“Эшче профессияләр һәм инженерлык белгечлекләр абруе” темасы буенча беренче журналистлык премиясенә конкурс уздырыла

”Татмедиа” пресс-мәйданчыгында шул хакта сөйләшү булды
Хәзерге вакытта Татарстан предприятиеләренә югары квалификацияле, техник яктан белемле кадрларга кытлык күзәтелә һәм бу әһәмиятле проблема булып тора. Аерым алганда, башлангыч һөнәри белмле 14081, урта һөнәри белемле 1707, югары белемле 3359 белгечкә - барлыгы 19 147 әйбәт кадрга ихтыяҗ бар.
“Татмедиа” Республика матбугат һәм массакүләм коммуникацияләр агентлыгы пресс-мәйданчыгында матбугат конференциясендә ТР сәнәгать һәм сәүдә министры урынбасары Гөлнара Әхмәдиева шул хакта игълан итте. Аның сүзләренчә, шушы министрлык, 97 сәнәгать предприятиесе белән берлектә, 2014-2016 елларга эшчеләр һәм белгечләр әзерләү ихтыяҗы күләмен формалаштырган. Эшче белгечлекләрнең абруен күтәрү, инженерлык-техник кадрлар әзерләү мәсьәләсен Россия һәм Татарстан җитәкчелеге күз уңында тора. Татарстан Республикасы Президенты Рөстәм Миңнеханов былтыр ук республиканың министрлыклары, ведомстволары, сәнәгать предприятиеләре һәм муниципаль берәмлекләренең эшче һәм инженерлык кадрларны заман таләпләрен һәм Татарстан икътисадының реаль секторы предприятиеләре ихтыяҗларын исәпкә алып әзерләүгә йөз тоткан уртак эшен координацияләү бурычы куйды. Татарстан җитәкчелеге тарафыннан республика максатчан программасы эшкәртү буенча йөкләмә бирелде, эш бирүчеләрне белгечләр әзерләүнең барлык этапларында да катнаштыру бурычы тора6.
Үз чиратында эшче һөнәрләр һәм инженер кадрларны популярлаштыру юнәлешендә күптән эш алып барыла, мисалга, “ТАНЕКО”, “Казан вертолет заводы”, “Казан компрессормаш”, “Позис” кебек предприятиеләргә, “Алабуга” аерым икътисади зонасына пресс-турлар оештырылган. Бу мәсьәләдә журналистлар эшне системага салу кирәклеге турында фикер әйткәч, “Татмедиа” агентлыгы, ТР Сәнәгать һәм сәүдә министрлыгы белән берлектә, без медиа-план төзедек, ММЧ вәкилләре белән бару өчен, Татарстан икътисадының стратегик объектлары билгеләнде дип аңлатты.
Үзебез һәм радио тыңлаучыларыбыз, телевидение тапшыруларын караучыларыбыз, матбугат чараларын укучыларыбыз алдында намуслы булып калу өчен, нинди кыйммәтләр турында материал әзерләп, һөнәрләрнең төп өстенлекле якларын күрсәтүебезгә, кешеләрне нәрсәгә үгетләвебезгә инану өчен, ә бу, чыннан да, зур җаваплылык, ТР Сәнәгать һәм сәүдә министрлыгы, “Татмедиа” Республика агентлыгы белән берлектә, журналистлар арасында шушы тематика буенча конкурс уздырырга булдык, бу миссияне, ягъни конкурсны гамәлгә куюны “Казан вертолет заводы” ААҖ генераль директоры Вадим Лигай үз өстенә алды, дип игълан итте Нурия Беломоина.
Шул рәвешле, “Эшче профессияләр һәм инженерлык белгечлекләр абруе” темасына беренче журналистлык премиясенә материаллар декабрьнең 1енә кадәр тапшыру шарты куелганлыгын да искәртү кирәк. “Гран-при” категориясе буенча премия суммасы 100 мең сум, “Иң яхшы басма ММЧ материалы” (моңа Интернет-басмалар да керә), “Иң яхшы радио һәим телевидение материалы” номинацияләре буенча – 50шәр мең сум. Министр урынбасары Гөлнара Әхмәдиева, республиканың башка предприятиеләре дә кушылса, премия саны арту мөмкинлеге бар, дип билгеләп үтте.
Журналистлар белән очрашуда “Казан вертолет заводы” ААҖ генераль директоры Вадим Лигай да катнашып, предприятиенең яшьләрне үзенә җәлеп итү тәҗрибәсе һәм фикерләре белән уртаклашты. Аның инануынча, грамоталы һәм культуралы эшчеләр бик күп, эшче һөнәренә буенча гомере тугрылык саклап, намуслы хезмәт батырлары турында җәмгыять белергә, горурланырга тиеш. Шулай да, технарьлыкка барысын рәттән кыстау да соралмый, ә төгәл һәм дөрес мәгълүмат бирү кирәк дип саныйм, ә аны яшьләр кызыксынырлык итеп бирү исә журналист осталыгыннан тора.
("Татар-информ" агентлыгы материалларын файдаланып эшләнде)