ЯҢАЛЫКЛАР

Бүген Татарстан Республикасы Премьер-министры урынбасары –Татарстан Республикасы сәнәгать һәм сәүдә министры Равил Зарипов Татарстан Республикасы Министрлар Кабинеты каршындагы салым һәм җыемнар буенча Икътисадый совет утырышында катнашты. Утырышны Татарстан Республикасы Президенты Рөстәм Миңнеханов рәислегендә узды. Видеоконференцэлемтә режимындагы Икътисадый совет эшендә Татарстан Республикасының бөтен муниципаль районнары һәм шәһәр округлары, предприятиеләре һәм оешмалары җитәкчеләре катнашты.
Рөстәм Миңнеханов компанияләр һәм оешмаларның эшчәнлекләре нәтиҗәсендә күргән зыяннарына аерым игътибар итте.

11 мартта Татарстан Республикасы Сәнәгать һәм сәүдә министрлыгында урта һәм кече тоннажлы химияне үстерү мәсьәләләре буенча Ведомствоара эшче төркемнең беренче утырышы узды. Утырышның максаты – импорт буенча нефть, газ химия комплексы предприятиеләренең сатып алына торган продукция Исемлегенә нигезләнеп, химия продукциясен җитештерүдә импортка алмаш табуны оештыру.
Утырышта катнашучылар кече тоннажлы химияне җитештерү технологияләрен үстерүнең перспектив проектлары хакында фикер алыштылар: «КЗСК-Силикон» ААҖ чыгарылырга планлаштырылган продукция нигезендә кремний органиклы кластер булдыру, «Нижнекамскнефтехим» САҖ сәнәгать чыгармалары нигезендә ярымфункциональ чимал (карбинол) кече тоннажлы җитештерүен оештыру.

Бүген Татарстан Премьер-министры Илдар Халиков Казанның оборона предприятиеләре ветераннарына “1941-1945 еллардагы Бөек Ватан сугышында Җиңүгә 70 ел” юбилей медальләрен тапшырды.
Медальләр Казанның стратегик предприятиеләренең 35 ветеранына тапшырылды - “Туполев” ААҖ филиалы - С.П.Горбунов исем. Казан авиация заводы, ПАО «КВЗ» САҖ, «КМПО» ААҖ һәм «Казан дәүләт дары заводы» ФКП.

2015 елның 11 мартында Татарстан Республикасы Сәнәгать һәм сәүдә министрлыгында “Татарстан Республикасының иң яхшы товарлары һәм хезмәт күрсәтүләре” бәйгесенең оештыру комитеты рәисе – Татарстан Республикасы Премьер-министры урынбасары - Татарстан Республикасы сәнәгать һәм сәүдә министры Равил Зарипов җитәкчелегендәге “Татарстан Республикасының иң яхшы товарлары һәм хезмәт күрсәтүләре” 2015 елдагы республика бәйгесен оештыру комитетының беренче утырышы узды.
Бәйгене оештыручы комитет әгъзалары аны үткәрү тәртибен камилләштерү, бәйгегә тәкъдим ителгән продукциянең һәм хезмәт күрсәтүләрнең исемлеген киңәйтү, бәйге кысаларында өстәмә чаралар оештыру, җиңүчеләрне бүләкләү форматын үзгәртү буенча тәкъдимнәр карадылар.

Татарстан Республикасы Премьер-министр урынбасары –Татарстан Республикасы сәнәгать һәм сәүдә министры Равил Зарипов Татарстан Республикасы делегациясе составында Иран Ислам Республикасына эш визиты кысаларында Тәбризнең сәнәгать предприятиеләрендә булды, шул исәптән, Тәбриз кафель плиткасы заводында, Иран тракторлар төзү компаниясендә, Тәбриз нефть химиясе компаниясендә булды.
Татарстан Республикасы Президенты Рөстәм Миңнеханов предприятиеләрнең җитештерү мәйданнарын, әзер продукция складларын карады. Ул кафель плиткасы заводы белән хезмәттәшлек итү теләген белдерде, багланышлар ысулларын карауны тәкъдим итте.
Шулай ук 10 март көнне Татарстан Республикасы делегациясе Иран-Татарстан эшлекле форумында катнашты.

2015 елның 8 мартында Татарстан Республикасы Президенты Рөстәм Миңнеханов җитәкчелегендәге Татарстан Республикасы делегациясе эш сәфәре белән Иран Ислам Республикасына килде. Татарстан Республикасы делегациясе составында – Татарстан Республикасы Премьер-министр урынбасары –Татарстан Республикасы сәнәгать һәм сәүдә министры Равил Зарипов, Татарстан Республикасы Премьер-министр урынбасары –Татарстан Республикасы мәгълүматлаштыру һәм элемтә министры Роман Шәйхетдинов, Татарстан Республикасы Премьер-министр урынбасары –Татарстан Республикасы мәгариф һәм фән министры Энгель Фәттахов һәм башкалар.

2015 елның 6 мартында Татарстан Республикасы сәнәгать һәм сәүдә министрлыгында Татарстан Республикасы сәнәгать һәм сәүдә министры вазыйфаларын вакытлыча башкаручы Рашат Фәттаховның Вологда өлкәсе икътисадый үсеш Департаменты мөдире Кирилл Торопов җитәкчелегендәге Вологда өлкәсе делегациясе белән очрашуы узды. Очрашу кысаларында делегациягә Татарстан Республикасының потенциалы тәкъдир ителде, сәүдә һәм тышкы икътисадый эшчәнлек өлкәсендәге тәҗрибә белән уртаклашу мәсьәләсе хакында фикер алышынды. Татарстан Республикасында делегация ике көнлек эш визиты белән килде.

2015 елның 5 мартында Татарстан Республикасы Премьер-министры урынбасары – Татарстан Республикасы сәнәгать һәм сәүдә министы Равил Зарипов “Кырым Республикасы муниципаль берәмлекләренә матди ярдәм күрсәтү нәтиҗәләре турында” Федерация Советының федератив корылыш, регональ сәясәт, җирле үзидарә hәм Төньяк эшләре Комитетының утырышында катнашачак.
Киңәшмәдә Кырым Республикасына Россия Федерациясе субъектлары тарафыннан методик һәм матди ярдәм күрсәтү һәм федераль әһәмиятле Севастополь шәһәрендә коммуналь хуҗалык һәм социаль өлкә объектлары функцияләренең төгәл башкарылуын тәэмин итү буенча 2014 елда үткәрелгән чараларга нәтиҗә ясау планлаштырыла.

2015 елның 4-5 мартында Кострома өлкәсе Губернаторы С.Ситников җитәкчелегендә Кострома өлкәсе делегациясенең Татарстан Республикасына визиты узачак.
Кострома өлкәсе делегациясе составында - Кострома өлкәсе Губернаторы урынбасары П.Алексеев, Кострома өлкәсе Думасы депутаты, «Алмаз-Холдинг» ювелир компаниясе Президенты Ф.Гомәрев, «Пегас» элетр механикасы заводы» ЯАҖ генераль директоры В.Голубев, «Галич автокран завод»ы ААҖ директорлар Советы рәисе О.Зеленский, «Кострома автокомпонентлар завод»ы ЯАҖ генераль директоры С.Калашников.
Татарстан Республикасына визит программасы кысаларында Кострома өлкәсе делегациясе IT-парк югары технологияләр өлкәсендә технопаркы, Казан Федераль университетының медицина һәм биология фундаменталь Институтының укыту –лаборатор кампусы, «КАПО-Композит» авиация заводы, «КАИ-Лазер» сәнәгать лазер технологияләренең инжиниринг үзәге, Казан Кремле, «Алабуга» махсус икътисадый зонасы, «КАМАЗ» ААҖ белән танышачаклар.