ЯҢАЛЫКЛАР

9 декабрь Берләшкән Милләтләр Оешмасы (БМО) тәкъдиме белән коррупциягә каршы халыкара көрәш көне буларак билгеләп үтелә. "Татарстан Республикасында коррупциягә каршы гамәлләр турында" 2006 елның 4 маендагы Татарстан Республикасы Законы нигезендә Татарстан Республикасы Сәнәгать һәм сәүдә министрлыгында "2009-2011 елларга коррупциягә каршы көрәш стратегиясен гамәлгә ашыру программасы" расланды. Министрлык Татарстан Республикасы Министрлар Кабинетының 2011 елның 18 августындагы 687 номерлы Карары белән расланган "2012-2014 елларга коррупциягә каршы республика комплекслы программасы"н тормышка ашыруда актив катнаша.

2011 елның 9 декабрендә Татарстан Республикасы Сәнәгать һәм сәүдә министрлыгында предприятиеләрнең кадрлар хезмәте эшен һәм хезмәтне саклауны оештыруга багышланган киңәшмә үткәрелә.
Киңәшмә эшендә Татарстан Республикасы Министрлар Кабинеты, Татарстан Республикасы Сәнәгать һәм сәүдә министрлыгы, Татарстан Республикасы Икътисад министрлыгы, Татарстан Республикасында дәүләт хезмәт инспекциясе, Хезмәтне саклауның төбәкара ассоциациясе, предприятиеләр һәм республиканың уку йортлары вәкилләре катнаша.
Әлеге чарада түбәндәге мәсьәләләр хакында фикер алышу булачак:
• гомуми белем бирү учреждениеләрендә шефлык һәм һөнәри юнәлеш бирү эше;
• максатчан контрактлы әзерләүне нәтиҗәле оештыру мәсьәләләре;

• Предприятиеләрнең кадрлар хезмәте ассоциациясе эше;

• хезмәтне саклау һәм хезмәт иминлеге турында;

• бүләкләүләр хакында.

2011 елның 8 декабрендә “Сакчыл җитештерү”не кертү буенча Татарстан Республикасы Сәнәгать һәм сәүдә министрлыгы үткәрә торган эш кысаларында, республиканың хакимият органнары, министрлыклар һәм ведомстволар, оешмалар һәм предприятиеләр җитәкчеләрен Лин-технологияләргә өйрәтү максатыннан “КАМАЗ” ААҖдә “КАМАЗ ААҖ мисалында “Сакчыл җитештерү”не кертү принциплары” хакында уку-укыту семинары оештырылды. Аның эшендә республика Премьер –министры И.Ш. Халиков та катнашты.

Татарстан – Россиянең икътисадый яктан иң алга киткән төбәкләренең берсе, Россиядәге җитештерү сәнәгатенең дүрт процентка якыны республикабызга туры килә. Татарстан Республикасы сәнәгать һәм сәүдә министры Равил Зарипов “Яңалыклар” Россия мәгълүмат агентлыгына биргән интервьюсында Татарстанда икътисадның инновацион үсешкә күчү стратегиясен гамәлгә ашыру турында сөйләде.