ЯҢАЛЫКЛАР

2014 елның 2 апрелендә Татарстан Республикасы Дәүләт Советы Рәисе Фәрит Мөхәммәтшин, Татарстан Республикасы Премьер–министр урынбасары– Татарстан Республикасы сәнәгать һәм сәүдә министры Равил Зарипов Ульяновскида узган авиация сәнәгатен үстерү перспективаларына багышланган Россиянең Бөтендөнья сәүдә оешмасында һәм Таможня союзында катнашуын мониторинглау буенча Федерация Советының вакытлы комиссиясенең киңәйтелгән утырышында катнаштылар.
Утырышта катнашучылар авиация сәнәгатенә дәүләт ярдәме һәм үсеше, тармакның конкурентлылык сәләтен үстерү мәсьәләләре турында фикер алыштылар, «Авиастар-СП» заводы – заманча самолет төзү предприятиесе белән таныштылар.
Утырышны Федерация Советы рәисе урынбасары, Россиянең Бөтендөнья сәүдә оешмасында һәм Таможня союзында катнашуын мониторинглау буенча Федерация Советының вакытлы комиссиясе рәисе Ильяс Умаханов уздырды. Чарада Россия Федерациясе субъектларының башкарма һәм закон чыгару органнары җитәкчеләре, профильле Россия министрлыклары, дәүләт корпорацияләре һәм авиация заводлары, фәнни һәм иҗтимагый оешма вәкилләре катнашты.
Ульяновскидагы чара – вакытлы комиссиянең дүртенче күчмә утырышы. Алдагысы агросәнәгать комплексы эшчәнлегенә, җиңел һәм авиация–космос сәнәгатенә һәм Бөтендөнья Сәүдә оешмасы шартларында кадрлар әзерләү мәсьәләләренә багышланган иде.

2014 елның 1 апрелендә Мәскәүдә “Манеж”да Россия Федерациясе сәнәгать һәм сәүдә министры Денис Мантуров катнашында “Мәктәп формасы” түгәрәк өстәле узды.
Түгәрәк өстәл эшендә Татарстан Республикасы Сәнәгать һәм сәүдә министрлыгының, Башкарма хакимият региональ органнары, Россиянең җиңел сәнәгать предприятиеләре, мәктәп формасын җитештерүче Милли союзы вәкилләре катнашты. Очрашу кысаларында Россиядә мәктәп формасын кертү мәсьәләләренә кагылышлы тәкъдимнәр ясалды.
Шул исәптән, Россия Федерациясе Сәнәгать һәм сәүдә министрлыгы мәктәп формасын зарури рәвештә кертњ ягында џәм мәгариф турындагы Законга үзгәрешләр кертеп, “мәктәп формасы” төшенчәсен кертергә тәкъдим итә. Федераль министрлыкның вәкилләре уйлавынча, бу үзгәреш мәктәп формасын җитештерүдә аның сыйфатына, тукымалар составына һәм фасонга таләпләр билгеләнгән махсус техник регламент булдырырга ярдәм итәчәк.
Шулай ук мәктәп формасына бәяләрне җайга китерер өчен, киемне җитештерү стадиясендә (җитештерүченең керемен комплектның фактик үзбәясеннән чыгып фиксацияләү өчен) һәм сату стадиясендә (җитештерүче бәясенә өстәмә бәя куйдырмау) билгеләү өчен норматив механизм булдырырга тәкъдим ителә. Җитештерүчеләргә ярдәм итү йөзеннән, мәктәп формасын тегүче эшмәкәрләргә чыгымнарны субсидияләү һәм льготалы салым түләү вариантлары кертү карала.
Мәктәп формалары комплектлары вариантларының сыйфат характеристикалары һәм якынча күрсәтелгән бәяләре белән Бөтенроссия мәгълүмат ресурсын булдыру планлаштырыла.
Мәктәптә укучы коллекцияләре Көне кысаларында кече, урта һәм югары сыйныф укучылары өчен мәктәп формасы модельләре күрсәтелде.

2014 елның 28 мартында Татарстан Республикасы Cәнәгать һәм сәүдә министрлыгында Татарстан Республикасы Премьер–министр урынбасары – Татарстан Республикасы сәнәгать һәм сәүдә министры Равил Зарипов җитәкчелегендә Татарстан Республикасының Россия Федерациясе субъектларындагы һәм чит дәүләтләре территорияләрендәге вәкиллекләре белән видеоконференция режимында киңәшмә узды.
Киңәшмә барышында Татарстан Республикасы вәкиллекләр эшчәнлеге каралды, перспектив бурычлар куелды.
Каралган мәсәьләләр арасында:
• www.tatarstan.ru республиканың рәсми порталында Татарстан Республикасы вәкиллекләренең сайтларын булдыру һәм аларны актуальләштерү;
• Татарстан Республикасы вәкиллекләре булган регионнарның һәм илләрнең Татарстан Республикасына делегацияләрнең эшче визитларын әзерләү һәм уздыру;
•Татарстан Республикасы өчен өстенлекле инвестиция проектлары үтәлешен тәэмин итү;
• ике яклы эш төркемнәре төзелгән Россия регионнарында, якын һәм ерак чит илләр белән багланышларны үстерү;
• милләттәшләр белән эшләү.

2014 елның 28 мартында Татарстан Республикасы Президенты Рөстәм Миңнеханов җитәкчелегендә Татарстан Республикасы Министрлар Кабинеты каршындагы Икътисадый совет утырышы узды.
Утырышта Татарстан Республикасы Премьер-министры Илдар Халиков, Татарстан Республикасы Премьер–министр урынбасары – Татарстан Республикасы сәнәгать һәм сәүдә министры Равил Зарипов, республиканың министрлыклар һәм ведомстволар җитәкчеләре катнашты. Икътисадый советта катнашучылар 2014 – 2016 елларга Татарстанда кече һәм урта эшкуарлыкны үстерүнең “юл картасын” карадылар.
Рөстәм Миңнеханов ассызыклаганча, бүген республикада кече һәм урта эшкуарлык – 140 меңнән артык хуҗалык итүче субъект, монда 500 меңләп кеше эшли. Шул ук вакытта кече һәм урта эшкуарлыкның ҖРПтагы өлеше барысы 25%. 2015 елда республикада җыелма региональ продукттагы өлеше 34%ка җитәргә тиеш, диде республика җитәкчесе.
Энергетика өлкәсендә эшмәкәрлек климатын яхшырту чаралары турында Татарстан Республикасы Премьер–министр урынбасары – Татарстан Республикасы сәнәгать һәм сәүдә министры Равиль Зарипов чыгыш ясады.

2014 елның 27 мартында Татарстан Республикасы сәнәгать һәм сәүдә министрлыгында Татарстан Республикасы Премьер–министр урынбасары –Татарстан Республикасы сәнәгать һәм сәүдә министры Равил Зарипов Тюрингия җиренең Икътисадый үсеш агентлыгы генераль директоры Андреас Край рәислегендәге Тюрингия эшлекле даирәләре делегациясе белән очрашты.
Очрашуда Татарстанның алдынгы машина төзелеше предприятиеләре, Казан милли тикшеренү техник университеты-КАИ һәм Татарстан Республикасы Сәнәгать һәм сәүдә министрлыгының структур бүлекләре җитәкчеләре катнашты.
Татарстан Республикасы Премьер–министр урынбасары– Татарстан Республикасы сәнәгать һәм сәүдә министры Равил Зарипов ассызыклаганча, Германия Татарстан Республикасының төп сәүдә-икътисадый партнерларының берсе. 2013 елда Татарстан һәм Германия арасында товар әйләнеше 1,6 млрд. доллар тәшкил иткән.
Равил Зарипов Татарстан Республикасының Тюрингия белән хезмәттәшлек итү торышының бүгенге халәте һәм перспектив юнәлешләре турында сөйләде.
Искәртеп үтәбез, 2013 елның 17 октябрендә Татарстан Республикасы делегациясенең Германиягә сәфәре кысаларында Татарстан Республикасы Президенты Рөстәм Миңнеханов Тюрингия премьер-министры Кристина Либеркнехт белән очрашты. Шулай ук Татарстан Республикасы вәкилләре “Тюрингия Татарстанны каршылый” икътисадый форумында катнаштылар.
Тюрингиягә эш сәфәре кысаларында Татарстан делегациясе RUAG Aerospace компаниясе вәкилләре белән очрашты. Ильменау техник университеты белән Казан милли тикшренү техник университеты арасында хезмәттәшлек итү турында Килешү имзаланды.
Татарстан Республикасы сәнәгать һәм сәүдә министрлыгында узган очрашу кысаларында Равил Зарипов ассызыклап узганча, бүгенге көндә Тюрингия белән Татарстан Республикасы арасында хезмәттәшлек итү тотрыклы рәвештә үсә. Хәзерге вакытта Тюрингия Федераль җиренең премьер-министры Кристина Либеркнехт җитәкчелегендәге Тюрингиянең эшлекле даирәләр делегациясенең Татарстан Республикасына булачак визитына әзерлек эшләре бара.
Тюрингиянең Икътисадый үсеш агентлыгы генераль директоры Андреас Край делегациянең вәкилләре белән таныштырды. Тюрингия делегациясе составында – автокомпонентлар җитештерүче Германиянең 10 компания вәкилләре. Ул билгеләп үткәнчә, эш сәфәре кысаларында медицина өлкәсендәге уртак проектлар турында да сөйләшенәчәк.
Очрашу кысаларында Татарстан белән Тюрингия арасындагы киләчәк хезмәттәшлек итү мәсьәләләре каралды.
Татарстан Республикасына сәфәре барышында Тюрингия делегациясе “Казанькомпрессормаш” ААҖ, “КАИ-Лазер” төбәк инжиниринг үзәгендә, Казан вертолет заводында, “КАМАЗ” ААҖ, “ЕлАЗ”, “Форд Соллерс Алабуга” ҖЧҖ, "КИП “Мастер” ААҖд булачак.

2014 елның 27 мартында Татарстан Республикасы Премьер–министр урынбасары –Татарстан Республикасы сәнәгать һәм сәүдә министры Равил Зарипов Татарстан Республикасы Президенты Рөстәм Миңнеханов «Швабе» ААҖ генераль директоры Сергей Максин белән инновацион инжиниринг үзәген – «Смарт Сити Казан» мәйданчыгында «Швабе» ААҖ фән шәһәрчеген оештыру проекты турында фикер алыштылар.
Беренче мәртәбә оптик-электрон инжиниринг үзәге – фәнни шәһәрчек төзү проекты Россия Федерациясе Хөкүмәте каршындагы Хәрби-сәнәгать комиссиясенең Россия Федерациясе Хөкүмәте Рәисе урынбасары Дмитрий Рогозин катнашында узган күчмә утырышы кысаларында Казанда 2013 елда тәкъдим ителгән иде.
Төзелә торган фәнни шәһәрчекнең төп бурычы – конкуренциягә чыдам заманча җылылык визион каналларын, оптик-электрон модульләрне һәм «Швабе» ААҖ предприятиеләренең тотрыклы финанс хәлен тәэмин итәрлек һәм аларның киләчәк үсеше өчен шартлар тудырырлык оптик һәм оптик-электрон системалар өчен шулар нигезендә приборлар эшләүне тәэмин итү.
Очрашу барышында Татарстан Республикасы Президенты Рөстәм Миңнеханов барында фәнни-техник, җитештерү һәм сәнәгать өлкәләрендә үзара хезмәттәшлек итү турында Казан (Идел буе) федераль университеты белән «Швабе» ААҖ арасындагы килешүгә имза куелды.

2014 елның 27 мартында Татарстан Республикасы Премьер–министр урынбасары – Татарстан Республикасы сәнәгать һәм сәүдә министры Равил Зарипов Татарстан Республикасы Президенты Рөстәм Миңнехановның «Maire Technimont» Италия компанияләре төркеме директорлар Советы рәисе Фабрицио Ди Амато белән булган очрашуда катнашты.
Очрашуда Татарстан Республикасы Президентының халыкара мәсьәләләр буенча ярдәмчесе Радик Гыйматдинов, “Татнефть” ААҖ генераль директоры Наил Маганов, «Татнефтехиминвест-холдинг» ААҖ генераль директоры Рафинат Яруллин, «Нижнекамскнефтехим» ААҖ директорлар советы рәисе Владимир Бусыгин катнашты.

2014 елның 25 мартында Россия Федерациясе Хөкүмәте Рәисе Дмитрий Медведев Казанда  эш сәфәре кысаларында гражданлык авиациясе өчен агрегатлар эшләп чыгару буенча  «КАПО-Композит» ЯАҖ  заводында һәм “КАИ-лазер” төбәк сәнәгать лазеры технологияләре инжиниринг үзәгендә булды.

Делегация составында – Россия Федерациясе  Президентының Идел буе федераль округындагы тулы вәкаләтле вәкиле Михаил Бабич, Россия Федерациясе  Хөкүмәте вице-премьеры Аркадий Дворкович, Татарстан Республикасы Президенты Рөстәм Миңнеханов, Татарстан Республикасы Премьер–министр урынбасары – Татарстан Республикасы сәнәгать һәм сәүдә министры Равил Зарипов,  Берләшкән авиатөзелеш корпорациясе президенты Михаил Погосян һәм башка рәсми затлар. 

Дмитрий Медведев җитештерүнең төп этаплары белән танышты. Завод төзелешенә һәм аны җиһазлар белән тәэмин итүгә инвестицияләрнең күләме якынча 3,5 млрд. сум булган. «КАПО-Композит» ЯАҖ Россия һәм чит ил очкычларына композит материаллардан агрегатлар җитештерәчәк. Россия Федерациясе Хөкүмәте башлыгы шулай ук җитештерүне әзерләүче һәм авиатехниканы җитештерүче Татарстан Республикасы предприятиеләренең күргәзмәләре белән танышты.

Дмитрий Медведев “КАИ–Лазер” үзәгенә дә барды. Бу проектка сарыф ителгән инвестицияләр күләме 440 млн. сум, шуларның 40 проценты – Татарстан Республикасы бюджетыннан, калганы - Россия Федерациясе бюджеты акчасы. 1000 квадрат метр биләгән әлеге  мәйданчыкта  заманча лазер технологияләр һәм җиһазлар тупланган. Әлеге үзәк кече һәм урта эшмәкәрлек җитештерү  предприятиеләренә заманча лазер технологияләре кертү юлы белән ярдәм итә ала.

“КАИ-лазер” төбәк сәнәгать лазеры технологияләре инжиниринг үзәгендә булу кысаларында, Россия Федерациясе Хөкүмәте башлыгы Дмитрий Медведев “КАИ–паркы”н үстерү планнары белән танышты. Агымдагы елның 1 сентябрендә Германия–Россия яңа технологияләр институтының ачылышы көтелә. Дмитрий Медведевны  шулай ук Казан милли тикшеренү техник университеты – КАИ уйлап тапкан технологияләр һәм кече инновацион предприятиеләр белән таныштырдылар.

2014 елның 25 мартында Татарстан Республикасы Премьер–министр урынбасары– Татарстан Республикасы сәнәгать һәм сәүдә министры Равил Зарипов Татарстан Республикасы Министрлар Кабинетында инновацион территориаль кластерлар үсеше  мәсьәләсе буенча  киңәшмәдә катнашты.

Киңәшмәдә Россия Федерациясе Хөкүмәте вице-премьеры Аркадий Дворкович, Татарстан Республикасы Президенты Рөстәм Миңнеханов, Россия Федерациясе икътисадый үсеш министры урынбасары – статс-секретарь Олег Фомичев, Россия Федерациясе  финанслар министры урынбасары Андрей Иванов, Россия Федерациясе сәнәгать һәм сәүдә министрының беренче урынбасары Глеб Никитин, Россия Федерациясе мәгариф һәм фән министры урынбасары Александр Повалко, Россия инновацион төбәкләр ассоциациясе вәкилләре катнашты.

Россия Федерациясе Хөкүмәте вице-премьеры Аркадий Дворкович әйтүенчә, “территориаль концентрацияләнгән структураларны оештыру буенча  Татарстанның  уңай тәҗрибәсе  бар. Андый урыннарда фәнни тикшеренүләр һәм  тәҗрибә – конструктор  эшләнмәләр белән шөгыльләнүче сәнәгать предприятиеләре һәм компанияләре  урнашкан. Алар сынаулар үткәрү  һәм прототиплар эшләп чыгару белән шөгыльләнәләр. Бу тәҗрибә практик нәтиҗәләр бирә”. Мисал итеп, ул “Химград”ны китерде.

Инновацион төбәкләр Ассоциациясе рәисе буларак чыгыш ясаган Татарстан Республикасы Президенты Рөстәм Миңнеханов,  ил һәм регионнар өчен мөһим булган ике юнәлеш турында әйтте: инжиниринг үзәкләр һәм мәгариф. Республика башлыгы ассызыклавынча, инновацион төбәкләр Ассоциациясендә булган һәр регионның үсеш нокталары бар, һәм кулай шартларда алар ярдәмендә регионнарның үсеш мөмкинчелеге артачак. Татарстанда, мәсәлән, эре нефть химия кластеры бар, диде Татарстан Республикасы Президенты.

Россия Федерациясе  икътисадый үсеш министры урынбасары – статс-секретарь Олег Фомичев чыгышында территориаль инновацион кластерлар үсеше мәсьәләсендә  булган регионнарның проблемаларына игътибар итте.  

2014 елның 24 мартында Зеленодольскида А.М.Горький исемендәге заводта “Ел инженеры –2014 ” XIV Бөтенроссия бәйгесе лауреатларын һәм Татарстан Республикасы уйлап табучылар һәм рационализаторлар җәмгыятенең аерымлык билгеләре белән бүләкләнгән хезмәткәрләрне хөрмәтләү чарасы узды.
Тантаналы чарада Россия герое, вице–адмирал Виктор Буриличев, Татарстан Республикасы сәнәгать һәм сәүдә министры урынбасары Илдар Мингалеев, Зеленодольск муниципаль районының башлыгы Александр Тыгин, „Ак Барс“ Холдинг компаниясе” ААҖ генераль директоры Иван Егоров, А.М.Горький исемендәге заводының генераль директоры Ренат Мистахов, завод хезмәткәрләре, Зеленодольск шәһәре студентлары һәм укучылары катнашты.