Чаллыда Җиңү бәйрәме

9 майда Чаллы шәһәрендә Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов Бөек Ватан сугышында җиңүнең 68 еллыгына багышланган тантанада катнашты.
Фронтовикларга һәм тыл хезмәтчәннәренә, шәһәр халкына мөрәҗәгать итеп, Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов, Җиңү көненең тарихыбызда аерым үз урыны булуын, бу бәйрәмнең Россиядә яшәүче һәркем өчен кадерле икәнен билгеләп үтте.
Министр татарстанлыларның Җиңүгә керткән өлеше, сугыш чорындагы бомбардировщикларның өчтән икесе Казанда җыелган булуы, фронтка 90 мең тоннадан артык күкерт, миллионнарча тонна азык-төлек озатылуы хакында сөйләде.Бүген Чаллы шәһәрендә 454 сугыш ветераны һәм 4 316 тыл хезмәтчәне яши.

Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов сүзләренчә, "без бу көнне буыннар һәм чорлар дәвамлылыгын аеруча ныграк тоябыз. Ветераннарыбызның яшьләргә үрнәк булуын бигрәк тә югары бәялибез".
Р. Зарипов әйтүенчә, республикада һәм шул исәптән Чаллы шәһәрендә ветераннарның социаль проблемаларын хәл итү, тормыш дәрәҗәсен арттыру буенча шактый эшләр эшләнә. Татарстан җитәкчеләренең ярдәме белән ветераннар бөтен уңайлыклары булган торак белән тәэмин ителә, медицина хезмәте күрсәтү аеруча нык контрольдә тотыла. "КАМАЗ" ААҖтә сугыш ветераннары һәм тыл хезмәтчәннәре хакында кайгырту даими һәм адреслы алып барыла. Бу предприятиедә 713 Бөек Ватан сугышы ветераны эшләгән, шуларның 87 сугышта катнашучылар, 626 тыл хезмәтчәннәре.