ЯҢАЛЫКЛАР
2016 елның 29 сентябрендә ТР Премьер-министры урынбасары –ТР сәнәгать һәм сәүдә министры Алберт Кәримов Татарстан Республикасы Президенты Рөстәм Миңнеханов рәислегендә узган "Татнефтехиминвест-холдинг" ААҖ директорлар Советы утырышында катнашты.
Утырыш барышында катнашучылар «Карпов Концерны» ҖЧҖ үсешенең перспектив юнәлешләре хакында фикер алыштылар, Татарстан Республикасы нанотехнологияләр Үзәгенең төп проектларын карадылар, РФА КазФҮнең Арбузов ис. органик һәм физик химия Институтының һәм «Мәскәү материаллар белеме һәм эффектив технологияләр институты» ААҖ эшләнмәләре белән таныштылар.
2016 елның 29 сентябрендә Казанда "Лента" федераль сәүдә компаниясенең республика предприятиеләре-җитештерүчеләре һәм тәэмин итүчеләре белән сәүдә- сатып алу сессиясе узды.
Әлеге чараның максаты - республика товар җитештерүчеләренең сыйфатлы һәм конкурентлыкка сәләтле продукциясен эчке һәм тышкы базарларга җибәрү.
Чараны оештыручылар- ТР сәнәгать һәм сәүдә министрлыгы һәм Татарстан Республикасы Сәүдә-сәнәгать палатасы.
Сәүдә-сатып алу сессиясендә республиканың 100 дән артык азык-төлек һәм азык-төлек булмаган товарлар җитештерүче предприятиеләре-җитештерүчеләре катнашты, алар арасында фермерлар һәм кече һәм урта бизнес вәкилләре.
2016 елның 29 сентябрендә Казанның “Пирамида” мәдәни-күңел ачу комплексында Татарстан Президенты Рөстәм Миңнеханов катнашында Машина төзүчеләр Көненә багышланган тантана узачак.
Машина төзүчеләр Көненә багышланган тантаналы чараларда ТР Премьер-министры урынбасары –ТР сәнәгать һәм сәүдә министры Алберт Кәримов, ТР Президенты ярдәмчесе Равил Зарипов, Татарстан Республикасы машина төзелеше комплексы предприятиеләре җитәкчеләре, ТР машина төзелеше предприятиеләре хезмәт коллективлары вәкилләре һәм ветераннары, ТР уку йортлары җитәкчеләре.
Машина төзүчеләр Көне уңаеннан оештырылачак тантаналы программа кысаларында машина төзелеше сәнәгате хезмәткәрләрен, ветераннарны һәм хезмәт династиясе вәкиләрен, яшь инженерларны, балалар техник иҗаты түгәрәкләре җитәкчеләре бүләкләнәчәк.
2016 елның 27 сентябрендә Торонто шәһәрендә (Канада) Татарстан Республикасы Президенты Рөстәм Миңнеханов башлыгындагы Татарстан делегациясенең Канадага эш сәфәре кысаларында Татарстан-Канада эшлекле форумы булып узды.
Узган икеяклы форум барышында Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Алберт Кәримов республиканың сәнәгый потенциалын тәкъдир итте, Татарстанның Канада белән сәүдә-икътисадый һәм технологик хезмәттәшлегенең перспектив юнәлешләрен һәм агымдагы торышын тасвирлады.
2016 елның 26 сентябрендә Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Алберт Кәримов Татарстан Республикасы Президенты Рөстәм Миңнехановның Квебек провинциясенең икътисад, фән, инновацияләр һәм мәгълүмат технологияләре министры Доминик Англаде белән очрашуында катнашты. Очрашу Bombardier заводы территориясендә узды, анда шулай ук, Татарстан Республикасы Президенты ярдәмчесе Радик Гыйматдинов, Россия Федерациясенең Канададагы Гадәттән Тыш һәм Тулы Вәкаләтле Илчесе Александр Дарчиев һәм башкалар катнашты.
2016 елның 26 сентябрендә Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Алберт Кәримов һәм Татарстанның авиация предприятиеләре вәкилләре Татарстан Республикасы Президенты Рөстәм Миңнеханов җитәкчелегендәге Татарстан Республикасы делегациясе составында Монреальда (Канада) эш сәфәре кысаларында Pratt&Whitney авиация һәм Bombardier авиа төзелеш заводларында булдылар.
Pratt & Whitney – гражданнар һәм хәрби авиация өчен авиация двигательләре җитештерүче дөньяви заводларның берсе. Хәзерге вакытта «United Technologies» (АКШ) корпорациясенең бер өлеше булып тора. Компания Rolls-Royce һәм General Electric белән бер рәттән авиадвигательләр җитештерүчеләрнең беренче «зур өчлегенә» керә. Шулай ук, Pratt&Whitney сәнәгать максатлары өчен модульле һәм күчмә газ-турбиналы җайланмалар, локомотивлар өчен двигательләр, ракета двигательләре һәм башкаларны җитештерә.
2016 елның 25 сентябреннән Татарстан Республикасы Президенты Рөстәм Миңнеханов башлыгында ТР делегациясенең Канадада визиты уза. 26 сентябрьдә Татарстан Республикасы Президенты башлыгындагы ТР делегациясе вәкилләре илнең әйдәп баручы авиатөзелеш предприятиеләрен күрәчәкләр, шул исәптән Pratt&Whitney һәм "Bombardier" заводларында булачаклар. Рөстәм Миңнехановның Квебек провинциясе икътисад, фән, инновацияләр һәм мәгълүмати технологияләр министры Доминик Англад һәм Канада авиация индустриясе вәкилләре белән очрашу көтелә.
Агымдагы елның 27 сентябрендә Татарстан-Канада эшлекле форумы кысаларында ике яклы сәүдә-икътисади хезмәттәшлекнең перспектив юнәлешләрен үстерү каралачак. ТР сәнәгый потенциалы презентациясе белән ТР Премьер-министры урынбасары – ТР сәнәгать һәм сәүдә министры Алберт Кәримов чыгыш ясаячак.
Программа кысаларында ТР Президенты Рөстәм Миңнеханов җитәкчелегендәге Татарстан делегациясенең Канаданың татар җәмәгатьчелеге вәкилләре белән очрашуы планлаштырыла.
2016 елның 26 сентябрендә Казан дәүләт энергетика университеты базасында “Тойота” гомуми җитештерү системасы турында семинар узды. Семинарны “Тойота инжиниринг корпорейшн” компаниясе вице-президенты Кейсуке Одзава әфәнде үткәрде.
Татарстан Республикасы Премьер-министры вазыйфаларын башкаручы Алексей Песошин семинарда катнашучыларны сәламләп Татарстанның Япония бизнесы белән актив хезмәттәшлек итүен, билгеләде. Шундый хезмәттәшлекнең уңышлы мисалларының берсе – аммиак һәм карбамид, метанол җитештерүче “Аммоний” комплексын (Менделеевск шәһәрендә) эшләтеп җибәрү булды.
2016 елның 26 сентябрендә ТР сәнәгать һәм сәүдә министрлыгында Micro-Hybrid GmbH алман компаниясе вәкилләре белән очрашу узды.
Татарстан ягыннан очрашуда ТР сәнәгать һәм сәүдә министрлыгы җитәкчелеге вәкилләре һәм "Казан приборлар төзү конструкторлык бюросы" АҖ җитәкчелеге катнаштылар.
Очрашу барышында алман компаниясен тәкъдир итү үткәрелде, "Казан приборлар төзү конструкторлык бюросы” АҖ һәм Micro-Hybrid GmbH алман компаниясе арасында хезмәттәшлек һәм уртак эшчәнлек турында Килешү имзаланды.
2016 елның 24 сентябрендә Татарстан Республикасы Президенты Рөстәм Миңнеханов җитәкчелегендәге Татарстан Республикасы делегациясенең Сахалинга эш сәфәре кысаларында Татартан Республикасы һәм Сахалин өлкәсе арасында 2016-2018 елларга сәүдә-икътисадый, фәнни-техник, cоциаль һәм мәдәни хезмәттәшлек турында Килешү имзаланды.
Документ төрле өлкәләрдә үзара багланышларны билгели һәм регионара программаларны эшләү, конкрет мәсьәләләрдә чараларның планын һәм проектларны эшләү өчен нигез булып тора.
Искә төшерик, Татарстан Республикасы делегациясе 2016 елның 23-25 сентябрь көннәрендә эш сәфәре белән Сахалинда. Татарстан делегациясе составында - Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Алберт Кәримов, Бөтендөнья татар конгрессы Башкарма комитеты, "Татнефть" ГАҖ, "КАМАЗ" ГАҖ җитәкчелеге.