“Татарстан Республикасының иң яхшы товарлары һәм хезмәт күрсәтүләре” -2015 елдагы республика бәйгесенең оештыру комитетының беренче утырышы

2015 елның 11 мартында Татарстан Республикасы Сәнәгать һәм сәүдә министрлыгында “Татарстан Республикасының иң яхшы товарлары һәм хезмәт күрсәтүләре” бәйгесенең оештыру комитеты рәисе – Татарстан Республикасы Премьер-министры урынбасары - Татарстан Республикасы сәнәгать һәм сәүдә министры Равил Зарипов җитәкчелегендәге “Татарстан Республикасының иң яхшы товарлары һәм хезмәт күрсәтүләре” 2015 елдагы республика бәйгесен оештыру комитетының беренче утырышы узды.
Бәйгене оештыручы комитет әгъзалары аны үткәрү тәртибен камилләштерү, бәйгегә тәкъдим ителгән продукциянең һәм хезмәт күрсәтүләрнең исемлеген киңәйтү, бәйге кысаларында өстәмә чаралар оештыру, җиңүчеләрне бүләкләү форматын үзгәртү буенча тәкъдимнәр карадылар.
Оештыру комитеты карары буенча 2015 елда бәйгедә катнашучыларның заявкаларын җыючысы булып, “ЦСМ “Татарстан” предприятиесе билгеләнде.
Мәгълүмат өчен.
2015 елда “Татарстан Республикасының иң яхшы товарлары һәм хезмәт күрсәтүләре” унберенче бәйгесендә Татарстан Республикасының 229 товар җитештерүчесе катнашты. Алар оештыру комитетына 440 товар, продукция һәм хезмәт күрсәтүләре исемлеген тәкъдим иттеләр.
Эш нәтиҗәсендә эксперт комиссияләр тарафыннан узган елны 146 товар, продукция һәм хезмәт күрсәтүләре бәйге лауреатлары исемен яулады (2013 елда -181). Шулай ук, 176, продукция һәм хезмәт күрсәтүләре I дәрәҗәдәге дипломнар (2013 елда -181), 80 данә – II дәрәҗәдәге дипломнар белән бүләкләнде (2013 елда -60).
2014 елда бәйгедә кече һәм урта эшмәкәрлек вәкилләре актив катнашты, алар барлык катнашучыларның 43процентын тәшкил иттеләр.
Нәтиҗәләр билгеләнгәч, “Татарстан Республикасының иң яхшы товарлары һәм хезмәт күрсәтүләре” - 2014 бәйге лауреатлары” каталогы әзерләнде. Анда һәр лауреат турында төгәл мәгълүмат урнаштырылды. Әлеге каталог республиканың төрле тармакларындагы уңышларын Татарстан территориясендә генә түгел, ә Россия регионнарында һәм ерак чит илләрендә тәкъдир итәргә мөмкинлек бирә (каталог рус һәм инглиз телләрендә чыгарыла, министрлыкның рәсми сайтында урнаштырылган).
2014 елның 142 товар, , продукция һәм хезмәт күрсәтүләре исемлеге “Россиянең 100 иң яхшы товары” Программасының федераль этабына чыгарылды (2013 елда - 168). 59 төр продукция һәм хезмәт күрсәтүләре федераль этапның лауреатлары булдылар (2013елда – 54), 83 – дипломнар яулады (2013 елда - 114).