать һәм сәүдә министры Р. Зарипов, “Зельгрос” компаниясенең директорлар советы рәисе Д. Месью, сәүдә үзәге идарәчесе (Казан шәһәре) И. Елагин катнашты.

2012 елның 22 февралендә Казанда “Корстон”да беренче “Татарстан – Төркия 2012” сәүдә-инвестиция җиһаз форумы ачылды.

2012 елның 21 февралендә "Казан ярминкәсе” күргәзмәләр үзәгендә җәмәгать туклануы предприятиеләре оештыручылар җитәкчеләре һәм хезмәткәрләре өчен "Безнең эш – ресторан 2012” бизнес форумы ачылды. Чараны Татарстан Республикасының Сәнәгать һәм сәүдә министрлыгы һәм «EVENT MAKE» компаниясе оештырды.

2012 елның 16 февралендә “Корстон”да техник көйләү өлкәсендә тәңгәллекне бәяләү органнарының Бөтенроссия съезды ачылды. Съездда катнашучыларны Татарстан Республикасы Премьер-министры урынбасары Р. Моратов сәламләде. Форум эшендә РФ сәнәгать һәм сәүдә министры урынбасары Владимир Саламатов, Техник җайга салу һәм метрология федераль агентлыгы җитәкчесе Г.И. Элькин, Федераль аккредитация хезмәте җитәкчесе С.В.Шипов, Татарстан Республикасы Сәнәгать һәм сәүдә министры Р.Х. Зарипов һ.б. катнашты.