ЯҢАЛЫКЛАР

2016 елның 27 октябрендә ТР Премьер-министры урынбасары – ТР сәнәгать һәм сәүдә министры Алберт Кәримов Татарстан Республикасы Президенты вазыйфаларын башкаручы Илдар Халиковның “Schneider Electric” компаниясе делегациясе белән очрашуында катнашты.

 Илдар Халиков билгеләгәнчә, Татарстан Республикасы һәм “Schneider Electric” компаниясе хезмәттәшлеге берничә елдан бирле дәвам итә. Компаниянең Казанда үз офисы бар. “Казань Электрощит”, “Татэк” кебек җирле партнерлар белән берлектә түбән вольтлы җиһазлар җитештерү үстерелә. Татарстан территориясендә “Schneider Electric” берничә эре проектта, аерым алганда, Казан вертолет заводының җитештерү куәтләрен үзгәртеп кору эшләрендә катнаша.

Мәгариф өлкәсендә дә үзара мөнәсәбәтләр актив үсә. Казан дәүләт энергетика университеты, илнең әйдәп баручы югары уку йортларының берсе буларак, Татарстан Республикасында “Шнейдер Электрик” компаниясенең төп университет-партнеры булып тора.

Россия һәм БДБ илләрендә "Schneider Electric" АҖ президенты Йохан Вандерплаетсе ассызыклаганча, компания хезмәттәшлекне үстерү өчен Татарстанны Россиянең әһәмиятле төбәге буларак күзаллый. Ул хәбәр иткәнчә, "Schneider Electric" илнең 20дән артык әйдәп баручы югары уку йортлары белән хезмәттәшлек итә һәм алар арасында аерым урынны Казан дәүләт энергетика университеты били.

2016 елның 27 октябрендә ТР Премьер-министры урынбасары – ТР сәнәгать һәм сәүдә министры Алберт Кәримов DoorHan  компаниясе җитәкчелеге белән очрашты (хәрәкәтчән койма конструкцияләре җитештерүче).

Очрашуда Лаеш муниципаль районы Башлыгы Михаил Афанасьев, "DoorHan" Дәүләт Корпорациясе генераль директоры Александр Ханин, ТР сәнәгать һәм сәүдә министрлыгы хезмәткәрләре, DoorHan компаниясе вәкилләре катнашты.

DoorHan компанияләре төркеме – хәрәкәтчән койма конструкцияләре җитештерү холдингы, модульле конструкцияләр, төяп-бушату җиһазлары, барлык төр капкалар, роллетлар өчен комплектлаучыларының тулы ассортиментын җитештерүдә специальләшә.                                           DoorHan продукциясе җитештерелгән заводлар Россия, Чехия һәм Кытайда урнашкан. Татарстан Республикасында DoorHan компаниясе заводы Лаеш районында урнашкан.

2016 елның 26 октябрендә Казанда композицион материаллар буенча Composite Battle World Cup Kazan-2016 Беренче дөнья Чемпионатының федераль этабын  тантаналы ачу узды.

Тантаналы чарада ТР Премьер-министры урынбасары – ТР сәнәгать һәм сәүдә министры Алберт Кәримов, Н.Э.Бауман исемендәге МДТУ "Яңа материаллар, композитлар һәм нанотехнологияләр" ХМҮ директоры Владимир Нелюб, КНИТУ-КАИ ректоры Алберт Гыйльметдинов, Composite Battle World Cup Kazan-2016 катнашучылар һәм жюри әгъзалары, массакүләм мәгълүмат чаралары вәкилләре катнашты.

Композицион материаллар буенча дөнья Чемпионатында катнашучыларга һәм оештыручыларга мөрәҗәгать итеп, ТР сәнәгать һәм сәүдә министры Алберт Кәримов бу вакыйга Татарстан статусын инновацион, югары технологияле сәнәгать тармаклары үсешенә максат куйган регион буларак ассызыклый, дип билгеләп үтте. Алберт Кәримов сүзләренчә, чемпионатның төп максаты-композитлар өлкәсендә яшь белгечләр һәм студентлар арасында инженер һәм эшче һөнәрләрне популярлаштыру. "Composite Battle" төп бурычларының берсе - Казанда WorldSkills Дөнья беренчелеге узганда 2019 елга WorldSkills-2019 дөнья Чемпионатына композит компетенциясен кертү булып тора.

2016 елның 26 октябрендә ТР Премьер-министры урынбасары – ТР сәнәгать һәм сәүдә министры Алберт Кәримов «Данафлекс» компанияләре төркеменең җитәкчелеген һәм хезмәт коллективын компания оешуга 15 ел тулу уңаеннан котлады.

Тантаналы чарада катнашучыларга мөрәҗәгать итеп, ТР сәнәгать һәм сәүдә министры "Данафлекс" компаниясе төркеме - Европада иң эре җитештерүчеләрнең берсе, компания югары технологияле тасма һәм  сыгылмалы тартмалар җитештерүнең тулы циклын башкара, дип ассызыклады. Бүген Россия  базарында компаниянең өлеше 11 % артык тәшкил итә.

Ул билгеләп үткәнчә, компания эре җәмәгать трансмилли компанияләр белән нәтиҗәле эшли: PepsiCo, Nestle, The Kraft Heinz Company, Mars, Unilever, Dirol, Wregley, Hochland һәм башкалар.

2016 елның 26 октябрендә ТР Премьер-министры урынбасары – ТР сәнәгать һәм сәүдә министры Алберт Кәримов "КЭР-холдинг" ИК" ҖЧҖ булды.

Компания җитәкчелеге белән очрашу барышында Алберт Кәримов предприятие эшчәнлегенең перспектив юнәлешләре һәм проектларны гамәлгә ашыру мәсьәләләре хакында фикер алышты. Ул шулай ук, компаниянең җитештерү мәйданчыклары белән танышты.

"КЭР-Холдинг" Идарәче Компаниясе" ҖЧҖ  - энергетика, нефтехимия, нефть-газ тармагында, нефть эшкәртү һәм сәнәгать предприятиеләрендә проектларны гамәлгә ашыру белән шөгыльләнүче инжиниринг компаниясе.  

2016 елның 25 октябрендә ТР Министрлар Кабинетында узган брифингта Татарстан Республикасы Президенты Рөстәм Миңнеханов башлыгында ТР делегациясенең Беларусь һәм Германиядә узган эш сәфәре нәтиҗәләре хакында сүз барды.

ТР Премьер-министры урынбасары – ТР сәнәгать һәм сәүдә министры Алберт Кәримов билгеләгәнчә, 2016 елның 17-18 октябрендә Татарстан Президенты Рөстәм Миңнеханов җитәкчелегендә Татарстан Республикасы делегациясе Белоруссия Республикасында булды.

Алберт Кәримов хәбәр иткәнчә, 17 октябрьдә нефть-газ химиясе продукциясе белән тәэмин итү буенча Белоруссия -Татарстан эшче төркем утырышы узды. Анда ТР Сәнәгать һәм сәүдә министрлыгы, “Татнефть” ГАҖ, “Түбәнкаманефтехим” ГАҖ, “Кварт” АҖ һәм “Белнефтехим” концерны вәкилләре катнашты.

2016 елның 26-29 октябрендә Казанда композицион материаллар буенча Composite Battle World Cup Kazan-2016 дөнья Чемпионаты узачак.

Composite Battle Чемпионатының (предприятиеләрнең яшь белгечләре һәм югары уку йортлары студентлары арасында композитлар буенча чемпионат) төп максатлары – композицион материаллар тармагын ватан сәнәгате үсешенең өстенлекле юнәлешләре буларак яшь инженерлар һәм студентлар арасында популярлаштыру һәм алга этәрү һәм кадрлар потенциалын үстерү.

Composite Battle оештыручылар: Татарстан Республикасы Хөкүмәте, ТР   сәнәгать һәм сәүдә министрлыгы, Н.Э. Бауман исемендәге МДТУ, М.В. Ломоносов исемендәге МДУ, А. Н.Туполев исемендәге Казан милли тикшеренү техник университеты-КАИ, Мәскәү композит кластеры, композит  җитештерүчеләр Берлеге.

2016 елның 25 октябре - Таможня хезмәткәрләре Көне! ТР Премьер-министры урынбасары – ТР сәнәгать һәм сәүдә министры Алберт Кәримов Татарстан таможнясы хезмәткәрләрен һәм ветераннарын һөнәри бәйрәмнәре белән котлый:

"Хөрмәтле Татарстан таможнясы хезмәткәрләре һәм ветераннары!

Татарстан Республикасы Хөкүмәте исеменнән һәм шәхсән үз исемемнән сезне һөнәри бәйрәмегез һәм Россия таможня органнарының 25 еллыгы белән котлыйм.

Татарстан таможнясы икътисадый куркынычсызлыгын ныгытуга, илнең милли мәнфәгатьләрен яклауга лаеклы өлешен кертә.

2016 елның 24 октябрендә Түбән Кама шәһәрендә "Бизнес һәм хакимият: ачыктан-ачык сөйләшү" проекты кысаларында ТР Премьер-министры урынбасары – ТР сәнәгать һәм сәүдә министры Алберт Кәримов Кама аръягы төбәге эшмәкәрләр белән очрашты.

Очрашуда Түбән Кама, Яр Чаллы, Әлмәт, Бөгелмә шәһәрләреннән 100дән артык эшмәкәр катнашты.

Әңгәмә барышында очрашуда катнашучылар Татарстан җитештерүчеләренә ярдәм итү, импортны алыштыру мәсьәләләре турында, Түбән Камада өстенлекле үсеш территориясен булдыру перспективалары, сәнәгый мәйданчыклар үсеше һәм башка актуаль темаларга фикер алыштылар.

2016 елның 21 октябрендә ТР Премьер-министр урынбасары-ТР сәнәгать һәм сәүдә министры Алберт Кәримов “ГКС” компаниясенең нефть-газ-химия предприятиеләре өчен “КМ35” маркалы югары төгәллекле басым датчикларының яңа җитештерү линиясен эшләтеп җибәрүдә катнашты.

Чарада “Сименс” компаниясенең өзлексез җитештерүне автоматлаштыру юнәлеше коммерция директоры Гюнтер Хаак, “ГКС” фәнни-җитештерү предприятиесе җитәкчелеге, Россия һәм ТР нефтегазохимия комплексы предприятиеләре вәкилләре катнашты.

ТР сәнәгать һәм сәүдә министрлыгы җитәкчесе җитештерү мәйданчыгы һәм КМ35 басым датчикларын җыю барышы белән танышты.