2011 елгы “Татарстан Республикасының иң яхшы товарлары” республика конкурсы һәм “Россиянең иң яхшы 100 товары” бөтенроссия конкурсы җиңүчеләрен бүләкләү тантанасы

2011 елның 29 ноябрендә Татарстан Республикасы Сәнәгать һәм сәүдә министрлыгы «ЦСМ Татарстан» ФБУ белән берлектә 2011 елгы “Татарстан Республикасының иң яхшы товарлары” республика конкурсы һәм “Россиянең иң яхшы 100 товары” бөтенроссия конкурсы җиңүчеләрен бүләкләү тантанасы үткәрә. Тантанада Татарстан Республикасы Премьер-министры Илдар Халиков, “Татарстан Республикасының иң яхшы товарлары” конкурсын оештыру комитеты рәисе, Татарстан Республикасы сәнәгать һәм сәүдә министры Равиль Зарипов, министрлыклар һәм ведомстволар җитәкчеләре, лауреат һәм дипломант исемнәрен яулаган предприятие җитәкчеләре катнаша.
2011 елгы “Татарстан Республикасының иң яхшы товарлары” республика конкурсы һәм “Россиянең 100 иң яхшы товары” бөтенроссия конкурсы җиңүчеләрен бүләкләү тантанасы программасы түбәндәгеләрне үз эченә ала:
13.30 – 14.00
конкурс лауреатлары булган предприятиеләр җитештерә торган товарлар, күрсәтә торган хезмәтләр күргәзмәсен карау (“Казан” ММҮ фойесы)
ММЧ вәкилләре белән аралашу (“Казан” ММҮ фойесы)
14.00 –15.15 Бүләкләү тантанасы (“Казан” ММҮ залы):
• Татарстан Республикасы Премьер-министры Илдар Халиков чыгышы;
• Техник җайга салу һәм метрология федераль агентлыгы җитәкчесе, “Россиянең иң яхшы 100 товары” программасын оештыру советы рәисе Григорий Иосифович Элькин чыгышы;
• Татарстан Республикасы сәнәгать һәм сәүдә министры, “Татарстан Республикасының иң яхшы товарлары” конкурсын оештыру комитеты рәисе Равиль Зарипов чыгышы;
• “Россиянең иң яхшы 100 товары” программасын оештыручыларның Татарстан Республикасы җитәкчелеген котлавы;
• 2011 елгы “Татарстан Республикасының сыйфат лидеры” призы лауреатлары исеменә лаек булган предприятиеләрне бүләкләү;
• 2011 елгы “Татарстан Республикасының иң яхшы товарлары” республика конкурсы һәм “Россиянең иң яхшы 100 товары” бөтенроссия конкурсы лауреатларын һәм дипломантларын бүләкләү;
• концерт программасы.

Мәгълүмат өчен :
2011 елда “Татарстан Республикасының иң яхшы товарлары” конкурсында республиканың 212 предприятиясендә эшләнә торган 416 исемдәге продукция һәм хезмәт күрсәтүләр тәкъдим ителде. Эксперт комиссияләре эше йомгаклары буенча конкурсның оештыру комитеты 162 лауреат, 176 беренче дәрәҗә, 44 икенче дәрәҗә дипломантларны раслады.