ЯҢАЛЫКЛАР

7 февральдә, 10:00 сәгатьтә, Россия Федерациясенең Һиндстан Республикасындагы Сәүдә вәкиле урынбасары Евгений Владимирович Грива Татарстан предприятиеләре белән онлайн-очрашу уздырачак.

Татарстан Республикасы Сәнәгать һәм сәүдә министрлыгы Татарстанның кызыксынган предприятиеләрен видеоконференция форматында катнашырга чакыра.

Бу хакта Татарстан Республикасы сәнәгать һәм сәүдә министры урынбасары Иван Колчин кием сәнәгате предприятияләре өчен стратегик сессиядә хәбәр итте. Очрашу 3 февральдә Чаллы шәһәрендә узды.

Ул билгеләп үткәнчә, Татарстанда бик күп эшләнмәләр җитештерелә – бу балалар һәм өлкәннәр өчен киемнәр, аяк киеме, мәктәп формасы, махсус киемнәр, тукымалар. Узган ел республиканың кайбер предприятиеләре мобилизацияләнгән гражданнарны тәэмин итү өчен экипировка җитештерүгә үзгәртеп корылган, бу тармакның сыгылмалылыгы һәм аның икътисадның үзгәрә торган шартларына әзерлеге турында сөйли.

2023 елда республикада илебездә җитештерелгән тагын 20 заряд алу станциясен урнаштыру һәм 2024 елга электр транспорты өчен 194 заряд алу станциясен эксплуатацияләүне тәэмин итү планлаштырыла. Бу хакта Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Олег Коробченко «Россия Федерациясендә автомобиль электр транспортын үстерү» түгәрәк өстәлендә хәбәр итте. Ул 2 февральдә Россия төбәкләре катнашында  РФ икътисадый үсеш министры урынбасары Максим Колесников җитәкчелегендә узды.

Россия Федерациясе Хөкүмәтенең 1649 номерлы карары буенча НИОКР өчен заманча технологияләр исемлегенә кертүгә гаризалар җыела башлады. Субсидия Россия Федерациясе Сәнәгать һәм сәүдә министрлыгының заманча технологияләр исемлеге нигезендә инновацион проектларны гамәлгә ашыру кысаларында заманча технологияләр буенча НИОКР үткәрүгә киткән чыгымнарның бер өлешен компенсацияләүгә бүленәчәк.

5% ташламалы ставка белән ташламалы кредит алып була торган электрон техника җитештерүчеләргә ярдәм итү программасы 2023 елга һәм алдагы елларга озайтыла. Хөкүмәт рәисе Михаил Мишустин бу хактагы карарны имзалаган.

Программаны озайтудан тыш, җитештерүгә ташламалы кредит алырга мөмкин булган электрон техника исемлеге дә киңәя. Хәзер бу исемлеккә исәпләү техникасы (компьютерлар, ноутбуклар, планшетлар, серверлар, мәгълүмат саклау системалары) гына түгел, телекоммуникация һәм офис җиһазлары, шул исәптән принтерлар, сканерлар, факслар, мобиль һәм стационар телефоннар да керә. Моннан тыш, ташламалы кредит бирү вакыты бер елдан биш елга кадәр арта.

Россия экспорт үзәге «Россиядә эшләнгән» ирекле сертификатын алган Россия компанияләренә продукцияләрен чит илләрдәге илкүләм онлайн кибетләрендә, шоу-румнарда танытырга ярдәм итәчәк. Аларга шулай ук кобрендинг проектлары да тәкъдим ителәчәк. 

Бу турыда  Татарстан вице-премьеры – Татарстан Республикасы сәнәгать һәм сәүдә министры Олег Коробченко 27 гыйнварда ТР Президенты Рөстәм Миңнеханов катнашында Министрлар Кабинетында узган киңәшмәдә  хәбәр итте.

Түбән Камада СИБУРның Түбән Кама предприятиесе – «Нижнекамскнефтехим» мәйданчыгында гексен производствосы төзелеше буенча иҗтимагый тыңлаулар узган.

Фикер алышуларда җирле үзидарә органнары вәкилләре, «Нижнекамскнефтехим» җитәкчеләре, проект институты, Түбән Каманың иҗтимагый берләшмәләре вәкилләре катнашкан. Нәтиҗәдә, гексен производствосын төзү буенча ОВОС проект документлары һәм материаллары буенча иҗтимагый тыңлаулар узган дип танылган.

Татарстан Республикасы Сәнәгать һәм сәүдә министрлыгы башлыгы Олег Коробченко республикада газ-мотор ягулыгын куллануны киңәйтү мәсьәләсе буенча киңәшмәдә катнашты. 27 гыйнварда аны Министрлар Кабинеты Аппараты җитәкчесе Шамил Гафаров үткәрде.

24 гыйнварда Россия Федерациясенең Таҗикстандагы Сәүдә вәкиле Евгений Кореньков белән онлайн-очрашу узды. Анда Татарстан Республикасы сәнәгать һәм сәүдә министры урынбасары Герман Лернер катнашты.

«Хәзерге шартларда бизнес төрле кыенлыкларга тарый, аларны эзлекле рәвештә хәл итәргә кирәк. Һәм без Татарстан Республикасының экспорт юнәлешле предприятиеләре өчен Таҗикстан перспектив партнер булып тора дип саныйбыз», –  диде Герман Лернер.