ЯҢАЛЫКЛАР

5 сентябрьдә Татарстан Республикасы Сәнәгать һәм сәүдә министрлыгы, "Татмедиа" матбугат һәм массакүләм коммуникацияләр республика агентлыгы эшче һәм инженер һөнәрләренең абруен күтәрү буенча уртак эшчәнлек кысаларында "Казан вертолет заводы"на пресс-тур оештырылды.
Татарстанның машина төзелеше өлкәсендә әйдәп баручыларның берсе булган предприятиегә пресс-турда министр урынбасары Г. Әхмәдиева, "Татмедиа" матбугат һәм массакүләм коммуникацияләр республика агентлыгы җитәкчесе И. Миңнәхмәтов, телеканаллар, республиканың басма матбугат һәм интернет басмалар җитәкчеләре һәм вәкилләре катнашты.

5 сентябрьдә "Химград" технополисы территориясендә Татарстанда төзелеш химиясе эшләп чыгару буенча җитештерү линиясен ачу тантанасы булды.
Тантанада Татарстан Республикасы Президенты Р. Миңнеханов, Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов, "БАСФ төзелеш системалары" ҖЧҖ генераль директоры С. Ветлов һәм башка рәмси затлар катнашты.
BASF җитештерү линиясе ел дәвамында төзелде. Завод территориясендә бетонга кертү өчен 20 төрләп өстәмә эшләп чыгару планлаштырыла.

Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов республиканың сәнәгать потенциалына презентация үткәрде, Татарстан – Төркия хезмәттәшлегенең төп юнәлешләрен характерлады, 4 сентябрьдә Татарстан Республикасы Президенты һәм Төркия Республикасының Икътисад министры Зафер Чаглаян катнашында үткән Татарстан-Төркия эшлекле форумы кысаларында ике яклы документларга кул куйды.

Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов әйтүенчә, Төркия Татарстан Республикасының төп тышкы сәүдә партнерларының берсе. 2012 елда Татарстан Республикасы һәм Төркия Республикасы арасында тышкы сәүдә әйләнеше 929 млн. АКШ доллары тәшкил итте.
Татарстан Республикасы Сәнәгать һәм сәүдә министрлыгы җитәкчесе машина төзелеше, приборлар төзү, нефть химиясе продукциясе, төзелеш материаллар тармакларында ике яклы хезмәттәшлек турында бәян итте.

5 сентябрьдә "Сакчыл җитештерү" өлкәсендә "Ростехнологияләр" ДК һәм Татарстан Республикасы Сәнәгать һәм сәүдә министрлыгы арасында килешүне гамәлгә ашыру буенча эшче төркем утырышы булды, аны министр урынбасары Г. Әхмәдиева үткәрде.
Утырышта "Югары җитештерүчәнлекнең интеграцияләшкән системаларын булдыру һәм кертү" проектын гамәлгә ашыру кысаларында эшчәнлек мәсьәләләре, Татарстан Республикасында урнашкан Лин оешмалары корпорациясенә керү мөмкинлекләре һәм шартлары, Корпорациянең Татарстан Республикасы территориясендә урнашкан оешмаларында оптимизация һәм җитештерү системаларын үстерү, "Серго ис. Завод" җитештерү берләшмәсе" ААҖтә бизнес процессларны һәм җитештерү технологияләрен оптимизацияләү хисабы, сакчыл җитештерү инструментларын куллану тәҗрибәсен тарату һәм җитештерү системаларын оптимизацияләү тәҗрибәсен уртаклашу буенча конференциядә катнашу, "Элекон" заводы" ААҖ пилот проектлары турында фикер алышу булды.

4 – 6 сентябрь көннәрендә Казанда Татарстан Республикасы Президенты Р. Миңнеханов ярдәме белән Татарстан нефть, газ химиясе форумы булачак.
Форумны Татарстан Республикасы Сәнәгать һәм сәүдә министрлыгы, «Татнефтехиминвест-холдинг» ААҖ, «Татнефть» ААҖ, «ТАИФ» ААҖ, «Нефтеконсорциум» ЯАҖ һәм «Казан ярминкәсе» ААҖ оештыра.
4 сентябрьдә форумны ачу эшендә Татарстан Республикасы Президенты Р. Миңнеханов катнашачак. Программа кысаларында күргәзмә экспозициясен карау, пленар утырыш, түгәрәк өстәл оештыру каралган.
Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов билгеләп үткәнчә, әлеге Күргәзмә республикабыз өчен мөһим вакыйга. Нефть чыгару, нефть эшкәртү Татарстан Республикасының бренды, бүген республикадагы сәнәгать җитештерүенең 60 процентын һәм экспортның 90 процентын бу өлкәләр тәшкил итә.
Татарстан Республикасы җитәкчелеге ярдәмендә уздырыла торган әлеге чараның үз тарихы бар. Бизнес бергәлекләр вәкилләре һәм фән әһелләре арасында аның абруе елдан-ел арта бара. Быел биредә илнең төрле төбәкләреннән, якын һәм ерак чит илләрдән килгән 230 дан артык компания катнаша

2 сентябрьдә Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов Чаллы шәһәренең 82 нче кадет мәктәбендә булды һәм Белем көне уңаеннан оештырылган тантанада катнашты.
Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов Татарстан Республикасы Президенты Р. Миңнехановның бөтенроссия "Белем көне" бәйрәме уңаеннан мөрәҗәгатен укыды, беренче сыйныф укучыларын, кадетларны, ата-аналарны, педагогларны, тәрбиячеләрне яңа уку елы белән котлады, истәлек бүләкләре тапшырды.

31 августта Менделеевск шәһәренең “Химик” стадонында Л.Я. Карпов исемендәге химия заводының 145 еллыгына һәм Шәһәр көненә багышланган бәйрәм булачак.
Тантаналы чараларда Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Равил Зарипов, Менделеевск муниципаль районы һәм шәһәре башлыгы И. Привалов, химия заводының Директорлар советы рәисе В. Бусыгин, генераль директоры Д. Шәмсин, предприятие вәкилләре, шәһәр халкы һәм кунаклар катнашачак.

31 августта Әлмәт шәһәрендә Татарстанда нефть чыгара башлауның 70 еллыгына һәм Әлмәт шәһәренең 60 еллыгына багышланган бәйрәм булачак.
Юбилей чараларында Татарстан Республикасы Президенты Р. Миңнеханов катнаша. Бәйрәмдә театрлаштырылган тамаша, Россия һәм Татарстан эстрадасы артистлары катнашында бәйрәм концерты булачак. Ипподромда ат чабышлары үтәчәк.

Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Равил Зарипов Республика көне белән котлады:
«Хөрмәтле Татарстанлылар һәм республикабыз кунаклары! Сезне чын күңелемнән Республика көне белән тәбрик итәм!