«Татарстан –Төркия 2012» сәүдә-инвестиция җиһаз форумы

2012 елның 22 февралендә Казанда “Корстон”да беренче “Татарстан – Төркия 2012” сәүдә-инвестиция җиһаз форумы ачылды.
Әлеге чараны Татарстан Республикасы Президенты һәм Татарстан Республикасы Хөкүмәте ярдәме белән Татарстан Республикасы Сәнәгать һәм сәүдә министрлыгы белән берлектә Төркиянең “ТУСКОН” сәнәгатьчеләр һәм эшкуарлар конфедерациясе, Төркиянең “МОСДЕР” җиһаз җитештерүчеләр ассоциациясе оештырды.
Форумда Татарстан Республикасы Сәнәгать һәм сәүдә министры Р.Х. Зарипов, “Алабуга” аерым икътисадый зона генераль директоры Т.Н. Шаһивәлиев, Төркиянең “ТУСКОН” сәнәгатьчеләр һәм эшкуарлар конфедерациясе идарәсе рәисе вазыйфаларын башкаручы, “МОСДЕР” җиһаз җитештерүчеләр ассоциациясе идарәсе рәисе Рамазан Давулджуоглу, Төрек Республикасының Казандагы генераль консулы Әхмәт Акынты, «Кастамону Интегрейтед Вуд Индастри» ҖЧҖ генераль директоры Онур Гювен, Татарстан Республикасы җиһаз ясаучылары ассоциациясе җитәкчеләре һәм вәкилләре, “Синтекс-2” ҖЧҖ катнашты.

Сәүдә-инвестиция форумының төп максаты:
• җиһаз җитештерү өлкәсенең төп үсеш юнәлешләрен билгеләү;
• җиһаз сәнәгатендә хезмәттәшлек итү тәҗрибәсе һәм аның үсеш перспективалары турында фикер алышу;
• Татарстанда җиһаз кластеры булдыру;
• Татарстан һәм Төркия арасында сәнәгать тармагындагы мөнәсәбәтләрне ныгыту.

Җиһаз форумын ачу тантанасы программасы:
10:00-10:05 Татарстан Республикасы Сәнәгать һәм сәүдә министры Зарипов Равил Хаммат улы сәламләве
10:05-10:15 Төркиянең “ТУСКОН” сәнәгатьчеләр һәм эшкуарлар конфедерациясе идарәсе рәисе вазыйфаларын башкаручы, “МОСДЕР” җиһаз җитештерүчеләр ассоциациясе идарәсе рәисе Рамазан Давулджуоглу сәламләве, ТУСКОН Конфедерациясе фильмын тәкъдир итү
10:15-10:25 Төрек Республикасының Казандагы генераль консулы Әхмәт Акынты чыгышы

10:25-10:35 Төркиянең Кече һәм урта эшкуарлыкны үстерү һәм аңа ярдәм итү комитеты рәисе вазыйфаларын башкаручы Метин Шатыр чыгышы

10:35-11:00 “Алабуга” аерым икътисадый зона генераль директоры Шаһивәлеев Тимур Наил улы чыгышы. «Алабуга» АИЗ тәкъдир итү

11:00-11:15 «Кастамону Интегрейтед Вуд Индастри» ҖЧҖ генераль директоры Онур Гювен чыгышы. Компанияне тәкъдир итү

11:15-11:30 Татарстан Республикасы җиһаз ясаучылары ассоциациясе рәисе, “Синтекс-2” ҖЧҖ генераль директоры Сперанский Максим Владимирович чыгышы. «Татарстан Республикасында җиһаз сәнәгатенең үсеш перспективалары»

11:55-12:00 Төркиянең “ТУСКОН” сәнәгатьчеләр һәм эшкуарлар конфедерациясе, Татарстан Республикасы Сәнәгать һәм сәүдә министрлыгы һәм “Татарстан Республикасы предприятиеләре һәм эшкуарлары ассоциациясе” төбәк берләшмәсе арасында өчьяклы килешүгә кул кую
13:00-15:00 Түгәрәк өстәлләр («Корстон», Пушкин залы)
Форум кысаларында үткәрелүче “түгәрәк өстәлләр” җиһаз сәнәгате тармагы белгечләре өчен тәҗрибә уртаклашу, Россиядә бу өлкәнең үсеше белән бәйле проблемаларны хәл итү мәйданы булып тора.