А.М.Горький исемендәге Зеленодольск заводы инженерларын хөрмәтләү чарасы узды

2014 елның 24 мартында Зеленодольскида А.М.Горький исемендәге заводта “Ел инженеры –2014 ” XIV Бөтенроссия бәйгесе лауреатларын һәм Татарстан Республикасы уйлап табучылар һәм рационализаторлар җәмгыятенең аерымлык билгеләре белән бүләкләнгән хезмәткәрләрне хөрмәтләү чарасы узды.
Тантаналы чарада Россия герое, вице–адмирал Виктор Буриличев, Татарстан Республикасы сәнәгать һәм сәүдә министры урынбасары Илдар Мингалеев, Зеленодольск муниципаль районының башлыгы Александр Тыгин, „Ак Барс“ Холдинг компаниясе” ААҖ генераль директоры Иван Егоров, А.М.Горький исемендәге заводының генераль директоры Ренат Мистахов, завод хезмәткәрләре, Зеленодольск шәһәре студентлары һәм укучылары катнашты.
“Ел инженеры” бәйгесе ел саен фәнни һәм инженерлык Россия иҗтимагый Берләшмәсе, фәнни һәм инженерлык Халыкара иҗтимагый Берләшмәсе, А.М.Прохоров исем. инженер фәннәре Академиясе, фәнни–техник прогресска ярдәм күрсәтү регионара иҗтимагый Фонд тарафыннан үткәрелә.
Бәйгедә төрле милек формасында булган предприятиеләрдә профессиональ казанышларга ирешкән фәнни–инженерлык эшчәнлеге белән шөгыльләнүче белгечләр катнашты. Әлеге бәйге ике вариантта уздырыла: “Яшьләрнең инженерлык сәнгате” – 30 яшькә кадәр булган белгечләр өчен һәм “Профессиональ инженерлар” бәйгесе – эш стажы 5 елдан да ким булмаган белгечләр өчен.
Зеленодольскиның судотөзелеш заводынң иң яхшы инженерлары әлеге бәйгедә ел саен катнашып, югары нәтиҗәләргә ирешәләр.
2013 ел нәтиҗәләре буенча Татарстан предприятиесенең өч белгече “Судотөзелеш” һәм “Машина төзелеше” номинацияләрендә “Профессиональ инженерлар” исемен, ә ике белгеч “Машина төзелеше “ һәм “Нефть һәм газ сәнәгате” номинацияләрендәге “Яшьләрнең инженерлык сәнгате” бәйгесендә җиңү яуладылар.
Татарстан Республикасы Премер–министр урынбасары– Татарстан Республикасы сәнәгать һәм сәүдә министры Равил Зарипов ассызыклаганча, “”Ел инженеры” бәйгесе ил күләмендә инженерлык берләшмәсе тарафыннан танылган, регионнар җитәкчеләре, Россия Федерациясе һәм Татарстан Республикасы Хөкүмәте тарафыннан хуплана. Әлеге бәйге профессиональ инженерларны эзләп табып, инженерлык эшчәнлеге өлкәсендәге казанышларны пропагандалауга, инженерлык һөнәрләрен популярлаштыруга ярдәм итә“.
Равил Зарипов сүзләренә караганда, “Ел инженеры –2014 ” XIV Бөтенроссия бәйгесе лауреатлары исемен яулаган А.М.Горький исем. Зеленодольск заводы инженерларының уңышлары, завод белгечләренең югары дәрәҗәле хезмәткәрләр, предприятиенең фәнни һәм техник яктан зур потенциалы булуын раслый”.
Тантаналы чара кысаларында завод коллективына Кубок, республика бәйгесендә җиңгән белгечләргә дипломнар тапшыру узды, шулай ук уңышларга ирешкән завод хезмәткәрләре “Татарстан Республикасы уйлап табучылык һәм рационализаторлык Отличнигы” хөрмәтләү билгесе белән бүләкләнде.