“Икътисади һәм социаль тикшеренүләр үзәге"нә - 20 ел

2013 елның 4 декабрендә Татарстан Республикасы Сәнәгать һәм сәүдә министрлыгы Татарстан Республикасы Министрлар Кабинеты каршындагы “Икътисади һәм социаль тикшеренүләр үзәге" оешуына 20 ел тулуы белән оешма җитәкчеләрен һәм коллективын тәбрик итте. Татарстан Республикасы Сәнәгать һәм сәүдә министры урынбасары Гөлнара Әхмәдиева “Икътисади һәм социаль тикшеренүләр үзәге" коллективы җитәкчесенә Алевтина Кудрявцевага Татарстан Республикасы Премьер-министры урынбасары - Татарстан Республикасы Сәнәгать һәм сәүдә министры Равил Зариповның Рәхмәт хатын тапшырды.
Татарстан Республикасы Сәнәгать һәм сәүдә министры урынбасары Гөлнара Әхмәдиева ассызыклавынча, Россиянең авыр социаль – икътисади шартларда оешкан “Икътисади һәм социаль тикшеренүләр үзәге" 20 еллык эшчәнлеге дәверендә уңышларга ирешеп, илнең башка фәнни үзәкләр арасында лаеклы урын алды.
Бүгенге көндә “Икътисади һәм социаль тикшеренүләр үзәге" Россиянең әйдәп баручы аналитик үзәкләренең берсе. Әлеге оешма материаллары һәм мәгълүматлары Россия Федерациясенең төрле субъектларының фәнни үзәкләренә таныш. “Ирешкән нәтиҗәләр һәм җәмәгатьчелек тарафыннан оешманы тану – һичшиксез, әлеге үзәк хезмәткәрләренең абруйлы эшчәнлек күрсәткече”, - дип ассызыклады министр урынбасары.
Гөлнара Әхмәдиева үзәк җитәкчесе Алевтина Кудрявцевага һәм аның коллективына рәхмәт сүзләрен җиткерде, уңышлар һәм иминлек теләде.