ЯҢАЛЫКЛАР
"Казан вертолет заводы"ның Авиация укыту үзәге беренчеләрдән булып 2016 елның июлендә гамәлгә кергән 289 номерлы яңа Федераль авиация кагыйдәләре буенча сертификация процедурасын уңышлы үтте. Әлеге сертификат пилот, техникларны, гражданлык машиналары техник эксплуатацияләү һәм очу инженерларын укыта алу мөмкинлеген бирә.
"Ростех" дәүләт корпорациясенә кергән "Россия вертолетлары" холдингының биш укыту үзәге бар. 2017 ел ахырына кадәр "Россия Вертолетлары" холдингы «Роствертол», «НАРЗ» АҖ, «У-УАЗ», «Камов» АҖ укыту үзәкләрен дә сертификацияләүне планлаштыра.
Федераль һава транспорты агентлыгы (Росавиация) тарафыннан расланган сертификат һәм кушымталар Казан вертолет заводы авиация укыту үзәгенең белем бирүче оешмаларга карата куелган таләпләргә туры килүе турында сөйли. Сертификат чикләнмәгән вакыт аралыгына бирелә.
Сертификат алу белән беренчеләрдән булып Казан вертолет заводы укыту үзәгендә Кения Республикасының эчке эшләр министрлыгы очучылары, техниклары һәм инженерлары укып чыкты. Яңа укыту программасында теориягә 244 сәгать, тренажер әзерлек 54 сәгать күләмендә һәм очу әзерлегенә 36 сәгать бирелгән. Тренажер әзерлек Ми-8МТВ вертолетының комплекслы тренажерында алып барылган.
Казан вертолет заводы Авиация укыту үзәге 1995 елда оештырылган. 20 елдан артык вакыт аралыгында монда 9000 белгеч укытылган.
Хәзерге вакытта Авиация укыту үзәге укытуны Ми-8/17 һәм " Ансат" тибындагы вертолетларында үткәрә. Киләчәктә шундый ук укыту программасын Ми-38 вертолетында булдыру планлаштырыла.
"Татнефть" компаниясе һәм "ТАНЕКО" АҖ хезмәткәрләре ягулык-энергетика комплексы предприятиеләре яшьләре арасында узган "Яңа фикер" Бөтенроссия конкурсында җиңүче булды.
Конкурсантларны бәяләүдә алдынгы тармак компанияләре һәм фәнни-тикшеренү оешмаларынан 70 эксперт катнашты. 2016 елда ягулык-энергетика комплексының 100 предприятиесеннән 17 тематика буенча 220дән артык гариза бирелгән иде.
"Иң яхшы инновацион фикер" номинациясендә "Җәлилнефть" белгечләре Илнур Мухлиев һәм Ленар Сәгыйдуллин проекты җиңеп чыкты, ә "Иң яхшы инновацион проект" номинациясенең «Мәгълүмати технологияләр» секциясендә «ТАНЕКО» АҖ инженер-программисты Константин Кучукбаев проекты җиңүче булды.
Сочи шәһәрендә 6-7 апрель көннәрендә узган "Акыллы җитештерү системалары" 2017 V Юбилей халыкара саммиты тәмамланды. Чараның төп темасы сәнәгать революциясе йогынтысы астында 4.0 һәм интернет җайланмаларын (IoT), җитештерү һәм идарә ситемаларын трансформацияләү мәсьәләләре булды.
Саммитны оештыручы буларак "Кайдзен" Япония үзәге" чыгыш ясады. Саммит Россия Федерациясе Хөкүмәте каршындагы аналитик үзәк, Краснодар краеның икътисад министрлыгы, Татарстан Республикасы сәнәгать һәм сәүдә министрлыгы ярдәме белән узды.
«Роскосмос» ДК, Россия Саклык Банкы, Siemens, Bosh, Hitachi Construction Maсhinary, Россия тимер юллары, Татнефть, Газпромнефть, Ростелеком кебек эре предприятиеләр чарада беренче тапкыр катнашты.
Россиянең 27 регионыннан 250 катнашучы яңа буын җитештерү системалары үсеше векторы хакында фикер алыштылар. Бу Россиядә генә түгел, ә бөтен дөньяда Лин - җәмәгатьчелеге өчен яңа тема.
Чара кысаларында Япония, Германия, Финляндия, Бөекбритания, Россия компанияләре белгечләре үзләренең эшләнмәләре белән уртаклаштылар.
Бүген Татарстан Республикасы сәнәгать һәм сәүдә министрлыгында Олег Прозоров җитәкчелегендә Россиядә Бельгия-Люксембург Сәүдә Палатасы делегациясе белән очрашу узды.
Татарстан Республикасы тарифлар буенча дәүләт комитеты 2017 елның 5 апрелендә теркәлгән “Балалар туклану продуктлары бәяләренә өстәмә бәяләр куюны җайга салуны бетерү турында” 1-28/858 номерлы хаты белән Дәүләт комитетының түбәндәге карарларының үз көчләрен югалтуын тану хакында карарын кабул итүе турында хәбәр итә: Дәүләт Комитетының 2011 елның 29 июлендә теркәлгән “Балалар туклану продуктларына (азык концентраты) бәяләренә берәмләп һәм күпләп сатуда өстәмә сәүдә бәяләре кую чикләрен билгеләү турында” 8-13нче/соц номерлы карары һәм 2011 елның 19 августында теркәлгән Татарстан Республикасы тарифлар буенча Дәүләт комитетының 29.07.2011 8-13нче/соц карарына “Өстәмәләр һәм үзгәрешләр кертү турында” 8-16/соц номерлы карары.
7 апрель көнне ТР сәнәгать һәм сәүдә министрлыгында Татарстан Республикасы фармацевтик тармагы үсешен стимуллаштыру һәм перспективалары мәсьәләләренә багышланган эшлекле очрашу узды.
Бүген 7 апрельдә "Казаноргсинтез" АҖ 2016 елдагы эшчәнлеге нәтиҗәләре буенча акционерларның еллык Гомуми җыелышы узды. Аның эшендә Татарстан Республикасы Президенты Рөстәм Миңнеханов, шулай ук, республика министрлык һәм ведомство вәкилләре катнашты.
2016 елдагы эшчәнлек нәтиҗәләре турында төп доклад белән "Казаноргсинтез" генераль директоры Фәрит Миңнегулов чыгыш ясады. Ул акционер җәмгыятьнең үткән елны яхшы финанс күрсәткечләр белән тәмамлавын билгеләп үтте. Хисап елында 75,2 млрд сумлык продукция җитештерелгән, бу 2015 ел күрсәткечләре белән чагыштырганда 6,4 млрд. сумга яисә 9,4 процентка күбрәк. Физик күләм индексы 104,1 процент тәшкил иткән. "Казаноргсинтез" ҖАҖ 2016 елда чиста табышы 18 млрд 170 млн сум тәшкил иткән.
Товар продукциясенең структурасы 2016 елда узган елга караганда чагыштырмача үзгәргән. Товар продукциясе структурасында төп урынны этилен полимерлары һәм поликарбонатлар алып тора. "Казаноргсинтез" хезмәт хакын һәм тулы күләмдә барлык дәрәҗәдәге бюджетларга да салымнарны үз вакытында түли. Акционерлар "Казаноргсинтез" ҖАҖ 2016 елның еллык хисабын һәм бухгалтер (финанс) хисабын раслады.
Шулай ук, бу көнне компаниянең Директорлар советының яңа составы сайланды.
ТР Премьер-министры урынбасары - Татарстан Республикасы сәнәгать һәм сәүдә министры Альберт Кәримовтан тыш, "Казаноргсинтез" Директорлар советына "Казаноргсинтез" ҖАҖ генераль директоры Фәрит Миңнегулов, "Связьинвестнефтехим" АҖ генераль директорының беренче урынбасары Сергей Алексеев, "Газпром эшкәртү" ҖЧҖ генераль директоры Марат Гәрәев, Татарстан Республикасы икътисад министры Артем Здунов, "ТАИФ" ААҖ генераль директоры урынбасары Владимир Пресняков һәм башкалар керде.
ТР Президенты тәкъдиме белән Директорлар советы рәисе итеп Руслан Шиһабетдинов сайланды.
6 апрель көнне ТР Премьер-министры урынбасары – Татарстан Республикасы сәнәгать һәм сәүдә министры Алберт Кәримов Түбән Новгород өлкәсенә эш сәфәре кысаларында ГАЗ Төркеме флагманы булган Горький автомобиль заводында булды.
6 апрельдә Татарстан Республикасы Президенты Рөстәм Миңнеханов җитәкчелегендәге Татарстан Республикасы делегациясе Түбән Новгород өлкәсенең Саров шәһәрендә урнашкан Россия федераль атом-төш үзәгендә – Бөтенроссия эксперименталь физика фәнни-тикшеренү институтында (РФЯЦ-ВНИИЭФ) булды.
Гадәттәгечә, төбәк башлыгын ТР Премьер-министры урынбасары - Татарстан Республикасы сәнәгать һәм сәүдә министры Альберт Кәримов озатып йөрде. Шулай ук, ТР эре сәнәгать предприятиеләре җитәкчеләре дә делегация составына керде: "Казан вертолет заводы" ААҖ, "КАМАЗ", "А.М.Горький исемендәге Яшел Үзән заводы", "Сетевая компания" АҖ, "Татэнерго" һәм Казан (Идел Буе) федераль университеты һәм А.Н.Туполев исемендәге Казан милли тикшеренү техник университеты вәкилләре.
Визит барышында Татарстан Республикасы вәкилләре Лазер физикасы институты һәм Теоретик һәм математик физика институтының исәпләү үзәге эшчәнлеге белән таныштылар, җирле галимнәрнең эшләнмәләрен, аерым алганда, супер-ЭВМ һәм суперкомпьютер технологияләре өлкәсендәге экспонатларны күрделәр.
Аннан соң РФЯЦ-ВНИИЭФ атом-төш корал музеен карадылар, академик, илебездә атом-төш физикасына һәм атом сәнәгатенә нигез салучыларның берсе Юлий Харитон һәйкәленә чәчәкләр салдылар.
Атом-төш үзәгенең Галимнәр йортында Татарстан делегациясе әгъзаларына илебездәге программа белән тәэмин итү эшләнмәләренең проектлары экспозициясен тәкъдим иттеләр.
Визит азагында «Цифрлы икътисад – Россиянең киләчәге. Бердәм команда» темасына киңәшмә узды. Аның эшендә Татарстан Республикасы Президенты Рөстәм Миңнеханов, Россия Федерациясе Президентының Идел буе федераль округындагы Тулы вәкаләтле вәкиле урынбасары Олег Машковский, РФЯЦ-ВНИИЭФ директоры Валентин Костюков, Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов һәм башкалар катнашты.
РФЯЦ-ВНИИЭФ матбугат хезмәте материаллары буенча.
Ford Sollers март аенда Россия Ford автомобильләрен сату саны 4173 тәшкил итүе турында хәбәр итә. Бу узган елның шул ук чоры белән чагыштырганда 3% ка күбрәк һәм узган ай нәтиҗәләренә карасак 41% артыграк. 2017 елның беренче кварталында барлыгы 9 380 автомобиль сатылган.
Ford модель рәте арасында максималь сатылуга Россиядә җитештерелгән "Ford Transit" иреште –2017 елның беренче кварталында 55% ка күбрәк. Бу модель сатылышы тотрыклы рәвештә бер айдан икенче айга артып бара. Шулай итеп, узган елның март аеннан 54% ка артык һәм 596 автомобиль тәшкил итә. Гомумән алганда, елның беренче өч аенда 1 418 Ford Transit сатылган.
Шулай ук, беренче кварталда сатуда үсешне Ford кроссоверы күрсәтте. Март ае нәтиҗәләре буенча алар арасында лидерлыкны Ford Kuga алды – 936 автомобиль, бу узган елның март аена караганда 18% ка күбрәк. Иң күп сатылуны компактлы кроссовер Ford EcoSport күрсәтте – март аенда 104% ка күбрәк, ә 2017 елның беренче өч ае нәтиҗәләре буенча 46% артык. Ford Explorer линейкасы флагманын сату беренче кварталда 10% артты.
Сатуларның артуына Россиядә җитештерелгән Ford брендының кайбер модельләренә бәяләр төшү дә, шулай ук, сатуга яңа Ford Kuga чыгу да сәбәпче булды.
Ford Sollers 2017 елның март аеннан клиентларга Ford автомобиленә отышлы бәяләр тәкъдим итә.