ЯҢАЛЫКЛАР

23 майда Химиклар көне уңаеннан Түбән Кама шәһәренең "Нефтехимик" Боз Сараенда тантана үткәрелде. Бәйрәм чарасында Татарстан Республикасы Президенты Р.Миңнеханов, Татарстан Республикасы Дәүләт Советы Рәисе Ф. Мөхәммәтшин, Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов, Түбән Кама муниципаль районы башлыгы А. Метшин, Татарстан Республикасы сәнәгатенең химия тармагы хезмәткәрләре һөнәр берлеге, Татарстан Республикасы нефть, газ химиясе предприятиеләре җитәкчеләре, Казан милли-тикшеренү технологик университеты, Казан федераль университеты, Түбән Кама химия-технология институты укытучылары һәм студентлары, Бөтенроссия һәм республика олимпиадаларында җиңү яулаган мәктәп укучылары, республиканың иң яхшы химия укытучылары катнашты.

21 майда КНИТУ-КАИда Кораб төзелеше үзәген ачу тантанасы булды. Әлеге чарада Татарстан Республикасы Премьер-министры И. Халиков, Татарстан Республикасы сәнәгать һәм сәүдә министры урынбасары Г. Әхмәдиева, КНИТУ-КАИ һәм Горький исемендәге завод җитәкчеләре, КНИТУ-КАИ попечительлек советы әгъзалары, сәнәгать предприятиеләре җитәкчеләре, университет укытучылары катнашты.

20 майда Татарстан Республикасы Сәнәгать һәм сәүдә министрлыгында "Техстрой" ЯАҖ белән берлектә техник семинар оештырылды. "Су белән тәэмин итү, канализация һәм газ белән тәэмин итү буенча полиэтиленнан эшләнгән торбаларны монтажлау һәм ремонтлау" темасына багышланган семинарда Татарстан Республикасы Сәнәгать һәм сәүдә министрлыгы структур бүлекчәләре җитәкчеләре, бу тармакта хезмәт куючы башка оешмалардан вәкилләр катнашты.
Нефть, газ химиясе комплексы Татарстан Республикасы икътисадының иң мөхим секторларының берсе. Бүген бу предприятиеләрдә эшләнгән продукцияне республика күләмендә куллануны арттыру бурычы тора. Үзебездә җитештерелгән прродукциягә игътибарны җәлеп итү өчен Татарстан Республикасы Сәнәгать һәм сәүдә министрлыгында берничә семинар үткәрү планлаштырыла.
Кичә үткән семинарда полиэтилен торбаларны җитештерү, саклау һәм ташу шартлары, аларны монтажлау һәм тапшыру-кабул итү эшләрен үткәрү үзенчәлекләре хакында сүз барды. "Техстрой" ЯАҖ белгечләре семинарда катнашучыларга предприятиенең яңа проектлары хакында мәгълүмат бирде.

19-20 май көннәрендә Татарстан Республикасында Ленинград өлкәсе делегациясе булды. Аны өлкә Губернаторы А. Дрозденко җитәкләде. Казан Кремлендә Татарстан Республикасы Президенты Р. Миңнеханов Ленинград өлкәсе губернаторы А. Дрозденко белән очрашты, анда сүз ике регионның хезмәттәшлек итү перспективалары хакында барды. Татарстанга визит кысаларында Ленинград өлкәсе делегациясе Казан һәм Кама аръягы зонасы предприятиеләрендә булдылар, «Казаноргсинтез» ААҖ, «Химград» технополисын, ИТ-паркны һәм "Алабуга" МИЗ карадылар.

17 майда Татарстан Республикасы Сәнәгать һәм сәүдә министрлыгы коллективы һәм ветераннары агач утырту көнендә катнаштылар. Лаеш районында алар тарафыннан карагай үсентеләре утыртылды.
Мәгълүмат өчен:
Бөтенроссия агач утырту көне беренче тапкыр 2011 елның 14 маенда оештырылды. Бу ел БМО тарафыннан Халыкара урман елы дип игълан ителгән иде.

15-16 майларда Татарстан Республикасына Алматы хакиме Әхмәтҗан Есимов җитәкчелегендә Казахстан Республикасы делегациясе килде.

Визит программасы кысаларында Алматы хакиме Әхмәтҗан Есимов Татарстан Республикасы Президенты Р. Миңнеханов, шулай ук Татарстан Республикасы Дәүләт Киңәшчесе М.Шәймиев белән очрашты.
Казахстан делегациясе Универсиада авылында булдылар, Теннис академиясен карадылар. КФУда Әхмәтҗан Есимов Казанда белем алучы Казахстан студентлары белән очрашты.
Делегация кунаклары өчен Татарстан Республикасының сәнәгать һәм сәүдә министры беренче урынбасары Р.Кәбиров Татарстан Республикасы сәнәгать потенциалы хакында презентация үткәрде.

15 майда Татарстан Республикасына Бурсы губернаторы Шәһәбетдин Харпут әфәнде җитәкчелегендәге төрек делегациясе визиты дәвам итә. Кунаклар Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов белән бергәләп «КАМАЗ» ААҖ, «Алабуга» МИЗ, «ЕЛАЗ» ҖБ» ААҖ булдылар. Делегация составына Төркиянең автомобиль сәнәгате экспортерлары ассоциациясе Рәисе Орхан Сабунҗу, Бурсы провинциясе вәкиле Хәлил Акгөл, «Кастамону Интегрейтед Вуд Индастри» компаниясенең чит илләрдәге филиаллары координаторы Онур Гювен һәм «Акташ Холдинг» проекты җитәкчесе Гөлчин Онаран кертелгән.

14 майда "Алабуга" МИЗ территориясендә Ford Sollers компаниясе двигательләре заводы төзелешен башлап җибәрү тантанасы булды, анда Татарстан Республикасы Премьер-министры И. Халиков катнашты.
Двигательләр заводы мәйданының гомуми күләме 42,6 мең. кв.м. тәшкил итә. Завод 2015 елда эшли башлаячак. Биредә 1,6 литр сыйдырышлы Duratec двигательләре җитештереләчәк. Беренче этапта заводта елына 105 мең двигатель эшләп чыгару көтелә, 500 эш урыны барлыкка киләчәк.

14 майда Татарстан Республикасы Сәнәгать һәм сәүдә министрлыгында Төркиянең бизнес даирәләре Татарстан Республикасы сәнәгать һәм сәүдә министры урынбасары Р. Фәттахов белән очрашты. Очрашуда сүз Татарстан Республикасы һәм Төркия Республикасы арасында җиңел сәнәгать өлкәсендә хезмәттәшлек итү мәсьәләләре хакында барды, Татарстан Республикасының сәүдә-икътисад, инвестиция потенциалын презентацияләү булды.
Билгеле булганча, 14-6 май көннәрендә Татарстан Республикасына Бурсы губернаторы Шәһәбетдин Харпут әфәнде җитәкчелегендәге төрек делегациясе килде. 14 майда Бурсы губернаторы Шәһәбетдин Харпут әфәндене Татарстан Республикасы Президенты Р. Миңнеханов кабул итте, очрашуда Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов та катнашты.

13 майда Татарстан Республикасы Сәнәгать һәм сәүдә министрлыгында Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов җитәкчелегендә үткән киңәшмәдә "2013-2016 елларга Татарстан Республикасы машина төзелеше һәм нефть химиясе комплексы предприятиеләрендә хезмәт җитештерүчәнлеген арттыру" озак вакытлы максатчан программасын гамәлгә ашыру мәсьәләләре хакында фикер алышу булды.
Киңәшмәдә Татарстан Республикасы икътисад министры Р.М. Шаһиәхмәтов, Татарстан Республикасы сәнәгать һәм сәүдә министры урынбасары Г. Әхмәдиева, икътисад министры урынбасары С.Сираҗиева, "Татарстан Республикасы предприятиеләре һәм эшкуарлары ассоциациясе" генераль директоры А.М. Пахомов, Татарстан Республикасы Министрлар Кабинеты каршындагы Энергиясе сак тоту технологияләре үзәге директоры Е.В. Мартынов, һ.б катнашты.