ЯҢАЛЫКЛАР
Америка сәүдә- сәнәгать палатасының үсеш буенча директоры Егор Заостровцев җитәкчелегендәге делегация бу көннәрдә визит белән Татарстан Республикасында. Делегация составына төрле өлкәләрдә эшчәнлек алып баручы унөч оешма вәкилләре керде: McDonald’s , Lynden, Amrustrans, Praxair , Edwar International, Baxter, Antal, Tulpar, Egorov Puginsky Afanasiev & Partners , Philip Morris, Dupont, ANCOR Holding , Deseret International Charities , Mars LLC.
15 февральдә "Казан ярминкәсе" Күргәзмә Үзәге территориясендә Идел Буе агросәнәгать форумы кысаларында Татарстан Республикасы кулланучылар базары мәсьәләләре буенча эшче төркем утырышы узды. Утырышта Татарстан Республикасы товар җитештерүчеләре һәм сәүдә челтәрләренең "Россия сыйфат системасы" Автономияле Коммерциячел булмаган Оешмасы белән хезмәттәшлек турында" сүз барды.
Утырышта "Россия сыйфат системасы" Автономияле Коммерциячел булмаган Оешмасы җитәкчесе урынбасары Мария Сапунцова, ТР авыл хуҗалыгы һәм азык-төлек министрының беренче урынбасары Николай Титов, ТР сәнәгать һәм сәүдә министры урынбасары Алмаз Хөсәенов, ТР сәүдә челтәр компанияләре вәкилләре һәм республика товар җитештерүчеләре катнашты.
Чара кысаларында Россия сыйфат системасын тәкъдир итү узды. Россия сыйфат системасы җитәкчесе урынбасары Мария Сапунцова Россия сыйфат билгесе белән югары сыйфатлы товарлар җитештерүне алга этәрүгә ярдәм итүче чаралар турында сөйләде.
2016 елның 28 ноябрендә ТР Министрлар Кабинеты һәм "Россия сыйфат системасы" Автономияле Коммерциячел булмаган Оешмасы арасында үзара хезмәттәшлек турында Килешү имзаланган иде.
14 февральдә ТР Премьер-министры урынбасары - ТР сәнәгать һәм сәүдә министры Алберт Кәримов Такаеси Сайто компаниясе төркемнәренең халыкара бизнесы җитәкчесе башлыгында KITZ япон компаниясе вәкилләре белән очрашты.
Чарада ТР сәнәгать һәм сәүдә министры урынбасары Денис Вәлиев, Татарстан Республикасы сәнәгать һәм сәүдә министрлыгының халыкара элемтәләр бүлеге башлыгы Айдар Ахтареев, "Invero Advisors Co" генераль директоры Тамерлан Абдикеев, директор урынбасары, Татарстан Республикасы Инвестиция-венчур фондының җитәкчесе урынбасары Фәнис Хәкимуллин һәм башкалар катнашты.
13 февральдә Татарстан Республикасы сәнәгать һәм сәүдә министрлыгында Татарстан Республикасы сәнәгать һәм сәүдә министры урынбасары Денис Вәлиев Redenex компаниясе генераль директоры Ольга Исакова белән очрашты. Чарада "Иннополис" МИЗ, "Югары технологияләр өлкәсендә Технопарк "ИТ-парк", "Казан-Экспо" вәкилләре, ТР министрлык һәм ведомство хезмәткәрләре катнашты.
Очрашу барышында Халыкара конгресс һәм "IoT World Russia: Интернет аша әйберләр Халыкара Саммиты" күргәзмәсен тәкъдир итү булды. Үзенең чыгышында Ольга Исакова билгеләп үткәнчә, интернет аша кирәк-яраклар (IoT) һәм челтәрле "акыллы карарлар" эшчәнлекнең барлык өлкәләрен радикаль трансформалаштыра һәм IoT цифрлы технологияләрне гамәлгә кертү төбәкләр һәм илләрнең, җитештерүнең конкурент сәләтлелеген үстерүгә китерә. Моннан тыш, Redenex генераль директоры сүзләренчә, мондый чаралар җирле предприятиеләрне санлы җитештерүнең соңгы тенденцияләре белән таныштыруга ярдәм итүдән тыш, Татарстан Республикасы икътисадына инвестицияләр агышын булдырырга булыша.
Шунысын да әйтергә кирәк, әлеге темага сөйләшүләр дәвам итәчәк. Шулай ук, бүген компания вәкилләре Татарстан Премьер-министры урынбасары - Татарстан Республикасы мәгълүматлаштыру һәм элемтә министры Роман Шәйхетдинов белән очрашырга, "Иннополис" МИЗ танышырга ниятли.
2017 елның 15 февралендә Идел Буе агросәнәгать форумы кысаларында ("Казан ярминкәсе" күргәзмә үзәге, Оренбург тракты, 8нче йорт, 1нче павильон, "Кама" залы) "Россия сыйфат системасы" оешмасы белән Татарстан Республикасының товар җитештерүчеләре һәм сәүдә челтәрләре хезмәттәшлеге турында" темасына Татарстан Республикасы кулланучылар базары мәсьәләләре буенча эшче төркем утырышы узачак.
"КАМАЗ"да (Ростех Дәүләт корпорациясенә керә) 2016 елның җитештерү һәм финанс эшчәнлек нәтиҗәләре чыгарылды. Башлангыч мәгълүматлар буенча 127, 28 млрд. сум табышта компания 339 млн. сум күләмендә чиста керем күргән.
"Татнефть" компаниясенең белгечләре ел саен үткәрелә торган "Ел Инженеры" Бөтенроссия конкурсында лауреат исемен яуладылар. Конкурсны Россия һәм Халыкара фәнни һәм инженер иҗтимагый оешмалары союзы, А.М.Прохоров исемендәге инженер фәннәре Академиясе катнашында фәнни-техник прогресска ярдәм итү Халыкара фонды оештыра.
2017 елның 10 февралендә Татарстан Республикасы сәнәгать һәм сәүдә министрлыгы конференц-залында ТР Министрлар Кабинеты каршындагы "Энергияне сак тоту технологияләре Үзәге" эшчәнлегенең 2016 ел нәтиҗәләре һәм алдагы чорга бурычлары хакында киңәйтелгән йомгаклау киңәшмәсе үтте.
Киңәшмә ТР Премьер-министры урынбасары – Татарстан Республикасы сәнәгать һәм сәүдә министры Алберт Кәримов рәислегендә узды. Президиум составына Татарстан Республикасы Министрлар Кабинеты сәнәгать бүлеге башлыгы Герман Фәсхиев һәм Татарстан Республикасы Министрлар Кабинеты каршындагы “Энергияне сак тоту технологияләре Үзәге” директоры Евгений Мартынов керде.
Киңәшмәдә Татарстан Республикасы министрлык һәм ведомство, муниципаль берәмлекләр, югары уку йортлары, предприятие һәм оешма вәкилләре катнашты. Киңәшмәдә катнашу өчен 65 кеше теркәлде.
Фото
Директор Евгений Мартыновның доклады энергия ресурсларының нәтиҗәлелеген арттыру һәм энергияне сак тоту өлкәсендә республика предприятиеләре, учреждениеләре һәм оешмалары, дәүләт идарәсе органнары эшчәнлеген аналитик тәэмин итү һәм фәнни-техник хезмәтләрнең үтәлеше кысаларында энергия һәм ресурсларны саклау технологияләрен гамәлгә кертү, хезмәт җитештерүчәнлеген һәм конкурентлылык сәләтен арттыру, алдагы чорда эшчәнлекнең перспектив юнәлешләре, гомумән, Үзәкнең эшчәнлеге нәтиҗәләренә багышланды.
"Казан медик-инструменталь заводы" АҖнең үсеше буенча генераль директор урынбасары Роман Федотов республикада сәнәгый кластер формалаштыру буенча "КМИЗ" АҖ һәм Үзәкнең нәтиҗәле хезмәттәшлеге турында сөйләде.
Үзәк белән уртак хезмәтләр турында "Түбән Кама нефтехим" ҖАҖ энергоменеджмент хезмәте җитәкчесе Юрий Сурков һәм "Татнефть-Нефтехим" ИК баш энергетигы Николай Приступа сөйләделәр.
ТР Премьер-министры урынбасары – Татарстан Республикасы сәнәгать һәм сәүдә министры Алберт Кәримов Татарстан Республикасы Хөкүмәте карарларын үтәү буенча Үзәкнең эшен канәгатьләнерлек дип билгеләп үтте. "2017 елда Үзәк каршында Татарстан Республикасы икътисады һәм сәнәгате нәтиҗәлелеген күтәрү программаларын үтәү кебек мөһим бурычлар тора", - дип ассызыклады министр.
Фото
Киңәшмәнең йомгаклау өлешендә Алберт Кәримов Үзәк хезмәткәрләренә ТР сәнәгать һәм сәүдә министрлыгының Мактау грамоталарын һәм Рәхмәт хатларын тапшырды.
Татарстан Республикасы сәнәгать һәм сәүдә министрлыгының Мактау грамотасы белән проектларны гамәлгә ашыру идарәсе башлыгы Василий Титов, мәгълүмати-нәшрият һәм белем бирү эшчәнлеге бүлеге башлыгы Светлана Артамонова бүләкләнделәр.
Татарстан Республикасы сәнәгать һәм сәүдә министрлыгы Рәхмәт хатлары хезмәт җитештерүчәнлеге программалары идарәсе башлыгы Шамил Бәйрәмов, автоматлаштыру һәм информацион технологияләр бүлеге башлыгы Евгений Медведев, ТЭР куллану нәтиҗәлелеге анализы һәм индикатив идарә итү бүлегенең 1 категорияле белгече Лилия Хәҗиевага игълан ителде.
Сәнәгый җитештерү күләме 2015 ел күрсәткечләреннән артып китеп 1 трлн. 966 млрд. сум тәшкил иткән, сәнәгый җитештерү индексы -103, 6%. Бу хакта бүген ТР Премьер-министры урынбасары – ТР сәнәгать һәм сәүдә министры Алберт Кәримов Татарстан икътисад министрлыгы һәм Татарстан сәнәгать һәм сәүдә министрлыгының уртак йомгаклау коллегиясендә белдерде.
Бүген Татарстан Республикасы Президенты Рөстәм Миңнеханов Казанда Иран Ислам Республикасы Генераль консуллыгы җитәкчесе вазыйфаларын башкаручы Алибеман Эгбали Зарч белән очрашты. Чарада ТР Премьер-министры урынбасары – ТР сәнәгать һәм сәүдә министры Алберт Кәримов катнашты.
Очрашу ТР Хөкүмәте Йортында узды.
"Без Иран җитәкчелегенә 2007 елда кабул иткән карарына бик рәхмәтле. Сез җитәкләгән Генераль консуллык безнең илләр арасында элемтәләрне ныгытуга уңышлы ярдәм күрсәтүне дәвам итәр дип өметләнәм", - дип мөрәҗәгать итте Алибеман Эгбали Зарч әфәндегә Рөстәм Миңнеханов.
10 ел элек Татарстан башкаласында Иран Генераль консуллыгы ачылу алга таба үзара мөнәсәбәтләр үсешендә мөһим адым булды, дип билгеләп үтте ТР Президенты.
Татарстан Республикасы Президенты Россия-Иран мөнәсәбәтләре кысаларында гамәлгә ашырылучы Татарстан һәм Иранның икътисади, сәяси һәм гуманитар өлкәләрдәге ике яклы хезмәттәшлеге дәрәҗәсен югары бәяләде.