Люблянада Татарстан –Словения бизнес–форумы узды

2014 елның 16 декабрендә Люблянада Словения Республикасының Сәүдә–сәнәгать палатасында Татарстан– Словения бизнес–форумы узды. Форум эшендә Татарстан Республикасы Президенты Рөстәм Миңнеханов, Россиянең элемтә һәм массакүләм коммуникацияләр министры, сәүдә–икътисадый һәм фәнни–техник хезмәттәшлек итү буенча Россия–Словения хөкүматара комиссиянең рәистәше Николай Никифоров, Россиянең Словения Республикасындагы Гадәттән тыш һәм Тулы вәкаләтле вәкиле Доку Завгаев, Татарстан Республикасы Премьер–министры урынбасары –Татарстан Республикасы сәнәгать һәм сәүдә министры Равил Зарипов, Татарстан Республикасының министрлыклар һәм ведомстволар җитәкчеләре, шулай ук Татарстан Республикасы һәм Словения Республикасының бизнес вәкилләре катнашты.
Россиянең Словения Республикасындагы Гадәттән тыш һәм Тулы вәкаләтле вәкиле Доку Завгаев форумда чыгыш ясап, хәбәр иткәнчә, Россия-Словения мөнәсәбәтләре динамик үсештә бара. Беренче мәртәбә 2013 елда илләр арасындагы товар әйләнеше 2 млрд. доллар тәшкил итә. Илләр арасында яхшы шартнамәчел-хокукый база булдырылган, моның нәтиҗәсендә алдагы элемтәләр өчен югары потенциал бар дип әйтергә була, диде ул.
Татарстан Республикасы Президенты Рөстәм Миңнеханов билгеләгәнчә, Татарстан Словения белән хезмәттәшлек итәргә әзер, җитештерү белән шөгыльләнергә теләүчеләргә барлык вәкилләргә дә без барлык шартларны тудырачакбыз, диде ул.
Рөстәм Миңнеханов ассызыклаганча, Татарстан Республикасының икътисадый потенциалы турындагы презентациясе Словения эшкуарларына республика турында тулы мәгълүмат алырга, алга таба уртак проектлар билгеләргә ярдәм итәчәк.
Татарстан–Словения бизнес–форумы кысаларында презентацияләр белән Татарстан Республикасы Премьер–министры урынбасары – Татарстан Республикасы сәнәгать һәм сәүдә министры Равил Зарипов, Татарстан Республикасы авыл хуҗалыгы һәм азык–толек министры Марат Әхмәтов һәм башкалар чыгыш ясадылар.
Татарстан Республикасы Премьер–министры урынбасары – Татарстан Республикасы сәнәгать һәм сәүдә министры Равил Зарипов форумда катнашучыларны республика үсешенең төп социаль–икътисадый юнәлешләре белән таныштырды, республиканың нефть, газ химиясе, машина төзелеше һәм энергетика кластерының эре предприятиеләре белән таныштырды. Равил Зарипов әйтүенчә, 2013 елда Татарстан Республикасы белән Словения арасындагы тышкы сәүдә әйләнеше 2,4 млн. евро тәшкил итте. Ул шулай ук Татарстан Республикасының Словения белән сәүдә–икътисадый хезмәттәшлекнең агымдагы торышы, машина төзелеше, нефть химиясе, инжиниринг өлкәләрендә икеяклы перспектив юнәлешләре турында сөйләде.