Зеленодольскида “Эшче яшьләр иҗаты” Республика телевизион фестиваленең зона этабының гала-концерты узды

2013 елның 1 декабрендә Зеленодольск шәһәрендә (Горький исем.мәдәният йортында) Татарстан Республикасы Cәнәгать һәм сәүдә министры урынбасары Гөлнара Әхмәдиева, Татарстан Республикасы халык артисты, Габдулла Тукай исемендәге татар дәүләт филармония солисты Резеда Галимова, «Созвездие-Йолдызлык» яшьләр иҗтимагый оешмасы директоры Айдар Гайнетдинов катнашында “Эшче яшьләр иҗаты”ның Республика телевизион фестиваленең гала- концерты узды.
Татарстан предприятиеләре һәм оешмалары командалары составында 200 артык катнашучы чыгыш ясады: «ПОЗИС» ААҖ, «Горький исем. завод» ААҖ, «Горбунов исем. Казан авиация җитештерү берләшмәсе», «Казан электрика челтәре» ААҖ, «Зеленодольск фанера заводы» -ҖЧҖ «ПФМК», «Казан вертолет заводы» ААҖ, «Электроприбор» Казан заводы ААҖ, «Челтәр компаниясе» ААҖ идарәсе, «Казан мотор төзелеше җитештерү берләшмәсе» ААҖ, «Казан электр техникасы заводы» ААҖ, Татарстан Республикасының Тәтеш муниципаль районының балаларга өстәмә белем бирү үзәге, «Чүпрәле коммуналь челтәрләре» ЯАҖ, «Кряж» ҖЧҖ (Теләче районы), «Буа электр челтәре», «Казан оптика механика заводы» ААҖ, Апас районының «Свияга авыл хуҗалыгы предприятиесе» ААҖ, «Зур Кайбыч урта белем бирү мәктәбе» муниципаль бюджет мәгариф учреждениесе, Кама Тамагы гипс руднигы.
“Эшче яшьләр иҗаты”ның Республика телевизион фестиваленең зона этапларын үткәрү кысаларында репетицияләрдән һәм чыгышлардан тыш, предприятиеләр командалары мастер- классларда һәм түгәрәк өстәлләрдә катнаштылар. Командалар составында 35 яшькә кадәр булган хезмәткәрләр катнаша (команда составында 7–15 кеше). Һәр коллектив «Вокал» (соло һәм ансамбль башкаруында), “Ансамбль биюе”, “Дан минуты” (талантлар демонстрациясе), “Визитка презентациясе” номинацияләрендә номерлар әзерләде.
Гала-концерт барышында Татарстан Республикасы Сәнәгать һәм сәүдә министры урынбасары Гөлнара Әхмәдиева “Эшче яшьләр иҗаты”ның Республика телевизион бәйгесенең зона этабы җиңүчеләре һәм лауреатларына дипломнар һәм махсус жюри бүләкләре тапшырды.
Гөлнара Әхмәдиева әйтүенчә, “Эшче яшьләр иҗаты”ның Республика телевизион фестивале Татарстан Республикасы Президенты ярдәме белән Татарстан Республикасы Сәнәгать һәм сәүдә министрлыгы тарафыннанан оештырыла. Фестивальнең төп максатлары – җитештерүдә эшләүче яшьләрнең профессиональ үсеше өчен шартлар булдыру, эшче һәм инженерлык белгечлекләренең абруен арттыру, Татарстан Республикасы оешмаларында һәм предприятиеләрендә яшьләрнең иҗатын үстерү”.
Искәртеп китәбез, фестивальнең зона этаплары Татарстан Республикасының Түбән Кама, Әлмәт, Зеленодольск шәһәрләрендә 14 ноябрьдән 1 декабрьгә кадәр уздырылды.
Финал 10–13 декабрьдә Казанда узачак. Җиңүчеләрнең Гала–конерты 14 декабрьдә “Пирамида” мәдәният-күңел ачу комплексында узачак һәм «ТНВ», «ТНВ-Планета» телеканалларыннан күрсәтеләчәк.
Фестиваль лауреатларына дипломнар, кыйммәтле бүләкләр, премияләр биреләчәк. Гран При яулаган җиңүчегә Татарстан Республикасы Президентының күчмә Кубыгы һәм 100 мең сумлык сертификат биреләчәк.
Фестивальне оештыруда Татарстан Республикасы Сәүдә һәм сәнәгать министрлыгы, ТР Яшьләр эшләре, спорт һәм туризм министрлыгы, ТР Мәгариф һәм фән министрлыгы, ТР Мәдәният министрлыгы, ТР муниципаль берәмлекләр Советы, ТР профсоюзлар федерациясе, ТР “Татмедиа” массакүләм коммуникация һәм матбугат агентлыгы, “ТР предприятиеләр һәм эшмәкәрләр ассоциациясе”, “Татарстан –яңа гасыр” телерадиокомпаниясе дә катнаша.