ЯҢАЛЫКЛАР

29 августта Татарстан Республикасына эш визиты белән Россия Федерациясе Оборона министры делегациясе килде, делегацияне Россия Федерациясе оборона министры урынбасары Ю. Борисов җитәкли. Кунакларны Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Равил Зарипов озатып йөрде. Делегация «С.П.Горбунов ис. КАҖБ» ААҖ, «А.М.Горький ис. Зеленодольск заводы» ААҖ, «ПОЗИС» ААҖ булды.

27 августта Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Равил Зарипов җитәкчелегендәге делегация “Макс-2013” авиация салонында катнаша.
Татарстан Республикасы делегациясе составына республиканың авиатөзелеш һәм машина төзелеше тармагы предприятиеләре вәкилләре, авиакомпанияләр вәкилләре кертелде.
Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Равил Зарипов “Макс-2013” авиация салонын ачу тантанасында катнашачак. Салонның пленар утырышы Россия Федерациясе Премьер-министры Д. Медведев катнашында үтәчәк.

26 августта министрның беренче урынбасары Р. Кәбиров Таиланд Корольлегенең Россия Федерациясендәге Гадәттән тыш һәм Тулы вәкаләтле илчесе Итти Дитбанчонг әфәнде белән очрашты. Очрашуда Татарстанның сәнәгать һәм инвестиция потенциалын презентацияләү булды, ике як өчен дә файдалы хезмәттәшлек хакында фикер алышынды.

Татарстан Республикасы Президенты Р. Миңнехановның Волгоград өлкәсенә визиты кысаларында Татарстан Республикасы һәм Волгоград өлкәсе арасында икътисадый һәм сәнәгать өлкәсендә хезмәттәшлек буенча чаралар планы имзаланды. Аңа Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Равил Зарипов һәм Волгоград өлкәсе Хөкүмәте Рәисе урынбасары Владимир Галушкин кул куйды.
Чара Волгоград өлкәсе Хөкүмәте бинасында узды, анда Татарстан Республикасы Президенты Рөстәм Миңнеханов һәм Волгоград өлкәсе губернаторы Сергей Боженов катнашты.

21 августта Татарстан Республикасы Президенты Р. Миңнехановның Татарстан Республикасында күпләп сатуның тармакара агросәнәгать үзәге төзелеше проектын инвестицияләүче компанияләр вәкилләре белән очрашуында Татарстан Республикасы Премьер-министры беренче урынбасары Р.Ф. Моратов, Татарстан Республикасы авыл хуҗалыгы министры М. Әхмәтов, Татарстан Республикасы сәнәгать һәм сәүдә министры урынбасары Р. Фәттахов катнашты.

Татарстан Республикасы Биектау районының “Коркачык” аэродромында “Мин күккә гашыйк!” авиация бәйрәме узды.
Бәйрәмне ачу тантанасында ТР Премьер-министры урынбасары - сәнәгать һәм сәүдә министры Равил Зарипов, Россия ДОСААФ рәисенең беренче урынбасары Виктор Чернов, Биектау районы башкарма комитеты җитәкчесе урынбасары Рафис Газизов, Авиатөзелеш корпорациясе берләшмәсенең персонал әзерләү буенча департамент директоры Николай Абруков, "С.Горбунов исемендәге Казан авиация-җитештерү берләшмәсе" ААҖ генераль директоры Александр Бобрышев, "Казан вертолет заводы" ААҖ генераль директоры Вадим Легай, А.Туполев исемендәге Казан фәнни тикшеренү техник университеты (КНИТУ-КАИ) ректоры Альберт Гыйльметдинов, ТР Үзәк аэроклуб җитәкчесе Радик Халиуллин, шулай ук Росавиациянең Татарстан төбәкара идарә җитәкчесе, Россиянең атказанган пилоты Шәүкәт Умаров катнашты.

19 августта Татарстан Республикасы Президенты Р. Миңнеханов Пакистан Ислам Республикасының Россия Федерациясендәге Гадәттән тыш һәм Тулы вәкаләтле илчесе Аламгир Бабар белән очрашты. Очрашуда Татарстан Республикасы сәнәгать һәм сәүдә министр урынбасары Р. Фәттахов катнашты. Очрашуда Татарстан Республикасы Президенты кунакка республиканың икътисадый һәм инвестиция потенциалы, ике яклы хезмәттәшлекнең перспектив юнәлешләре турында бәян итте.
Татарстан Республикасы Сәнәгать һәм сәүдә министрлыгында илче белән министр урынбасары Р. Фәттахов очрашты, Татарстанның сәнәгать потенциалына презентация үткәрелде, сәүдә-икътисадый хезмәттәшлек мәсьәләләре турында фикер алышынды.

Бүген “Коркачык” аэродромында бәйрәм булды
(Казан, 17 август, «Татар-информ», Алсу Сафина). Бүген ТР Биектау районында “Коркачык” аэродромында “Мин күкне сайлыйм!” авиация бәйрәме узды.
Бәйрәмне ачу тантанасында ТР Премьер-министры урынбасары - сәнәгать һәм сәүдә министры Равил Зарипов, Россия ДОСААФ рәисенең беренче урынбасары Виктор Чернов, Биектау районы башкарма комитеты җитәкчесе урынбасары Рафис Газизов, Авиатөзелеш корпорациясе берләшмәсенең персонал әзерләү буенча департамент директоры Николай Абруков, "С.Горбунов исемендәге Казан авиация-җитештерү берләшмәсе" ААҖ генераль директоры Александр Бобрышев, "Казан вертолет заводы" ААҖ генераль директоры Вадим Легай, А.Туполев исемендәге Казан фәнни тикшеренү техник университеты (КНИТУ-КАИ) ректоры Альберт Гыйльметдинов, ТР Үзәк аэроклуб җитәкчесе Радик Халиуллин, шулай ук Росавиациянең Татарстан төбәкара идарә җитәкчесе, Россиянең атказанган пилоты Шәүкәт Умаров катнашты.

 

17 августта Татарстан Республикасы Биектау районының “Коркачык” аэродромында “Мин күккә гашыйк!” авиация бәйрәме үткәреләчәк, ул Россиянең Һава флоты көненә багышлана.

2013 ел истәлекле вакыйгаларга бай булды, быел авиация техникасы генераль конструкторы, өч тапкыр Социалистик хезмәт Герое А.Н. Туполевның 125 еллыгы, авиация маршалы, иң беренче өч тапкыр Советлар Союза Герое А.И. Покрышкинның 100 еллыгы, Россия ДОСААФ оешмасының Татарстан Республикасындагы Үзәк аэроклубының 80 еллыгы билгеләп үтелде.

15 августта махсуслаштырылган “Интермебель” һәм “Агач эшкәртү” күргәзмәләре кысаларында “Җиһаз-2013” конкурсы уздырылды. Ул 5 номинация буенча үтте. Татарстан Республикасы Сәнәгать һәм сәүдә министрлыгы җитәкчелегендәге экспертлар комиссиясе составына министрлык хезмәткәрләре һәм башка ведомство вәкилләре керде.
Конкурс йомгаклары буенча дипломнар тапшырылды.