Журналистлар “Татспиртпром” ААҖ эшчәнлеге белән таныштылар

2014 елның 10 декабрендә Татарстан Республикасы Сәнәгать һәм сәүдә министрлыгы һәм “Татмедиа” республика агентлыгы тарафыннан “Татспиртпром” ААҖнә компаниянең контрофакт продукция белән көрәшү һәм импортка алмаш табу өчен конкурентлылыкка сәләтле продукция чыгару эшчәнлеге белән танышу өчен матбугат туры оештырылды. Программа кысаларында “Татспиртпром” җитәкчелеге федераль, региональ һәм җирле массакүләм мәгълүмат чаралары вәкилләре белән очрашты. Бүгенге көндә “Татспиртпром” берләшмәсе 50 төр продукция – елына 7 млн.декалитр чыгара торган Татарстан Республикасында ике спирт, өч ликер- аракы заводы, Казанда вино заводын үз эченә ала.
2010 елдан компания актив рәвештә җитештерү күәтенең модернизациясен һәм оптимизациясен үткәрә. Бүгенге көндә Мамадыш спирт заводының тулаем техник яңартып кору эше төгәлләнде. Түлаем инвестицияләр күләме 460 млн.сум тәшкил итте. Компаниянең тагын 2 млрд.сумлык бер проекты – тәүлегенә 10 000 декалитр ректификованыйлы спирт чыгара торган яңа Усад спирт заводын төзү. Заводны 2015 елның беренче яртыеллыгында эшләтеп җибәрергә планлаштырыла.
Җитештерүнең яңа технологияләре, нәтиҗәле менеджмент һәм югары дәрәҗәдәге сыйфат контроле “Татспиртпром” ААҖ Россия Федерациясендә алкоголь базарындагы алдынгы җитештерүчеләрнең берсе булырга ярдәм итте. Продукциянең югары дәрәҗәдәге сыфаты традицион рәвештә халыкара күргәзмәләрдә һәм бәйгеләрдә билгеләнә, брендларның күбесе “Россиянең 100 иң яхшы товары” һәм “Алкоголь эчемлекләренең сыйфаты өчен милли премия” аерымлык билгеләренә иреште.
Матбугат туры кысаларында журналистлар Казан ликер- аракы заводында булдылар. Анда җитештерә торган продукция белән таныштылар. Шулай ук сувенир продукциясе чыгара торган цехны да карадылар.
“Татспиртпром” ААҖ филиалы булган Казан ликер-аракы заводына 1975 елда нигез салына. Предприятие берничә реконструкция этапларын узды, даими рәвештә яңа техник ысуллар һәм технологияләр кертелә. Заманча җитештерү җиһазлары заводның җитештерү күләмен һәм чыгарыла торган продукциянең сыйфатын арттыра.