ЯҢАЛЫКЛАР

2016 елның 4 маенда Казанда "Татарстан-Сычуань" эшлекле форумы үз эшен башлады. Чара Кытайның Сычуань провинциясе Коммунистлар  партиясе партком секретаре, Бөтенкытай җыены халык вәкилләре Даими комитеты начальнигы Ван Дунминның  Татарстанга визиты кысаларында үткәрелә.

Эшлекле форум эшендә Татарстан Республикасы Премьер-министры Илдар Халиков, Татарстан Республикасы Премьер-министр урынбасары - ТР сәнәгать һәм сәүдә министры Алберт Кәримов, Сычуань провинциясе үсеше һәм реформасы буенча Комитет Начальнигы Тан Лиминь, Татарстан һәм Кытай эшлекле даирәләре һәм дәүләт хакимияте органнары вәкилләре катнаша.

Татарстан Республикасы сәнәгать потенциалы презентациясе белән Татарстан Республикасы Премьер-министр урынбасары - ТР сәнәгать һәм сәүдә министры Алберт Кәримов чыгыш ясаячак. Ул Татарстан белән Сычуань провинциясе арасындагы сәүдә-икътисадый хезмәттәшлекнең агымдагы халәте һәм перспектив юнәлешләре турында сөйләячәк.

Форум барышында хезмәттәшлек турында ике яклы документларны имзалау планлаштырыла, Татарстан һәм Кытай эшлекле даирәләре вәкилләренең адреслы очрашулары узачак.    

 ТР сәнәгать һәм сәүдә министрлыгы мәгълүматлары буенча 2015 елда Татарстан һәм Кытай арасындагы тышкы сәүдә әйләнеше 264 млн. АКШ доллары тәшкил иткән.

Мәгълүмат "Татар-информ МА сайтында урнаштырылган: http://www.tatar-inform.ru/news/2016/05/04/502283/

2016 елның 4 маенда Татарстан Республикасы Премьер-министр урынбасары - ТР сәнәгать һәм сәүдә министры Алберт Кәримов Татарстан Республикасы Премьер-министры Илдар Халиковның Сычуань провинциясе  партком секретаре, Бөтенкытай җыены халык вәкилләре Даими комитеты начальнигы Ван Дунмин белән очрашуында катнашты.

Әлеге визитның бик җитди булуының иң яхшы раслаучысы-бу шиксез, зур Сычуань провинциясе делегациясенең зур булуы һәм аның составында бизнес вәкилләре, дәүләт хезмәткәрләре, дип билгеләп үтте Илдар Халиков. Ул искә төшергәнчә, әлеге визит башланыр алдыннан Татарстанда Кытайдан вәкилләр булып җитди әзерлек эшләре башкарып киттеләр.

Илдар Халиков Ван Дунмин әфәндегә мөрәҗәгать итеп: Сезнең Татарстанга визитыгыз һәм безнең реионга булган игътибарыгыз киләчәккә ышаныч уята һәм җитди проектларны тормышка ашыру мөмкинлекләре турында сөйли, диде.

"Бүген Татарстан Кытай провинцияләре белән хезмәттәшлек итү нәтиҗәсендә бик күп төрле проектларга ия, - дип билгеләп үтте Татарстан Премьер-министры. - Аерым алганда, күптән түгел Татарстанда "Хайер" кытай компаниясе суыткыч җайланмаларын җитештерү заводын ачты. Шулай ук, кытай партнерларының "Камаз" белән дә күптәнге элемтәләре бар".

Үз чиратында Сычуань провинциясе партком секретаре, Бөтенкытай җыены халык вәкилләре Даими комитеты начальнигы Ван Дунмин әфәнде Сычуань провинциясе делегациясен Татарстанда җылы кабул итүләре өчен рәхмәт сүзләрен белдерде. Ул Татарстан белән хезмәттәшлек озак һәм уңышлы булыр дигән ышанычын белдерде.

(ТР Президентының Матбугат хезмәте мәгълүматлары кулланылды. )

2016 елның 3 маенда Татарстанга Сычуань провинциясе  партком секретаре, Бөтенкытай җыены халык вәкилләре Даими комитеты начальнигы Ван Дунмин эш визиты белән килде.

"Казан" халыкара аэропортында Ван Дунмин әфәндене Татарстан Республикасы Премьер-министры Илдар Халиков, Татарстан Республикасы Премьер-министр урынбасары - ТР сәнәгать һәм сәүдә министры Алберт Кәримов каршы алдылар.

4 майда Казандагы визит кысаларында Сычуань провинциясе  партком секретаре, Бөтенкытай җыены халык вәкилләре Даими комитеты начальнигы Ван Дунмин һәм Сычуань провинциясе делегациясе вәкилләре "Татарстан - Сычуань" бизнес-форумы эшендә катнашачаклар. Форум барышында хезмәттәшлек турында ике яклы документларны имзалау планлаштырыла, Татарстан һәм Кытай эшлекле даирәләре вәкилләренең адреслы очрашулары узачак.    

2016 елның 4 маенда Казанда Кытайның Сычуань провинциясе Коммунистлар  партиясе партком секретаре, Бөтенкытай җыены халык вәкилләре Даими комитеты начальнигы Ван Дунминның Татарстанга эш визиты кысаларында "Татарстан - Сычуань" Эшлекле форумы узачак.

Эшлекле форум эшендә Татарстан Республикасы Премьер-министры Илдар Халиков, Татарстан Республикасы Премьер-министр урынбасары - ТР сәнәгать һәм сәүдә министры Алберт Кәримов, Кытайның Сычуань провинциясе Коммунистлар  партиясе партком секретаре, Бөтенкытай җыены халык вәкилләре Даими комитеты начальнигы Ван Дунмин, Сычуань провинциясе үсеше һәм реформасы буенча Комитет Начальнигы Тан Лиминь, Татарстан һәм Кытай эшлекле даирәләре һәм дәүләт хакимияте органнары вәкилләре катнашачаклар.

Татарстан Республикасы сәнәгать потенциалы презентациясе белән Татарстан Республикасы Премьер-министр урынбасары - ТР сәнәгать һәм сәүдә министры Алберт Кәримов чыгыш ясаячак. Ул Татарстан белән Сычуань провинциясе (Кытай Халык Республикасы) арасындагы сәүдә-икътисадый хезмәттәшлекнең агымдагы халәте һәм перспектив юнәлешләре турында сөйләячәк.

Сычуань провинциясенең сәнәгать, сәүдә-икътисадый һәм инвестицион потенциалын Сычуань провинциясе үсеше һәм реформасы Комитеты начальнигы Тан Лиминь әфәнде тәкъдим итәчәк.

Форум барышында хезмәттәшлек турында ике яклы документларны имзалау планлаштырыла, Татарстан һәм Кытай эшлекле даирәләре вәкилләренең адреслы очрашулары узачак.    

Татарстан Республикасы Премьер-министр урынбасары - ТР сәнәгать һәм сәүдә министры Алберт Кәримов әйтеп үткәнчә, "2015 елда Татарстан һәм Кытай арасындагы тышкы сәүдә әйләнеше 264,3 млн. АКШ доллары тәшкил иткән, тышкы сәүдә әйләнешенең күләмен арттыру һәм ике якка да файдалы хезмәттәшлекне үстерү өчен җитәрлек потенциал бар."

 Эшлекле форум Татарстан һәм Кытай провинциясе Сычуань арасында кооперация элемтәләрен тирәнәйтүгә ярдәм итәчәк, дип ышаныч белдерә ул.

Мәгълүмат "Татар-информ МА сайтында урнаштырылган: http://www.tatar-inform.ru/news/2016/05/03/502211/

2016 елның 30 апрелендә ТР Премьер-министр урынбасары - ТР сәнәгать һәм сәүдә министры Алберт Әнвәр улы Кәримов республика башкарма хакимият органнарында күпьеллык нәтиҗәле хезмәте өчен ТР сәнәгать һәм сәүдә министры урынбасары Рашат Шакир улы Фәттаховка Татарстан Республикасы Премьер-министры Илдар Халиковның Рәхмәт хатын тапшырды. 

2016 елның 29 апрелендә «Алабуга» махсус икътисади зонасында төзелүче резидент-компанияләре предприятиеләрен Татарстан Республикасы Президенты Рөстәм Миңнеханов карады. Аны ТР Премьер-министр урынбасары - ТР сәнәгать һәм сәүдә министры Алберт Кәримов, «Алабуга» МИЗ генераль директоры Тимур Шаһивәлиев озатып йөрделәр. Татарстан Республикасы Президенты KASTAMONU заводының икенче чираты һәм Бельгиянең  «Драйлок» компаниясе яңа заводының төзелеше белән танышты.

«Алабуга»  KASTAMONU заводында МДФ-панельләр җитештерүне киңәйтү турында карар 2014 елның азагында компания җитәкчелеге тарафыннан беренче чиратны уңышлы җибәрүдән соң кабул ителгән иде. Төзелеш 2015 елның язында башланды, 2016 елның мартында яңа линиядә җайлап җибәрү эшләре башланды. Икенче чират төзелешенә инвестицияләр күләме 250 млн. доллар тәшкил итә, җитештерү күләме елына 485 мең куб метр МДФ-панель булачак, ә заводның гомуми куәте елына 1 млн куб метрга кадәр артачак. «Алабуга» заводына компаниянең инвестицияләрнең суммар күләме 600 миллион долларга җиткән- бу «Алабуга» махсус икътисади зонасындагы барлык резидентлар арасында Ford Sollers тан кала икенче күрсәткеч.

2016 елның 29 апрелендә Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Алберт Кәримов Татарстан Республикасы Президенты Рөстәм Миңнеханов рәислегендә узган «Алабуга» МИЗ Күзәтүчелек советы утырышында катнашты.

МИЗ Күзәтүчелек советы тарафыннан «Алабуга» махсус икътисадый зонасының өч яңа резидент-компаниянең 4 миллиард сумлык проектлары расланды. Резидент статусын алу өчен «Август-Алабуга», «Ланит-Агро», «Рус-каландр» компанияләре дәгъва кыла.

«Август-Алабуга» компаниясенең инвестицион проекты үсемлекләрне яклау чараларын җитештерү буенча завод төзелешен күздә тота. Гамәлгә куючы булып Россиядә, Белоруссиядә, Кытайда, Казахстанда үз җитештерү мәйданчыклары булган һәм дөньяның 14 илендә продукциясен вәкиллекләр аша сатучы «Август» компаниясе. Компаниянең 2015 елда сату күләмнәре якынча 15,8 млрд. сум тәшкил иткән.

«Алабуга» МИЗ территориясендә үсемлекләрне яклау чараларын җитештерү күләме елына 30 млн литр булыр дип планлаштырыла. Хезмәткәрләрнең саны 312 кеше булыр дип көтелә. Җитештерүне эшләтеп җибәрү 2018 елның  дүртенче кварталы булыр дип фаразлана. «Август» фирмасы ЯАҖ генераль  директоры Николай Усков сүзләренчә, компания хәзер актив рәвештә экспорт юнәлешләрен үстерә һәм перспективада завод продукциясенең  яртысы чит илгә җибәреләчәк.     

2016 елның 29 апрелендә Татарстан Республикасы Премьер-министры урынбасары - ТР сәнәгать һәм сәүдә министры Алберт Кәримов “С.П.Титов исемендәге Яр Чаллы катыргы-кәгазь комбинаты” Халык предприятиесе” ЯАҖ булды. Ул предприятиенең җитештерү эшчәнлеге һәм аны модернизацияләүнең барышы белән танышты.

Яр Чаллы катыргы-кәгазь комбинаты Россиянең эре кәгазь сәнәгате предприятиеләренең беренче унлыгына керә,  Татарстан Республикасының  төп салым түләүчеләренең 50 санында, Яр Чаллы шәһәренең икенче бюджетын төзүче предприятие булып тора.

Предприятие россия базарының 7% гофр тартмалары һәм 15% бәдрәф кәгазе җитештерүне алып тора.

Комбинат - инновацион технологияләр һәм җиһазларны гамәлгә кертү тармагында танылган лидер. BHS (Германия), Bobst (Швейцария), Martin/Bobst Lyon (Франция), Voith (Германия), Andritz (Австрия), GL&V (Швеция), Metso/Valmet (Финляндия/Швеция), Honeywell (Европа), Fabio Perini (Италия) кебек әйдәп баручы дөньякүләм җиһазлар җитештерүчеләр белән нәтиҗәле хезмәттәшлек итә. 

Комбинатның хуҗасы булып коллектив тора (акцияләрнең 100% халык предприятиесе хезмәткәрләренеке).

2016 елның 29 апрелендә Татарстан Республикасы Премьер-министры урынбасары - ТР сәнәгать һәм сәүдә министры Алберт Кәримов Чаллыда "Кама Кристалл Технолоджи" предприятиесендә булды. Предприятие  "Оптоэлектроника өчен синтетик сапфир җитештерү" проектын тормышка ашыра. Проектның гомуми бәясе 6,3 млрд. сум тәшкил итә. Хәзерге вакытта  якынча 4 млрд. сум финансланган.  

ТР сәнәгать һәм сәүдә министрлыгы җитәкчесе предприятиенең җитештерүе һәм продукциясе белән танышты. "Кама Кристалл Технолоджи" - бу опто - микроэлектрон, химия, авиация, сәгать һәм башка сәнәгатьләр өчен сапфир монокристалларын синтезлау өлкәсендә фәнни һәм югары технологияләр кулланучы инновацион вертикаль-интеграль җитештерү.

Предприятиенең продукциясе: оптоэлектроникада куллану өчен синтетик сапфирдан цилиндрлар (LED - светодиодлары җитештерү өчен астына куеп калдыру җайланмасы), шулай ук, микроэлектроникада, оптикада, медицинада, сәгать, химия сәнәгатендә, оборона-сәнәгать комплексында  кулланыла торган синтетик сапфирдан башка махсус эшләнмәләр).

Чыгарыла торган продукция экспорт юнәлешле (продукция күләменең 90% артыгы- экспорт). Компания Apple өчен синтетик сапфир китерүчеләрнең берсе булып тора (iPhone: Home Button төймәсе һәм  фотокамера линзасы саклагыч пыяласы).

2016 елның 28 апрелендә Татарстан Республикасы Премьер-министр урынбасары –Татарстан Республикасы сәнәгать һәм сәүдә министры Алберт Кәримов Татарстан Республикасы Президенты Рөстәм Миңнеханов рәислегендә узган Казан федераль университеты Попечительләр советы утырышында катнашты.  

Чара КФУ Инженер институтының инженер-лаборатория корпусында үтте.. Утырышта инженер белем бирүне үстерү мәсьәләләре каралды.

Утырышка хәтле ТР Президенты һәм аны озатып йөрүче затлар КФУ Инженер институты эшчәнлеге белән таныштылар. Алар уку кабинетларын, лабораторияләрне, проект зонасын карадылар, студентларның үз куллары белән тудырылган инженерлык эшләнмәләр белән таныштылар.

"Университетка мондый үзәк җитми иде. Бүген инжиниринг үз эченә техник моментларны гына алмый. Бирегә берничә рәт юнәлеш керә. Биредә  башкарылган эшләр дисциплинара бурычларның тулы бер комплексын хәл итәргә мөмкинлек бирә ", - диде Рөстәм Миңнеханов.