«Казан ГипроНИИАвиапром» ябык акционер җәмгыятенә – 70 яшь

2011 елның 2 декабрендә «Казан ГипроНИИАвиапром» ябык акционер җәмгыятенең 70 еллыгына багышланган тантаналы җыелыш була. Әлеге предприятие авиация сәнәгатенең әйдәп баручы булып тора.
Институт Идел буенда авиация сәнәгатен булдыру өчен1941 елда төзелә. Эре оборона предприятиеләренең күбесе – Казан авиация җитештерү берләшмәсе, Саратов авиация заводы, Казан вертолет заводы һәм аларның энергетик һәм социаль инфраструктуралары проектлары «Казан ГипроНИИАвиапром»да эшләнгән. Институтта һәрдаим яңа юнәлешләр үзләштерелә: аэропортларны, федераль тһәмияттәгше автомобиль юлларын, төзелеш индустриясе объектларын, заманча торак биналарны, азык-төлек һәм куркыныч җитештерү предприятиеләрен, магистраль торба үткәргечләрне, мәдәни мирас объектларын проектлау һәм башкалар.
Соңгы елларда институт авиация сәнәгатенең төрле объектларында проект һәм фәнни-тикшеренү эшләре алып бара. Мәсәлән, КАҖБдә эшләнгән якын арага очучы Ту-334, ВАСОда җыелучы Ан-148 самолетлары, Авиастар-СПда уртача арага очучы Ту-204 самолетларын күпләп җитештерүне булдыру, наномодификацияләнгән күмер пластигыннан МС-21 һәм Sukhoi Super Jet 100 самолетлары өчен канатлар җитештерү заводы төзү буенча инвестиция проектлары.