ЯҢАЛЫКЛАР

2014 елның 18 декабрендә Татарстан Республикасы Сәнәгать һәм сәүдә министрлыгында Татарстан Республикасының мәгълүматлаштыру Академиясе һәм Татарстан Республикасы Фәннәр Академиясе белән берлектә “Җитештерүчәнлек һәм сакчыл җитештерү” халыкара фәнни–гамәли конференциясе үткәрелә.
Конференция хезмәт җитештерүчәнлеген үстерү, “Сакчыл җитештерү” принципларын һәм инструментларын нәтиҗәле куллану нигезендә җитештерү системаларын кертү, үзебезнең ил предприятиеләрдә һәм оешмаларында хезмәт җитештерүчәнлеген үстерүдә дәүләт, иҗтимагый һәм коммерция структураларның үзара эшчәнлеге мәсьәләләренә багышланган.

2014 елның 16 декабрендә Люблянада Словения Республикасының Сәүдә–сәнәгать палатасында Татарстан– Словения бизнес–форумы узды. Форум эшендә Татарстан Республикасы Президенты Рөстәм Миңнеханов, Россиянең элемтә һәм массакүләм коммуникацияләр министры, сәүдә–икътисадый һәм фәнни–техник хезмәттәшлек итү буенча Россия–Словения хөкүматара комиссиянең рәистәше Николай Никифоров, Россиянең Словения Республикасындагы Гадәттән тыш һәм Тулы вәкаләтле вәкиле Доку Завгаев, Татарстан Республикасы Премьер–министры урынбасары –Татарстан Республикасы сәнәгать һәм сәүдә министры Равил Зарипов, Татарстан Республикасының министрлыклар һәм ведомстволар җитәкчеләре, шулай ук Татарстан Республикасы һәм Словения Республикасының бизнес вәкилләре катнашты.
Россиянең Словения Республикасындагы Гадәттән тыш һәм Тулы вәкаләтле вәкиле Доку Завгаев форумда чыгыш ясап, хәбәр иткәнчә, Россия-Словения мөнәсәбәтләре динамик үсештә бара. Беренче мәртәбә 2013 елда илләр арасындагы товар әйләнеше 2 млрд. доллар тәшкил итә. Илләр арасында яхшы шартнамәчел-хокукый база булдырылган, моның нәтиҗәсендә алдагы элемтәләр өчен югары потенциал бар дип әйтергә була, диде ул.

2014 елның 20 декабрендә “Казан” агросәнәгать паркы территориясендә Яңа ел хәйрия ярминкәсе узачак. Ярминкәдә Татарстан Республикасының ятим калган балалар, инвалид балалар, олылар һәм өстәмә белем бирү учрежденияләре укучылары ясаган эшләнмәләр тәкъдим ителәчәк.
Товар сатудан кергән акча онкология авыруларыннан интегүче 18 яшьтән өлкәнрәк пациентлар өчен хосписның икенче өлеше төзелешенә юнәлдереләчәк.

2014 елның 16 декабрендә Балык Бистәсе районында “Котлы-Бөкәш” 220 кВ подстанциясенең реконструкциядән соң тантаналы ачылышы узды. Ачылыш тантанасында Татарстан Республикасы Премьер-министры Илдар Халиков, Татарстан Республикасы сәнәгать һәм сәүдә министры урынбасары Дамир Сафиуллин, “Сетевая компания” ААҖ җитәкчелеге катнашты.
1996 елда эксплуатациягә кертелгән “Котлы-Бөкәш” 220 кВ подстанциясе Иделбуе белән Урал энергия системалары арасында бәйләүче булып торачак. Аның аша “Түбән Кама – Киндери” 220 кВ транзит уза, ул Казанны электр энергия белән тәэмин итү тотрылыгын көчәйтә. Шулай ук “Котлы-Бөкәш” подстанциясе Татарстанның биш районын электр белән, “Түбән Кама”дан Киров һәм Удмуртия энергия системаларына күәт транзитын тәэмин итә.

2014 елның 15 һәм 16 декабрендә Татарстан Республикасы Президенты Рөстәм Миңнеханов җитәкчелегендә Татарстан Республикасы делегациясенең Словениягә визиты уза. Татарстан Республикасы делегациясе составында – республиканың министрлыклар һәм ведомстволар, сәнәгать предприятиеләре һәм укыту учрежденияләре җитәкчеләре.
Ике көнлек эш визиты программасы кысаларында – эшлекле очрашулар һәм сөйләшүләр, шул исәптән, Татарстан Республикасы Президенты Рөстәм Миңнеханов җитәкчелегендәге Татарстан Республикасы делегациясе Словения Республикасы Дәүләт Советының рәисе Митя Бервар, Словения Республикасының икътисадый үсеш һәм технологияләр министры Здравко Почивальшек, Словения Сәүдә-сәнәгать палатасы рәисе Само Хрибар-Милич белән очрашачак.

2014 елның 15 декабрендә Татарстан Республикасы Президенты Рөстәм Миңнехановның Франция Республикасының Россия Федерациясендәге Гадәттән тыш һәм Тулы вәкаләтле Илчесе Жан-Морис Рипер җитәкчелегендәге Франция делегациясе белән очрашуында Татарстан Республикасы сәнәгать һәм сәүдә министры урынбасары Рашат Фәттахов катнашты.
Франция делегациясен сәламләп, “Россия-Франция мөнәсәбәтләре кысаларында Франция белән хезмәттәшлек итү мөмкинлеген республика югары бәяли”, – дип белдерде Татарстан Республикасы Президенты Рөстәм Миңнеханов. Татарстан белән Франция даими рәвештә делегацияләр белән алышына. Инде егерме ел Франциядә Татарстан вәкиллеге эшли, Казанда Франция Республикасының виза үзәге һәм Alliancе Francaise мәдәни үзәге эшлиләр”.

2014 елның 12 декабрендә Чаллыда Татарстан Республикасы Президенты Рөстәм Миңнеханов катнашында «КАМАЗ» автозаводы төзелешен башлап җибәрүгә 45 ел тулуга багышланган тантаналы чара узды.
Чаллының Орган залы каршындагы мәйданда «КАМАЗ» автомобильләре күргәзмәсе оештырылды, холлда кунаклар игътибарына «КАМАЗ» ААҖ тарих музее экспозициясе тәкъдим ителде. Экспонатлар арасында уникаль документлар, көнкүреш предметлары, заводны төзи башлаганнарның беренче махсус эш киемнәре һәм башкалар бар иде.

2014 елның 12 декабрендә Татарстан Республикасының “Татмедиа” массакүләм коммуникацияләр агентлыгы белән берлектә «ПО «ЕЛАЗ» җитештерү берләшмәсе” ААҖ предприятиедә Лин–технологияләрен (“Сакчыл җитештерү” технологияләрен), энергияне һәм ресурсларны саклау технологияләрен, хезмәт җитештерүен үстерү буенча проектларны гамәлгә ашыру тәҗрибәсе белән танышу максаты белән региональ, республика һәм җирле массакүләм мәгълүмат чаралары вәкилләре катнашында матбугат туры оештырылды.
Журналистлар предприятие җитәкчеләре белән очрашу барышында берләшмәнең төп эшчәнлек юнәлешләре һәм алдынгы идарә технологияләрен кертү тәҗрибәсе белән таныштылар. Генераль директор Камил Галимов ассызыклаганча, “Алабуга автомобиль заводы” җитештерү берләшмәсе” ААҖ республика автомобиль кластерының авыл хуҗалыгы өчен һәм махсус техника җитештерүчесе булып тора. Предприятие тракторлар, юл төзелеше һәм коммуналь тармак өчен махсус техника, шулай ук нефть, газ чыгару тармагы өчен махсус техника чыгара.

2014 елның 10 декабрендә Татарстан Республикасы Сәнәгать һәм сәүдә министрлыгы һәм “Татмедиа” республика агентлыгы тарафыннан “Татспиртпром” ААҖнә компаниянең контрофакт продукция белән көрәшү һәм импортка алмаш табу өчен конкурентлылыкка сәләтле продукция чыгару эшчәнлеге белән танышу өчен матбугат туры оештырылды. Программа кысаларында “Татспиртпром” җитәкчелеге федераль, региональ һәм җирле массакүләм мәгълүмат чаралары вәкилләре белән очрашты. Бүгенге көндә “Татспиртпром” берләшмәсе 50 төр продукция – елына 7 млн.декалитр чыгара торган Татарстан Республикасында ике спирт, өч ликер- аракы заводы, Казанда вино заводын үз эченә ала.
2010 елдан компания актив рәвештә җитештерү күәтенең модернизациясен һәм оптимизациясен үткәрә. Бүгенге көндә Мамадыш спирт заводының тулаем техник яңартып кору эше төгәлләнде. Түлаем инвестицияләр күләме 460 млн.сум тәшкил итте. Компаниянең тагын 2 млрд.сумлык бер проекты – тәүлегенә 10 000 декалитр ректификованыйлы спирт чыгара торган яңа Усад спирт заводын төзү. Заводны 2015 елның беренче яртыеллыгында эшләтеп җибәрергә планлаштырыла.

2014 елның 8 һәм 9 декабрендә Мәскәүдә Россия Федерациясенең сәнәгать һәм сәүдә министрлыгы тарафыннан “Эшлекле Лига” компанияләр төркеме ярдәмендә “Җиңел сәнәгать: конкурентлылык сәләтлегенә юнәлеш" форумы узды.
Форумда Россия Федерациясе Хөкүмәте рәисенең урынбасары Аркадий Дворкович, Россия Федерациясенең сәнәгать һәм сәүдә министры Денис Мантуров, башкарма хакимият органнарының федераль һәм региональ вәкилләре, бизнес–оешмалар җитәкчеләре катнаштылар. Татарстан Республикасы ягыннан – Татарстан Республикасы Сәнәгать һәм сәүдә министрлыгы, Татарстан Республикасының текстиль һәм җиңел сәнәгать эшмәкәрләре берләшмәсе, “Алабуга” махсус икътисадый зона, «БРОССКО» ҖЧҖ вәкилләре.