«Нанотехнологияләр. Казан-2011» III махсуслашкан күргәзмәсен ачу тантанасы.

2011 елның 30 ноябрендә “Казан ярминкәсе” күргәзмәләр үзәгендә (1 нче павильон) “Нанотехнологияләр. Казан-2011” III махсуслашкан күргәзмәсен һәм “Сәнәгатьтә экологик имин технологияләр” юнәлеше буенча “Сәнәгатьтә нанотехнологияләр” XII халыкара конференциясен тантаналы ачу була.
Чарада Татарстан Республикасы Президенты Рөстәм Нургали улы Миңнеханов катнаша.
Күргәзмәне ачу тантанасы программасына түбәндәгеләр кертелгән:
10.00-10.30 “Нанотехнологияләр. Казан-2011” III махсуслашкан күргәзмәсен һәм “Сәнәгатьтә экологик имин технологияләр” юнәлеше буенча “Сәнәгатьтә нанотехнологияләр” XII халыкара конференциясен тантаналы ачу (1 нче павильон)
10.30-11.30 Күргәзмә экспозициясен рәсми карау (1нче павильон)
11.30-11.50 ММЧ вәкилләре белән аралашу (1нче павильон)
12.00- 14.00 “Сәнәгатьтә экологик имин технологияләр” юнәлеше буенча “Сәнәгатьтә нанотехнологияләр” XII халыкара конференциясе пленар утырышы (бизнес-үзәк).

Күргәзмәне оештыручылар: Татарстан Республикасы Президенты һәм Хөкүмәте, “РОСНАНО” ААҖ ярдәмендә Татарстан Республикасы Сәнәгать һәм сәүдә министрлыгы, Казан шәһәре мэриясе, “Казан ярминкәсе” ААҖ

Күргәзмә экспозициясе:
• наноматериаллар һәм нанотехнологияләр
• наноматериаллар җитештерү технологияләре һәм җиһазлары
• нанотехнологияләр өлкәсендә хезмәтләр күрсәтү
• нанотехнологияләр һәм наноматериаллар кулланып җитештерелгән әзер продукция
• нанотехнологияләрне сәнәгатьнең төрле тармакларында куллану
• наноинженерия һәм наноэлектроника
• наноматериаллар нигезендәге модульләр һәм оригиналь компонентлар
• компонентлар һәм микросистемалар өчен наноматериаллар
• Инновацияләр

Күргәзмәнең максатлары:
• Нанотехнологияләр һәм наноматериаллар өлкәсендә предприятиеләр һәм фәнни коллективлар казанышларын күрсәтү;
• аларны халыкара базарларга чыгаруга ярдәм итү;
• нанотехнологияләрне фәннең, техниканың һәм җитештерүнең төрле тармакларына кертүгә ярдәм итү;
• базарга югары технологияле продукция һәм кабатланмас куллану үзенчәлекләре булган принципиаль яңа материаллар тәкъдим итү;
• нанотехнологияләр һәм наноматериаллар буенча төбәк программаларын булдыруга һәм аларны гамәлгә ашыруга ярдәм итү;
• фәнни-техник эшчәнлекнең граждан билгеләнешендәге эш нәтиҗәләрен коммерцияләштерүгә ярдәм итү
“Нанотехнологияләр. Казан-2011” III махсуслашкан күргәзмәдә Казан, Мәскәү, Оренбург, Пермь, Самара, Санкт-Петербург, Судогда (Владимир өлкәсе), Томск, Чебоксар, Ярославль шәһәрләреннән 92 компания катнаша, шул исәптән Оренбург өлкәсе (4 оешма), Ярославль өлкәсе (4 оешма), Чуваш Республикасы (6 оешма), “РОСНАНО” ААҖ (13 оешма) коллектив стендлар тәкъдим итә.

Татарстан Республикасы стендында республиканың инновация һәм фәнни потенциалы, “Идея” нанотехнологияләр үзәге, Татарстан Республикасы наноиндустриясенең төзелеш, нефть химиясе, медицина, машина төзелеше тармакларындагы өстенлекле проектлары хакында мәгълүмат урнаштырылган.
Күргәзмәнең эшлекле программасы кысаларында “Сәнәгатьтә экологик имин технологияләр” юнәлеше буенча “Сәнәгатьтә нанотехнологияләр” XII халыкара конференциясе булачак. Анда Россия һәм чит илләрнең әйдәп баручы галимнәре һәм дәүләт хакимияте органнары һәм сәнәгать предприятиеләре белгечләре катнаша.

Конференцияне оештыручылар: Татарстан Республикасы Сәнәгать һәм сәүдә министрлыгы, “РОСНАНО” дәүләт корпорациясе, Татарстан Республикасы Фәннәр академиясе, Татарстан Республикасы Икътисад министрлыгы, А.Н. Туполев ис. Казан милли тикшеренү техник университеты (КАИ), Казан (Идел буе) федераль университеты, Татарстан ЦНТИ, “Казан ярминкәсе” ААҖ.
2011 елның 30 ноябрендә пленар утырыш, “Инфраструктур һәм белем бирү программалары фондының инновацион, шул исәптән нанотехнологик продукцияне бәйсез җитештерүчеләр белән хезмәттәшлеге” темасына “түгәрәк өстәл” үткәрелә.
2011 елның 1 декабрендә конференция программасы кысаларында 6 тематик секция эшләячәк: «Нефть һәм газ сәнәгатендә нанотехнологияләр», «Авиакосмик һәм машина төзү сәнәгатендә нанотехнологияләр», «Наноиндустрия өчен белгечләр әзерләү технологиясе», «Нанофән һәм нанотехнологияләр: гамәли һәм ысулый аспектлар», «Медик-биологик проблемаларны чишүдә нанотехнологияләр», «Төзелештә нанотехнологияләр».
2011 елның 2 декабрендә Татарстан Республикасында наноиндустрияне үстерү буенча республика ведомствоара комссиясенең һәм Россия нанотехнология җәмгыятенең уртак утырышы булачак.
Казан (Идел буе) федераль университеты һәм Казан дәүләт технология университеты катнашында Фәнни-техник тармакта кече предприятиеләр үсешенә ярдәм фонды тарафыннан аккредитация үткән, “Яшьләр фәнни-инновация конкурсында катнашучы” Программасының йомгаклау чарасы буларак үткәрелүче “Идел” Бөтенроссия фәнни-гамәли яшьләр конференциясендә катнашу өчен сайлап алулар үткәрелә.