ЯҢАЛЫКЛАР

2013 елның 8 декабрендә Татарстан Республикасы Cәнәгать һәм сәүдә министры урынбасары Гөлнара Әхмәдиева “Татарстан бизнесы” тапшыруы авторы һәм алып баручысы Тимур Бикмурзинга биргән интервьюсында “Эшче яшьләр иҗаты” Республика телевизион фестивале турында сөйләде.
Гөлнара Әхмәдиева әйтүенчә, “Эшче яшьләр иҗаты”ның Республика телевизион фестивале Татарстан Республикасы Президенты ярдәме белән Татарстан Республикасы Сәнәгать һәм сәүдә министрлыгы тарафыннанан оештырыла. Фестивальнең төп максатлары – җитештерүдә эшләүче яшьләрнең профессиональ үсеше өчен шартлар булдыру, эшче һәм инженерлык белгечлекләренең абруен арттыру, Татарстан Республикасы оешмаларында һәм предприятиеләрендә яшьләрнең иҗатын үстерү”.

2013 елның 6 декабрендә Казан дәүләт энергетика университетында Татарстан Республикасы Премьер-министры урынбасары - Татарстан Республикасы сәнәгать һәм сәүдә министры Равил Зарипов җитәкчелегендәге энергетика өлкәсендәге фән–мәгариф кластерының координация Советы утырышы узды. Утырышта Татарстан Республикасының сәнәгать һәм сәүдә министры урынбасары Хәмзә Баһмановов, Казан дәүләт энергетика университеты җитәкчеләре, эре энергетика компанияләре һәм республиканың профессиональ көллиятләр җитәкчеләре, Татарстан Республикасы сәнәгать һәм сәүдә министрлыгының, Татарстан Республикасы фән һәм мәгариф министрлыгының структур бүлекчәләр җитәкчеләре катнашты.
Координация Советы утырышында 2013 елгы фән–мәгариф кластер эшчәнлегенә нәтиҗәләр ясалды һәм 2014 елга бурычлар, энергетика өлкәсендәге предприятиеләрнең һәм оешмаларның әлеге кластерның профессиональ мәгариф учрежденияләре арасындагы элемтәләр билгеләнде, 2014 елга абитуриентларны кабул итү һәм икенче елга координация Советы утырышлары буенча фикер алыштылар.

2013 елның 6 декабрендә Казан дәүләт энергетика университетында Татарстан Республикасы Премьер-министры урынбасары - Татарстан Республикасы сәнәгать һәм сәүдә министры Равил Зарипов җитәкчелегендәге энергетика өлкәсендәге фән–мәгариф кластерының координация Советы утырышы узачак. Утырышта Татарстан Республикасының сәнәгать һәм сәүдә министры урынбасары Хәмзә Баһмановов, Казан дәүләт энергетика университеты җитәкчеләре, эре энергетика компанияләре һәм республиканың профессиональ көллиятләр җитәкчеләре, Татарстан Республикасы сәнәгать һәм сәүдә министрлыгының, Татарстан Республикасы фән һәм мәгариф министрлыгының структур бүлекчәләр җитәкчеләре катнашты.

2013 елның 3–4 декабрендә Татарстан Республикасы Премьер-министры урынбасары - Татарстан Республикасы Сәнәгать һәм сәүдә министры Равил Зарипов житәкчелегендәге Татарстан делегациясе Азәрбайҗан Республикасында булды.
Делегация составында – “КАМАЗ” тышкы сәүдә компаниясе” ЯАҖ, “Горький исем. суднотөзү заводы” ААҖ, “Серго исем.завод” җитештерү берләшмәсе” ААҖ, “Казан вертолет заводы” ААҖ, “ЕлАЗ” җитештерү берләшмәсе” ААҖ, «Татнефтехиминвест-холдинг» ААҖ предприятиеләре җитәкчеләре һәм Татарстан Республикасы Сәнәгать һәм сәүдә министрлыгы вәкилләре бар иде.

2013 елның 4 декабрендә Татарстан Республикасы Сәнәгать һәм сәүдә министрлыгы Татарстан Республикасы Министрлар Кабинеты каршындагы “Икътисади һәм социаль тикшеренүләр үзәге" оешуына 20 ел тулуы белән оешма җитәкчеләрен һәм коллективын тәбрик итте. Татарстан Республикасы Сәнәгать һәм сәүдә министры урынбасары Гөлнара Әхмәдиева “Икътисади һәм социаль тикшеренүләр үзәге" коллективы җитәкчесенә Алевтина Кудрявцевага Татарстан Республикасы Премьер-министры урынбасары - Татарстан Республикасы Сәнәгать һәм сәүдә министры Равил Зариповның Рәхмәт хатын тапшырды.

2013 елның 4 декабрендә Татарстан Республикасының сәнәгать һәм сәүдә министры урынбасары Гөлнара Әхмәдиева Казан илкүләм тикшеренү технология университетында «Казан илкүләм тикшеренү технология университетының 2013 ел Отличнигы» премиясен тапшыру тантанасында катнашты. Премиядә җиңүчеләрен сәламләп, Гөлнара Әхмәдиева, «Казан илкүләм тикшеренү технология университетының 2013 ел Отличнигы» премиясендә катнашучыларын һәм җиңүчеләрен узган буын галимнәрен, тикшерүчеләрен һәм җәмәгать эшлеклеләрен алмаштырыр өчен абруйлы дәрәҗәдәге белгечлекләр, дип атады. “Үзегезнең уңышларыгыз белән сез хәзерге чор яшьләребездә шактый олы интеллектуаль һәм социаль потенциал барлыгын раслыйсыз”, – дип ассызыклады.
Г.Әхмәдиева әйтүенчә, Татарстанда яшьләрне республиканың инновацион үсеш процессларына җәлеп итү һәм яшьләр арасында эшче һәм инженерлык белгечлекләренең абруен арттыру мәсьәләләренә күп игътибар бирелә. Республиканың социаль – икътисади үсешендәге, мәгариф һәм фән өлкәсендәге, җәмәгатьчелек эшчәнлегендәге казанышлары өчен университетның укытучыларына, хезмәткәрләренә һәм студентларына Гөлнара Әхмәдиева зур рәхмәтләрен белдерде.
Шәһәр хуҗалыгы өчен яңа экологик полимер агач белән тулыландырган материаллар уйлап чыгарганы өчен, “Елның фәнни ачылышы” номинациясендә җиңеп чыккан, Казан илкүләм тикшеренү технология университетының 4 курс студенты Илнар Фәйзуллинга Татарстан Республикасының сәнәгать һәм сәүдә министры урынбасары Гөлнара Әхмәдиева бүләк тапшырды.
Мәгълүмат өчен:
“Елның отличнигы” – ел саен Казан илкүләм тикшеренү технология университеты тарафыннан бирелә торган премия. Премия 2006 елдан һәр декабрь саен ел нәтиҗәләрен йомгаклап, 11 номинациядә бирелә: “Иң яхшы журналист”, “Ел аспиранты”, “Елның фәнни ачылышы”, “Ел проекты”, “Елның спорт казанышы”, “Ел иҗаты”, “Елның иҗади шәһесе”, “Җәмәгать эшлеклесе”, “Елның студентлар оешмасы”, “Гран–При”. Җиңүчеләр биш билгесе формасында статуэтка һәм кыйммәтле бүләкләр һәм дипломнар тапшырыла. «Гран-при» номинациясендә җиңүче Казан илкүләм тикшеренү технология университетының иң яхшы студенты исемен яулый.

2013 елның 4 декабрендә “Россия Саклык банкы” ААҖ президенты –идарә рәисе Герман Греф Татарстан Республикасына визиты кысаларында Чаллы шәһәренә килде. Аны Татарстан Республикасы Президенты Рөстәм Миңнеханов, Чаллы шәһәре мэры Васил Шәйхрәзиев, Татарстан Республикасы сәнәгать һәм сәүдә министры урынбасары Рашат Фәттахов һәм башка рәсми затлар озатып йөрделәр. Чаллыда Герман Греф һәм Рөстәм Миңнеханов "Развитие" индустриаль паркының төзелеш мәйданчыгында булдылар. Мондый муниципаль дәрәҗәдәге индустриаль парк булдыру индустриаль мәйданчыкларга ярдәм итү кысаларында “Россия Саклык банкы” тарафыннан финансланачак.
Визит кысаларында "КАМАЗ" ААҖ генераль директоры Сергей Когогин белән “Россия Саклык банкы” ААҖ президенты – идарә рәисе Герман Греф "КАМАЗ” автомобиль заводы белән “Россия Саклык банкы” ААҖ арасында стратегик хезмәттәшлек турында килешү имзаладылар. Шулай ук Рөстәм Миңнеханов һәм Герман Греф барында “Россия Саклык банкы” ААҖ белән Чаллы башкарма комитеты арасында һәм "КАМАЗ" ААҖ белән "Сбербанк Лизинг" ААҖ арасында килешүгә имза салынды.
Татарстан Республикасы Президенты Рөстәм Миңнеханов ассызыклавынча, “Россия Саклык банкы” – безнең стратегик партнерыбыз”. Президент әйтүенчә, республика җитәкчелеге “Россия Саклык банкы” белән муниципаль дәрәҗәдә индустриаль мәйданчыклар булдыру буенча хезмәттәшлек итәргә җыена.
Республиканың “Россия Саклык банкы” белән перспективалы уртак проектлары да бар, шул исәптән, күчмә офислар булдыру, “Россия Саклык банкы” терминалларын дәүләт хезмәт күрсәтүләре өчен файдалануа, заманча идарә процессларын гамәлгә кертү.

 

             2013 елның 4 декабрендә “Ford Sollers” компаниясе Татарстан Республикасында автокомпонентлар белән тәэмин итүче Россия һәм халыкара компанияләр катнашында конференция үткәрде. Конференциядә Россиядә компанияләрнең локализация мәсьәләләре каралды.

             Чаллыда  “Ford Sollers” заводының конференц–залында узган чарада компаниянең   потенциаль һәм хәзерге тәэмин итүче 60 компания катнашты.

             Конференциянең төп темалары – автокомпонентларны җитештерү өлкәсендәге Россиядә автомобиль базарының хәзерге торышы, Россиядә глобаль тәэмин итүчеләр һәм аларның мөмкинчелекләре, Татарстан Республикасының инвестиция җәлеп итүчәнлеге, “Ford” модельләре өчен компонентлар  җитештерүче компанияләрне сайлау һәм җәлеп итү.

         2014 елда Чаллыда  “Ford Sollers” заводының өченче җитештерү мәйданчыгында  “Ford EcoSport” яңа модель чыгаруга аерым игътибар бирелде.  

2013 елның 3–4 декабрендә Татарстан Республикасы Премьер-министры урынбасары - Татарстан Республикасы сәнәгать һәм сәүдә министры Равил Зарипов житәкчелегендәге Татарстан делегациясе Азәрбайҗан Республикасына барачак.
Делегация составында – “КАМАЗ” тышкы сәүдә компаниясе” ЯАҖ, “Горький исем. суднотөзү заводы” ААҖ, “Серго исем.завод” җитештерү берләшмәсе” ААҖ, “Казан вертолет заводы” ААҖ, “ЕлАЗ” җитештерү берләшмәсе” ААҖ, «Татнефтехиминвест-холдинг» ААҖ предприятиеләре җитәкчеләре бар.

2013 елның 1 декабрендә Зеленодольск шәһәрендә (Горький исем.мәдәният йортында) Татарстан Республикасы Cәнәгать һәм сәүдә министры урынбасары Гөлнара Әхмәдиева, Татарстан Республикасы халык артисты, Габдулла Тукай исемендәге татар дәүләт филармония солисты Резеда Галимова, «Созвездие-Йолдызлык» яшьләр иҗтимагый оешмасы директоры Айдар Гайнетдинов катнашында “Эшче яшьләр иҗаты”ның Республика телевизион фестиваленең гала- концерты узды.