Татарстан делегациясенең Азәрбайҗан Республикасына визиты булды

2013 елның 3–4 декабрендә Татарстан Республикасы Премьер-министры урынбасары - Татарстан Республикасы Сәнәгать һәм сәүдә министры Равил Зарипов житәкчелегендәге Татарстан делегациясе Азәрбайҗан Республикасында булды.
Делегация составында – “КАМАЗ” тышкы сәүдә компаниясе” ЯАҖ, “Горький исем. суднотөзү заводы” ААҖ, “Серго исем.завод” җитештерү берләшмәсе” ААҖ, “Казан вертолет заводы” ААҖ, “ЕлАЗ” җитештерү берләшмәсе” ААҖ, «Татнефтехиминвест-холдинг» ААҖ предприятиеләре җитәкчеләре һәм Татарстан Республикасы Сәнәгать һәм сәүдә министрлыгы вәкилләре бар иде.
3 декабрьдә Азәрбайҗан Республикасына визит кысаларында Татарстан Республикасы Премьер-министры урынбасары - Татарстан Республикасы Сәнәгать һәм сәүдә министры Равил Зариповның Азәрбайҗан Республикасының беренче вице–премьеры Ягүб Әюбов, Азәрбайҗан Республикасы икътисад һәм сәнәгать министры Шахин Мостафаев, гадәттән тыш эшләр министры Камалетдин Гейдаров, Дәүләт Нефть Компаниясе президенты Ровган Абдуллаев белән очрашулар булып узды.
4 декабрьдә Равил Зарипов Азәрбайҗан Республикасы энергетика министры Натик Алиев, Азәрбайҗан Республикасы транспорт министры урынбасары Муса Панахов белән очрашты. Очрашулар кысаларында ике яклы хезмәттәшлек итү турындагы мәсьәләләр каралды.
Визит кысаларында Татарстан Республикасы һәм Азәрбайҗан Республикасы катнашында оештырылган бизнес – форумда Татарстанның сәнәгать потенциалы презентацияләнде.
Азәрбайҗан Республикасында Татарстан һәм Азәрбайҗан эшлекле даирәләренең адреслы очрашулар узды, шул исәптән, Татарстан вәкилләре «Азеркимия» сәнәгать оешмасы, «AZAL» Азәрбайҗан авиалиниясе, «Azersu» Азәрбайҗан Республикасының су хуҗылыгы, “Global Energy Azerbaijan”, “Bahar Energy Operating Company” һәм башкалар белән очраштылар.
Татарстан Республикасы делегациясе вәкилләре Сангачаль нефть терминалы һәм Сумгаит технологик паркы белән танышты.
Мәгълүмат өчен:
2013 елның гыйнвар–сентябрь айларында Татарстан Республикасы белән Азәрбайҗан Республикасы арасындагы үзара тышкы сәүдә әйләнеше 160,5 млн. долл., шул исәптән, экспорт күләме – 155,1 млн. долл., импорт –5,4 млн. долл. тәшкил итте.