ЯҢАЛЫКЛАР
7 июльдә Татарстан Республикасы Премьер- министры урынбасары – Татарстан Республкасы сәнәгать һәм сәүдә министры Равил Зарипов Татарстан Республикасы Президенты Рөстәм Миңнехановның “Efes Rus” (“Эфес Рус”) компаниясе генераль директоры Робин Гучи белән булган очрашуда катнашты.
Очрашу Татарстан Республикасы Хөкүмәте Йортында узды. Татарстан ягыннан очрашуда Татарстан Республикасы финанс министры Радик Гайзатуллин, Татарстан Республикасы транспорт һәм юллар хуҗалыгы министры Ленар Сафин, Казан Башкарма комитеты җитәкчесе Денис Калинкин һәм башкалар катнашты.Соңгы елларда республикабызда яңа уку елы башланып китәр алдыннан, мәктәптә җыенырга ярдәм итү йөзеннән, хәйрия акцияләре уза. Алар матди хәле авыррак гаиләләрдә тәрбияләнүче балаларга, күп балалы гаиләләргә, тәрбиягә алынган балаларга, инвалид-балаларга ярдәм итү максаты белән уздырыла.
2014 елның 7 -25 июль көннәрендә Татарстан Республикасы Президенты Рөстәм Миңнеханов җитәкчелегендә хәйрия эшчәнлеге мәсьәләләре буенча Республика советы һәм “Бердәм Россия” Бөтенроссия сәяси партиясенең Татарстандагы региональ бүлекчәсе инициативасы белән, традицион булган “Мәктәпкә җыенырга ярдәм ит” хәйрия акциясе үткәрелә. 2014 елның 7 июлендә Зәй муниципаль районында Татарстан Республикасы сәнәгать һәм сәүдә министры урынбасары Дамир Сафиуллин катнашында бу акциягә старт бирелде.“Вертолеты России” холдингына керүче Казан вертолет заводында 8 гуманитар гимназиясенең “вертолетлы” физика- математика сыйныфының чыгарылыш балы узды.
Укучыларны котларга Татарстан Республикасы фән һәм мәгариф министры Энгел Фәттахов, Татарстан Республикасы сәнәгать һәм сәүдә министры урынбасары Алмаз Хөсәенов һәм А.Н.Туполев исемендәге Казан милли тикшеренү техник университеты ректоры Альберт Гилметдинов килде.4 июльдә Татарстан Республикасы Президенты Рөстәм Миңнеханов традицион нефть саммитында катнаша, ул республикада 2001 елдан бирле ел саен уздырыла.
Быел нефть саммиты 14 мәртәбә уза, Татарстан Республикасы Президенты Рөстәм Миңнеханов рәислегендә – бишенче мәртәбә. Саммитта шулай ук Татарстан Республикасы Дәүләт Советы Рәисе Фәрит Мөхәммәтшин, Татарстан Республикасы Премьер-министры Илдар Халиков, Россия Федерациясе Энергетика министры урынбасары Кирилл Молодцов, шулай ук Татарстан Республикасы сәнәгать һәм сәүдә министры урынбасары Дамин Сафиуллин катнашты.
Кичә «ЮвелирЭкспо.Казан» XII махсуслаштырылган ювелир эшләнмәләр күргәзмәсенең ачылышы узды. Күргәзмә “Казан ярминкәсе”ндә 2–6 июль көннәрендә узачак.
Әлеге күргәзмә – эшлекле элемтәләр урнаштыру, коммерцияле сөйләшүләр һәм профессиональ мәгълүмат белән уртаклашу өчен уңайлы мәйданчык. Күргәзмәдә кыйммәтле алтын һәм көмеш эшләнмәләрдән алып, premium-класслы ювелир әйберләр табарга була.
Быел катнашучылар арасында Екатеринбург, Калининград, Кострома, Мәскәү, Санкт–Петербург, Якутск һәм Россиянең башка шәһәрләреннән 200 артык ювелир әйберләр җитештерүче һәм аларны сатучы оешмалар катнаша.Бүген Татарстан Республикасы Министрлар Кабинеты каршындагы Икътисадый совет утырышында Татарстан Республикасын энергия белән тәэмин итү мәсьәләләре буенча фикер алышынды.
Утырышны Татарстан Республикасы Президенты Рөстәм Миңнеханов уздырды, утырышта Татарстан Республикасы Премьер-министры Илдар Халиков, Татарстан Республикасы сәнәгать һәм сәүдә министры урынбасары Дамир Сафиуллин катнашты. Министр урынбасары Татарстан Республикасы кулланучыларын энергия белән тәэмин итү куркынычсызлыгын һәм ышанычлы тәэмин итү мәсьәләләре хакында чыгыш ясады.Бүген Татарстан Республикасы сәнәгать һәм сәүдә министры вазыйфаларын башкаручы Рәшат Фәттахов Татарстан Республикасы Президенты Рөстәм Миңнехановның “РАФФ” компанияләр төркеменә булган визитында катнашты.
Ул заводның җитештерү мәйданчыкларын карады, яңа җиһазлар белән танышты. Завод җитәкчелеге вәкилләре хәбәр итүенчә, “Төзелеш конструкцияләре заводы” ААҖ – Татарстанның күптәннән эшли торган күп профилле предприятиеләренең берсе. 2014 елның март аенда “Катлаулы профильләр заводы” ҖЧҖ беренче чираты сафка бастырылган.
Яңа җитештерүнең инвесторы – “РАФФ” төзелеш компаниясе. Әлеге предприятие катлаулы профильләрне үз эшчәнлегендә кулланачак (төрле катлаулыктагы объектларны төзү), шулай ук аларны сатачак та.28 июньдә Менделеев шәһәрендә Яңа Менделеев химия заводының 25 еллыгы билгеләп утелде. Тантаналы чара “Химик” стадионында үтте. Анда ТР сәнәгать һәм сәүдә министры вазыйфаларын вакытлыча үтәүче Рашат Фәттахов катнашты. Тантаналы бәйрәмдә юбилей уңаеннан оешма хезмәткәрләре, ветераннар, Русия, Казахстан, Балтия илләреннән купсанлы коллегалар котладылар.