ЯҢАЛЫКЛАР

13 майда Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов республикада фән һәм техникага багышланган интерактив музей булдыру, балалар һәм яшүсмерләр техник иҗатын үстерү буенча дәүләт хакимияте органнары, муниципаль берәмлекләр һәм сәнәгать предприятиеләре арасында хезмәттәшлекне арттыру мәсьәләләренә багышланган киңәшмә үткәрде.
Киңәшмәдә Татарстан Республикасы фән һәм мәгариф министры Энгель Фәттахов, Татарстан Республикасы сәнәгать һәм сәүдә министры урынбасары Гөлнара Әхмәдиева, Татарстан Республикасы фән һәм мәгариф министры урынбасарлары Андрей Поминов һәм Светлана Гиниатуллина, Татарстан Республикасы Сәнәгать һәм сәүдә министрлыгы һәм Татарстан Республикасы Фән һәм мәгариф министрлыгы бүлекчәләре җитәкчеләре, "Казан ярминкәсе" ААҖ җитәкчеләре катнашты.

”Татмедиа” пресс-мәйданчыгында шул хакта сөйләшү булды
Хәзерге вакытта Татарстан предприятиеләренә югары квалификацияле, техник яктан белемле кадрларга кытлык күзәтелә һәм бу әһәмиятле проблема булып тора. Аерым алганда, башлангыч һөнәри белмле 14081, урта һөнәри белемле 1707, югары белемле 3359 белгечкә - барлыгы 19 147 әйбәт кадрга ихтыяҗ бар.

9 майда Чаллы шәһәрендә Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов Бөек Ватан сугышында җиңүнең 68 еллыгына багышланган тантанада катнашты.
Фронтовикларга һәм тыл хезмәтчәннәренә, шәһәр халкына мөрәҗәгать итеп, Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов, Җиңү көненең тарихыбызда аерым үз урыны булуын, бу бәйрәмнең Россиядә яшәүче һәркем өчен кадерле икәнен билгеләп үтте.

Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов тармак хезмәткәрләрен, ветераннарын Бөек Җиңү көне белән тәбрик итте:
"Хөрмәтле ветераннарыбыз!
Татарстан Республикасы Сәнәгать һәм сәүдә министрлыгы исеменнән сезне бу Бөек бәйрәм белән тәбрик итәм.
Җиңү көне – һәрберебез ярата, хөрмәт итә торган, ямьле бәйрәм. Бу көнне без сугыш юлларын батырларча узган, Җиңү яулаган һәм сугыштан соң илебезне торгызган ватандашларыбыз алдында баш иябез. Сезгә сәламәтлек, рух ныклыгы, озын гомер һәм бөтенлек телим!"

7 майда Горький исемендәге Зеленодольск заводында диверсиягә каршы торучан яңа катер төзелә башлау тантанасы булды. Әлеге чарада Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов, Каспий флотилиясе командующие, вице-адмирал Сергей Алекминский, Россия Оборона министрлыгы, Россия Хәрби диңгез флоты вәкилләре, "Ак Барс" ХК ААҖ һәм "Горький исемендәге Зеленодольск заводы" ААҖ җитәкчелеге, Зеленодольск шәһәре администрациясе вәкилләре катнашты.

Татарстан Республикасы делегациясенең Индонезиягә визиты кысаларында 2 майда Р. Миңнеханов җитәкчелегендәге делегация Индонезия Сәнәгать министрлыгында, Индонезия Тышкы эшләр министрлыгында, Индронезия икътисады мәсьәләләре буенча координация министрлыгында очрашуларда катнашты, Индонезиянең Сәүдә-сәнәгать палатасында ике илнең бизнес даирәләре өчен түгәрәк өстәл оештырылды.

Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов сәнәгать һәм сәүдә тармагы хезмәткәрләрен, тармак ветераннарын Яз һәм Хезмәт бәйрәме белән тәбрик итте.
"Хөрмәтле сәнәгать һәм хезмәт предприятиеләре хезмәткәрләре, тармак ветераннары! Татарстан Республикасы Сәнәгать һәм сәүдә министрлыгы исеменнән сезне Яз һәм Хезмәт бәйрәме белән тәбрик итәм. Яз һәм Хезмәт – тынычлык һәм бердәмлек, хезмәт ияләренең бедәмлеге символы. Бу бәйрәм Ватаныбызга хезмәт иткән һәркемне берләштерә, милли мәнфәгатьләрнең ныгуына һәм илебезнең киләчәк үсешенә ярдәм итә.
Сезгә хезмәттә зур уңышлар, тотрыклы тыныч тормыш, якыннарыгызга иминлек телим!”.

2013 елның 29 апрелендә «Татнефтехиминвест-холдинг» ААҖ Директорлар советында нефть, газ химиясе предприятиеләренең агымдагы елның 1 кварталындагы эшчәнлегенә Татарстан Республикасы Президенты Р. Миңнеханов катнашында йомгак ясалды.
«Татнефтехиминвест-холдинг» ААҖ генераль директоры Р. Яруллин сүзләренә караганда, бу чорда 8 млн. тонна нефть чыгарылган, 4 млн. тонна эшкәртелгән. Бу узган елның шул чоры белән чагыштырганда 9 процентка артык. Нафт җитештерү арткан, дизель ягулыгы, автобензин һәм мазут җитештерү кимегән. Мономерлар эшләп чыгару 2,6 процентка, полимерлар җитештерү 5,3 процентка, шиналар эшләп чыгару 4,6 процентка арткан.

“ТНВ" каналының «7 Дней» программасы иҗат коллективы үткәргән эксперимент нәтиҗәләре буенча, Татарстан Республикасы Сәнәгать һәм сәүдә министрлыгының кабул итү бүлмәсе гражданнар мөрәҗәгатьләре белән эшләгәндә ике дәүләт телен куллану буенча иң яхшылардан дип табылды. Бу хакта әлеге тапшыруның 28 апрель чыгарылышыннан карарга мөмкин:
http://www.tatar-inform.ru/video/5349/; http://www.tatar-inform.ru/upload/video/2013/04/28tnv.flv.

29 апрельдә Казан шәһәрендә "Татнефть" ААҖ Директорлар советы утырышы үтте, анда узган елга нәтиҗәләр ясалды.
2012 елда "Татнефть" ААҖ тарафыннан 26 млн. 5 мең тонна нефть чыгарылды, 303 скважина кулланылышка тапшырылды. Татарстаннан читтә Россия Федерациясе территориясендә кече предприятиеләрдә 302 мең тонна нефть чыгарылды. 2012 елда 843,5 млн. куб. метр күләмендә нефть газы чыгарылды. Ашальчыда югары үзле нефть чыгару 73 мең тонна тәшкил итте.
"Татнефть" ААҖнең нефть химиясе комплексы уңай нәтиҗәләргә иреште. Россия территориясендә сатыла торган шиннар арасында Татарстанда җитештерелгәннәре 31 процент тәшкил итте, 2011 елда бу сан 26 процент иде.
"Татнефть" компанияләре төркеменең барлык җитештерү эшчәнлеге буенча инвестиция программасын гамәлгә ашыруга 63,6 млрд. сум бүлеп бирелде.
Барлык дәрәҗәдәге бюджетларга салымнар һәм түләүләр күләме 312 миллиард сум тәшкил итте.