ЯҢАЛЫКЛАР

5 сентябрьдә «Нефть, газ, нефть химиясе-2012» XIX халыкара күргәзмәсен ачу тантанасы булды. Анда Татарстан Республикасы Премьер-министры Беренче урынбасары Р. Моратов, Әзәрбайҗанның сәнәгать һәм энергетика министры урынбасары Гөлмәммәт Җәфаров, Татарстан Республикасы сәнәгать һәм сәүдә министры урынбасары Х. Бәдретдинов, Россия нефть, газ сәнәгате бергәлеге президенты Г. Шмаль, Россия Фәннәр академиясенең Себер бүлекчәсе нефть институты директоры Л. Алтунина, Башкортостанның Сәүдә-сәнәгать палатасы президенты Ю. Пустовгаров, Татарстан Республикасы нефть, газ химиясе комплексының эре предприятиеләре җитәкчеләре катнашты.
Күргәзмәне тантаналы ачу вакытында төрле номинацияләр буенча иң яхшы экспонатларга гран-при тапшырылды. Алар арасында “Татнефть” ААҖ, “Түбән Каманефтехим” ААҖ, Татарстан Республикасы мәгълүмат технологияләре үзәге, һ.б бар
Шул ук көнне «Нефть химиясе һәм нефть эшкәртү сәнәгатендә инновацион технологияләр» халыкара фәнни-гамәли конференциясенең һәм «Югары үзле нефть һәм табигый битум: эзләү һәм чыгару урынын әзерләү проблемасы һәм аларның нәтиҗәлелеген арттыру» халыкара фәнни-гамәли конференциясенең пленар утырышлары булды.

4 сентябрьдә Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов “2012-2013 елларга Татарстан Республикасында “Сакчыл җитештерү” методикасын гамәлгә ашыру һәм 2013-2015 елларга Татарстан Республикасында Лин-технологияләрне кертү перспективалары” максатчан программасын тормышка ашыру турында” киңәшмә уздырды.

5-7 сентябрьдә Казанда «Нефть, газ, нефть химиясе-2012» XIX халыкара күргәзмә узачак. Күргәзмә Татарстан Республикасы Сәнәгать һәм сәүдә министрлыгы, Татарстан Республикасы Экология һәм табигый байлыклар министрлыгы, Татарстан Республикасы Мәгълүматлаштыру һәм элемтә министрлыгы, «Татнефтехиминвест-холдинг» ААҖ, Татарстан Республикасы Фәннәр академиясе, «Татнефть» ААҖ, «ТАИФ», ААҖ, «Нефтеконсорциум» ЯАҖ һәм “Казан ярминкәсе” ААҖ тарафыннан оештырыла.

31 августта Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов
«Нефть, газ, нефть химиясе-2012» XIX халыкара күргәзмә чаралары уздыру буенча киңәшмә үткәрде. Әлеге күргәзмә 5 – 7 сентябрьдә Казан шәһәрендә булачак. Киңәшмәдә Татарстан Республикасы Президенты ярдәмчесе Р. Сабиров, Татарстан Республикасы Сәнәгать һәм сәүдә министрлыгы, Татарстан Республикасы Транспорт һәм юл хуҗалыгы министрлыгы, “Казан ярминкәсе” ААҖ вәкилләре һ.б катнашты.

Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р.Зарипов Татарстан Республикасы халкын бәйрәм белән тәбрик итте:

«Хөрмәтле татарстанлылар һәм республикабыз кунаклары! Сезне чын күңелдән Республика көне белән тәбрик итәм!
Татарстан Республикасы – динамик үсештәге, күәтле сәнәгате, уңайлы инвестиция климаты, югары фәнни потенциалы булган төбәк.
2011 елда республикада 1,3 трлн. сумлык продукция җитештерелде. Моңа нефтьчеләр, нефть химиясе тармагы, машина төзелеше аеруча зур өлеш кертте. Агымдагы елның 7 аена Татарстанда сәнәгать җитештерүе күләме – 789,5 млрд. сум, ваклап сату күләме 351,9 млрд.сум тәшкил итте.
Республикабыз икътисадый, социаль, милли сәясәт, халык турында кайгырту, тарихи һәм мәдәни ядкарьләрне саклап калу буенча үрнәк булып тора.
Күпмилләтле Татарстан халкына исәнлек, тынычлык, иминлек, Татарстаныбыз һәм илебез хакына башкарылган эшләрдә уңышлар телим».

27 августтан 1 сентябрьгә кадәр Татарстан Республикасына Мексика Кушма Штатларының эшлекле даирәләре делегациясе килде. Делегация составын «DVertex» халыкара консалтинг компаниясе инвесторлары һәм бизнесменнары тәшкил итә. Визитның максаты – «DVertex» консалтинг компаниясен презентацияләү, Татарстан Республикасы икътисадының реаль секторы, шул исәптән авыл хуҗалыгы предприятиеләре һәм оешмалары белән хезмәттәшлек итү мәсьәләләре хакында фикер алышу.
Делегация “Алабуга” махсус икътисадый зонасында, Азнакай һәм Саба муниципаль районнарында булачак.

“Мәктәпкә җыенырга булыш!” республика акциясе кысаларында “Түбән Кама нефтехим” ачык акционер җәмгыятьнең балаларга күрсәткән ярдәме 5 672,4 млн. сум тәшкил итә. Моңа шәһәрнең 20 уку йортына финанс ярдәме күрсәтү, күпбалалы һәм мохтаҗ гаиләләргә, инвалид ата-аналар балигъ булмаган балалар тәрбияләгән гаиләләргә, оныкларына опекун булган ветеран-пенсионерларга матди ярдәм итү керә.

“Мәктәпкә җыенырга булыш!” хәйрия акциясе республикабызда берничә елдан бирле уздырыла. Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов билгеләп үткәнчә, “Мәктәпкә җыенырга булыш!” хәйрия акциясендә республиканың сәнәгать предприятиеләре һәм сәүдә оешмалары катнаша. Беренче сыйныф укучылары өчен уздырыла торган акциядә мәктәп һәм спорт киемнәре алына, күпбалалы һәм мохтаҗ гаиләләрдә тәрбияләнүче балаларга, инвалид балаларга ярдәм күрсәтелә. Әлеге чара балаларга мәктәп кирәк-ярагы алырга ярдәм итә, аларда Белем көнендә бәйрәм кәефе тудырырга булыша”. Татарстанның сәнәгать предприятиеләре һәм сәүдә оешмалары быел да бу акциядә актив катнашты. Ярдәм төрлечә күрсәтелде: кемдер укучыларга канцелярия кирәк-яраклары салынган портфель бүләк итте, кемдер социаль учреждениеләрдә тәрбияләнүчеләр өчен махсус чаралар уздырды, мохтаҗ гаиләләргә адреслы матди ярдәм күрсәтелде, мәктәпләрне төзекләндерүдә ярдәм ителде.

24 августта Татарстан Республикасы сәнәгать һәм сәүдә министр урынбасары Рашат Фәттахов җитәкчелегендә эшче төркем утырышы булды. Ул “Җәмәгать туклануы предприятиеләрен Казан шәһәрендә 2013 елда үткәреләчәк бөтендөнья җәйге универсиадасы кунакларына һәм анда катнашучыларга хезмәт күрсәтүгә әзерләү”гә багышланды. Утырышта “Казан шәһәрендә 2013 елда үткәреләчәк XXVII бөтендөнья җәйге универсиадасы башкарма дирекциясе” АНО, кулланучылар хокукын яклау өлкәсе хезмәте, “Медицина профилактикасы республикасы үзәге” вәкилләре катнашты.

Мәгълүмат өчен:
Татарстан Республикасы кулланучылар базары мәсьәләләре буенча эшче төркем 2012 елның маенда төзелде, төп максаты – федераль дәүләт хакимияте органнарының территориаль органнары, Татарстан Республикасы дәүләт хакимияте органнары, җирле үзидарә органнары арасында җәмәгать туклануы, көнкүреш хезмәте күрсәтү, Россия товар җитештерүчеләре мәнфәгатен яклау өлкәсендә үзара хезмәттәшлек итү, һ.б.

24 августта Татарстан Республикасы Сәнәгать һәм сәүдә министрлыгында министрлыклар, ведомстволар һәм республиканың сәнәгать предприятиеләре җитәкчеләре, “Газпромбанк” ААҖ җитәкчелеге катнашында киңәшмә үткәрелде, анда Хезмәттәшлек итү турында беркетмәгә кул куелды. Документка Татарстан Республикасы Хөкүмәте исеменнән Татарстан Республикасының сәнәгать һәм сәүдә министры Р. Зарипов, “Газпромбанк” ААҖ исеменнән Идарә рәисе урынбасары Ф. Канцеров кул куйды.