ЯҢАЛЫКЛАР
2016 елның 15 сентябрендә “Пирамида” концерт-күңел ачу комплексында ЛУКОЙЛ” ГАҖ VII социаль һәм мәдәни проектлар конкурсында җиңүчеләрне бүләкләделәр. Республикада компанияне “РИТЭК” АҖ гәүдәләндерә. Бу елны конкурс берничә истәлекле вакыйга белән бергә туры килде. Ул "Лукойл" ГАҖ юбилей елында уза – компания үзенең 25 еллыгын бәйрәм итә. Аның Татарстан филиалына - “РИТЭК” АҖ быел 21 ел булачак. 2016 елда конкурста бөтен республикадан 700 проект катнашты. Грант ярдәме 157 җиңүчегә биреләчәк. 64 проект абсолют чемпионнар дип табылды.
Иң яхшы проектларның авторларын котларга Татарстан Республикасы Президенты Рөстәм Миңнеханов һәм "Лукойл" нефть компаниясенең беренче башкарма вице-президенты Равил Маганов килделәр.
2016 елның 15 сентябрендә Татарстан Республикасы Президенты Рөстәм Миңнеханов "Лукойл" ГАҖ беренче башкарма вице-президенты Равил Маганов җитәкчелегендә компания делегациясе белән очрашты.
Казан Кремлендә узган әлеге очрашуда ТР вице-премьеры - ТР сәнәгать һәм сәүдә министры Алберт Кәримов, ТР Президенты ярдәмчесе Ринат Сабиров, ТР Президенты ярдәмчесе Ләйлә Фазлыева, ТР экология һәм табигать ресурслары министры Фәрит Габделгәниев, «Татнефть» ГАҖ генераль директоры Наил Маганов, «ТАИФ» ААҖ генераль директоры Алберт Шиһабетдинов, «Ритэк» АҖ генераль директоры Николай Николаев һәм башкалар катнашты.
Кунакларны сәламләп, Рөстәм Миңнеханов "Лукойл" компаниясенең бүген дөньяда иң эре компанияләрнең берсе булуын билгеләп үтте. Без актив хезмәттәшлек итәбез, Татарстан нефте ярдәмендә компаниянең күп кенә өлешләре барлыкка килде, диде ул.
2016 елның 15 сентябрендә Татарстан Республикасы Министрлар Кабинетында Татарстан Республикасы Премьер-министры Илдар Халиков рәислегендә гражданнарның бакчачылык һәм дача берләшмәләре эшчәнлеген тәэмин итү мәсьәләләре буенча киңәшмә булып узды. Киңәшмәдә республика министрлыклары һәм ведомство җитәкчеләре катнашты.
Илдар Халиков билгеләп үткәнчә, 2017 елда бакчачылык җәмгыятьләре һәм дача берләшмәләренең төп мәсьәләләрен хәл итүгә Татарстан бюджеты 550 млн сум акча бүлеп бирәчәк. Татарстан Республикасы Премьер-министры хәбәр иткәнчә, Татарстан Президенты Рөстәм Миңнеханов тарафыннан карар кабул ителгән, профильле министрлыклар һәм ведомстволар (ТР авыл хуҗалыгы министрлыгы һәм транспорт министрлыгы) инде бүген үк бакчачылык җәмгыятьләренә юлларны төзекләндерү һәм реконструкцияләүгә 300 млн сум, су белән тәэмин итү сорауларын хәл итәргә 100 млн сум бүлеп бирүне 2017 ел бюджетына кертү турындагы күрсәтмәне алачак. Татарстан Президенты электроэнергия буенча “Сетевая компания” инвестицион программасына 2017 елга 100 млн сум кертергә кушты. Тагын 50 млн сум акчаны республика чүп-чар, чүплекләр мәсьәләләрен хәл итүгә билгеләде: чүплек мәйданнарын булдыру, контейнерлар сатып алу һәм башкалар. Бакчачылык җәмгыятьләре территорияләрендә янгын куркынычсызлыгын тәэмин итү һәм хокук тәртибен саклау бурычларын РФ Гадәттән тыш хәлләр министрлыгы һәм РФ эчке эшләр министрлыклары алдылар.
(“Татар-информ” МА материаллары буенча)
2016 елның 14 сентябрендә ТР Премьер-министры урынбасары –ТР сәнәгать һәм сәүдә министры Алберт Кәримов Татарстанга эш визиты белән килгән Япония делегациясе белән очрашты.
Япония делегациясе составында Япониянең туризм һәм транспорт, инфраструктура һәм җир министрлыгы, әйдәп баручы сәнәгать һәм инжиниринг компанияләр, тикшеренү институтлары вәкилләре: Nippon Signal Co. Ltd, Panasonic, IHI Corporation, Nikken Sekkei Reserch Institute, NRI, Nice Corporation, Tairiku Trading Co. Ltd., Urban Renaissance Agency, SEKISUI, Chemical Co. Ltd.
Очрашуда катнашучыларга мөрәҗәгать итеп ТР сәнәгать һәм сәүдә министры Алберт Кәримов Япония делегациясе вәкилләренә Татарстанга булган кызыксынулары өчен рәхмәтен белдерде. Япония Татарстанның гадәттәгечә эшлекле партнеры. Альберт Кәримов сүзләренчә, Татарстан Республикасы һәм Япония арасында сәүдә-икътисадый һәм фәнни-техник хезмәттәшлек җайга салынган. 2015 ел нәтиҗәләре буенча Татарстан Республикасының Япония белән тышкы сәүдә әйләнеше 111,5 млн АКШ доллары тәшкил иткән. Татарстанда Япония компанияләре катнашында уртак проектлар тормышка ашырыла, алар арасында «Аммоний» АҖ, «Mitsubishi Heavy Industries» һәм «Sojitz Corporation». «Yokogawa Electric Corporation» компаниясе республиканың эре предприятиеләрен сәнәгый автоматизацияләү эшен башкара. "Медицина Фәне Үзәге" медицина симуляторларының региональ инжиниринг үзәге һәм "Эйдос-Медицина" компаниясе Япониянең Juntendo, DNAForm, RIKEN институты белән уртак проектлар эшли.
2016 елның 14 сентябрендә Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Алберт Кәримов «ИнтерБизнесГруппИнжиниринг» компаниясе вәкилләре белән очрашты.
Татарстан Республикасы сәнәгать һәм сәүдә министрлыгында булып узган әлеге очрашуда «ИнтерБизнесГруппИнжиниринг» компаниясенең өзлексез пиролиз технологияләрне кулланып углеродлы калдыкларны эшкәртү буенча инновацион проектның презентациясе узды, әлеге проектны тормышка ашыру һәм проектның үсеш перспективалары хакында сүз барды.
2016 елның 13 сентябрендә Татарстан Президенты Рөстәм Миңнеханов башлыгында Татарстан Республикасы делегациясе Франкфурт-на-Майнада Messe Frankfurt Халыкара күргәзмәләр комплексы территориясендә «Автомеханика–2016» автомобильләрнең запас частьләре, җайланмалары һәм автомобильләргә техник хезмәт күрсәтү Халыкара махсуслаштырылган күргәзмәсендә катнашты.
Күргәзмә башланыр алдыннан Рөстәм Миңнеханов һәм Messe Frankfurt Халыкара күргәзмәләр комплексы президенты Вольфганг Марцин кыскача әңгәмә кордылар. Марцин әфәнде хәбәр итүенчә, ике елга бер мәртәбә уздырыла торган «Автомеханика–2016» күргәзмәсе дөньяда иң зур автокомпонентлар күргәзмәсе булып тора. Быел ул 4800 катнашучыны җыйды. Шулай ук, Вольфганг Марцин "Казан ярминкәсе" күргәзмә үзәге белән хезмәттәшлекне үстерү планнары турында сөйләде.
2016 елның 13 сентябрендә ТР Премьер-министры урынбасары –ТР сәнәгать һәм сәүдә министры Алберт Кәримов Татарстан Республикасы Президенты Рөстәм Миңнеханов башлыгындагы Татарстан делегациясе составында Германиягә эш сәфәре (2016 елның 12-13 сентябре) кысаларында Мерк (Merck) компаниясе оештырган эшлекле иртәнге ашында катнашты. Очрашу компаниянең штаб-фатирында Дармштадт шәһәрендә узды.
Компанияне Мерк-сәламәтлек саклау бүлекчәсе генераль директоры, идарә әгъзасы Белен Гарийо тәкъдир итте. Компания дөньяда иң өлкән фармацевтика, химия һәм биология компанияләренең берсе булып тора. Мерк (Merck) төркеме предприятиеләре 66 илдә эшләп килә. Хезмәткәрләрнең саны 39 000 кеше тәшкил иткән (2015 ел саны). Мерк (Merck) компаниясе төркеме эшчәнлегенең төп юнәлешләре – югары технологияле материаллар, биофармацевтика һәм лайф-сайнс (биотехнологик тикшеренүләр уздыру, биофармацевтика препаратлары эшләү һәм җитештерү өчен кирәк булган технологияләр, инструментлар һәм материаллар). Төркем табышының 30% артыгы кәрәзле телефоннар, телевизор һәм компьютер дисплейлары өчен сыек кристалл, төрү һәм косметика өчен перламутрлы пигментлар, косметик ингредиентлар, аналитик лабораторияләр өчен экспресс-тестлар һәм приборлар җитештерү хисабыннан керә.
2016 елның 12 сентябрендә ТР Премьер-министры урынбасары – ТР сәнәгать һәм сәүдә министры Алберт Кәримов Татарстан Республикасы Президенты Рөстәм Миңнеханов башлыгындагы ТР делегациясе составында Германия машина төзүчеләре Союзы җитәкчелеге (VDMA) белән очрашты. Очрашу Франкфурте-на-Майне шәһәрендә Германия машина төзүчеләре Союзының (VDMA) штаб-фатирында Татарстан Республикасы Президенты Рөстәм Миңнеханов башлыгындагы Татарстан делегациясенең Германиягә эш визиты (2016 елның 12-13 сентябрендә) кысаларында үтте.
Очрашуда катнашучыларга сәламләү сүзе белән Германия машина төзүчеләре Союзы Баш идарәчесе Тило Борман мөрәҗәгать итте. Татарстан делегациясе вәкилләрен сәламләп, Германиядә машина төзелеше тармагы - иң мөһимнәрнең берсе, аның китергән табышы 218 млрд евро тәшкил итә, бу өлкәдә милллионга якын кеше хезмәт куя. Биредә традицион рәвештә 200 хезмәткәрле вак һәм урта предприятиеләр эшли.
2016 елның 10 сентябрендә ТР Премьер-министры урынбасары – Татарстан Республикасының сәнәгать һәм сәүдә министры Алберт Кәримов энергияне сак тоту "Бергә матуррак һәм кызыклырак итеп" Бөтенроссия Фестивале ябылу вакытында Мәскәү белән туры элемтәдә чыгыш ясады. Ул башкалада яшәүчеләрне шәһәр Көне белән котлады һәм Мәскәү һәм Казан хакимиятләре тарафыннан ягулык-энергетика ресурсларын рациональ файдалану өлкәсендә зур эш башкарылуын билгеләп үтте.
"Татарстан Республикасы, аның башкаласы - Казан шәһәре кунаклары һәм халкы исеменнән – барыгызны бергә "Бергә матуррак һәм кызыклырак итеп" фестивале белән сәламлим. Форсаттан файдаланып, хөрмәтле мәскәүлеләр, сезне шәһәр Көне белән тәбрик итәргә рөхсәт итегез. Без Мәскәүдә төзекләндерү һәм энергияне сак тоту буенча зур эш алып барылганын беләбез һәм болар барысы да тормышның сыйфатына уңай тәэсир итә, – дип ассызыклады Алберт Кәримов. – Һичшиксез, бу Мәскәү шәһәре хакимиятенең бу эшкә мөмкин кадәр игътибарлы булуы ярдәмендә башкарыла".
2016 елның 9 сентябрендә ТР сәнәгать һәм сәүдә министрлыгында сәүдә-икътисадый, фәнни-техник һәм мәдәни хезмәттәшлек буенча Төрекмәнстан-Татарстан Уртак Эшче төркеменең дүртенче утырышы узды (Эшче төркем).
Утырышта Эшче төркем рәистәшләре - Татарстан Республикасы Премьер-министры урынбасары – ТР сәнәгать һәм сәүдә министры Алберт Кәримов һәм Төрекмәнстан Республикасы икътисад министры Батыр Базаров, шулай ук, Төрекмәнстан һәм Татарстан Эшче төркеме әгъзалары - Татарстан һәм Төрекмәнстан министрлыклар, ведомстволар, предприятиеләр һәм оешмалар җитәкчелеге вәкилләре катнашты.
Эшче төркем утырышы башланыр алдыннан Татарстан Республикасы Премьер-министры урынбасары – ТР сәнәгать һәм сәүдә министры Алберт Кәримов һәм Төрекмәнстан Республикасы икътисад министры Батыр Базаров очрашулары булып узды.