«Нефть, газ, нефть химиясе – 2012» халыкара күргәзмәсе - Россиянең иң эре региональ нефть һәм газ күргәзмәсе

5-7 сентябрьдә Казанда «Нефть, газ, нефть химиясе-2012» XIX халыкара күргәзмә узачак. Күргәзмә Татарстан Республикасы Сәнәгать һәм сәүдә министрлыгы, Татарстан Республикасы Экология һәм табигый байлыклар министрлыгы, Татарстан Республикасы Мәгълүматлаштыру һәм элемтә министрлыгы, «Татнефтехиминвест-холдинг» ААҖ, Татарстан Республикасы Фәннәр академиясе, «Татнефть» ААҖ, «ТАИФ», ААҖ, «Нефтеконсорциум» ЯАҖ һәм “Казан ярминкәсе” ААҖ тарафыннан оештырыла.
6 сентябрьдә «Нефть, газ, нефть химиясе-2012» XIX халыкара күргәзмәсе эшендә Татарстан Республикасы Президенты Р. Миңнеханов катнашачак. Программа кысаларында күргәзмә экспозициясен карау, пленар утырыш, түгәрәк өстәл оештыру каралган.
5 сентябрьдә «Нефть, газ, нефть химиясе-2012» XIX халыкара күргәзмәсен ачу тантанасында Татарстан Республикасы Премьер-министры И. Халиков катнаша.
5 – 7 сентябрьдә әлеге Халыкара күргәзмә кысаларында түбәндәгеләрне уздыру планлаштырыла:
• 5 сентябрьдә «Нефть химиясе һәм нефть эшкәртү сәнәгатендә инновацион технологияләр» халыкара фәнни-гамәли конференциясе;
• 5-7 сентябрьдә «Югары үзле нефть һәм табигый битум: эзләү һәм чыгару урынын әзерләү проблемасы һәм аларның нәтиҗәлелеген арттыру» халыкара фәнни-гамәли конференциясе;
• 6 сентябрьдә «Республикада җитештерелгән нефть химиясе продукциясен юл төзелешендә һәм капиталь төзелештә куллануны арттыру» темасына түгәрәк өстәл.
Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов билгеләп үткәнчә, әлеге Күргәзмә республикабыз өчен мөһим вакыйга. Нефть чыгару, нефть эшкәртү Татарстан Республикасының бренды, бүген республикадагы сәнәгать җитештерүенең 60 процентын һәм экспортның 90 процентын бу өлкәләр тәшкил итә.
Татарстан Республикасы җитәкчелеге ярдәмендә уздырыла торган әлеге чараның үз тарихы бар. Бизнес бергәлекләр вәкилләре һәм фән әһелләре арасында аның абруе елдан-ел арта бара. Быел биредә илнең төрле төбәкләреннән, якын һәм ерак чит илләрдән килгән 230 дан артык компания катнаша.