ЕлАЗда Лин-технологияләр, энергияне һәм ресурсларны сак тоту технологияләре актив кертелә, хезмәт җитештерүен үстерү буенча проектлар гамәлгә ашырыла

2014 елның 12 декабрендә Татарстан Республикасының “Татмедиа” массакүләм коммуникацияләр агентлыгы белән берлектә «ПО «ЕЛАЗ» җитештерү берләшмәсе” ААҖ предприятиедә Лин–технологияләрен (“Сакчыл җитештерү” технологияләрен), энергияне һәм ресурсларны саклау технологияләрен, хезмәт җитештерүен үстерү буенча проектларны гамәлгә ашыру тәҗрибәсе белән танышу максаты белән региональ, республика һәм җирле массакүләм мәгълүмат чаралары вәкилләре катнашында матбугат туры оештырылды.
Журналистлар предприятие җитәкчеләре белән очрашу барышында берләшмәнең төп эшчәнлек юнәлешләре һәм алдынгы идарә технологияләрен кертү тәҗрибәсе белән таныштылар. Генераль директор Камил Галимов ассызыклаганча, “Алабуга автомобиль заводы” җитештерү берләшмәсе” ААҖ республика автомобиль кластерының авыл хуҗалыгы өчен һәм махсус техника җитештерүчесе булып тора. Предприятие тракторлар, юл төзелеше һәм коммуналь тармак өчен махсус техника, шулай ук нефть, газ чыгару тармагы өчен махсус техника чыгара.
ЕлАЗ – заманча идарә итү системаларын кертү, шул исәптән, “Сакчыл җитештерү” методикасын, энергияне һәм ресурсларны сак тоту технологияләрен кертү буенча Татарстан Республикасының алдынгы предприятиеләренең берсе. К.Галимов сүзләренә караганда, ЕлАЗда Лин–технологияләр 2004 елдан кулланыла башлады. Хезмәткәрләр тарафыннан 7 300 якын кайдзен –тәкъдимнәр кертелде. Заводта 5S системасы белән 100% эш урыннары оештырылды, “Сакчыл җитештерү” принципларына һәм методларына предприятиенең 1,1 мең хезмәткәре өйрәтелде.
Предприятиенең техник директоры Игорь Осянин җитәкчелегендә журналистлар Елазның җитештерү һәм офис биналарын карадылар, җыю цехында «Флагман» проектын гамәлгә ашырылуы, металл конструкцияләре цехы, агрегат цехы, инженер үзәге һәм сәүдә йорты белән таныштылар.
2014 елда предприятиенең агрегат һәм цехында, инженер үзәктә һәм сәүдә йортында “Флагман” исемле дүрт проект гамәлгә ашырыла. Бу проектлар тулысынча ЕлАЗның индустриаль инженерлар командасы көче белән гамәлгә ашырыла. Әлеге проектларны тормышка ашыру нәтиҗәсендә җитештерүнең нәтиҗәлелеген пилотлы участокларда 15%ка арттырырга планлаштырыла.
Предприятиедә яшьләр берләшмәсе комитеты оештырылды. Предприятие командасы республиканың эшче яшьләр иҗаты телевизион фестивалендә катнашты. Яшь белгечләр – индустриаль инженерлар Тимур Дёкин һәм Илсур Әхмәтгалиев лин–технологияләрне кертү һәм эшчеләрне “Сакчыл җитештерү” инструментларына өйрәтү тәҗрибәсе белән таныштырдылар.