ЯҢАЛЫКЛАР

Бүген «Россия – Ислам дөньясы: KazanSummit 2017» IX Халыкара икътисади саммиты мәйданчыкларында Сбербанкның эшлекле иртәнге ашы узды. Чарада Татарстан Республикасы Премьер-министры урынбасары - сәнәгать һәм сәүдә министры Альберт Кәримов катнашты.

         Әнгәмәнең темасы Россиядәге партнерлык финанслауны үстерү мәсьәләләренә багышланды.

         Татарстан Республикасы Президенты җыелган кунаклар алдында чыгыш ясаганда Россиядә ислам банкингын гамәлгә кертү өчен кадрлар әзерләүгә һәм гамәлдәге законнар өстендә эшләүгә аеруча игътибар бирү  кирәклеге турында әйтеп узды. Рөстәм Миңнеханов бу өлкәдәге мәсьәләләр «Россия – Ислам дөньясы» стратегик күрү төркеме эшчәнлеге кысаларында хәл ителә дип өстәде. «Россия Федерациясе Президенты Владимир Путин 2014 елда миңа әлеге төркемне җитәкләүне йөкләде. Без Мәскәүдә, Казанда нәтиҗәле очрашулар оештырдык, берничә көн элек Грозный шәһәрендә утырыш булып узды», - диде Рөстәм Миңнеханов.

         Россия Банкы рәисе урынбасары Алексей Симановский үз чиратында Россиядә ислам банкингын гамәлдәге кануннар нигезендә үстерергә тәкъдим итте.

«Татар-информ» мәгълүмат агентлыгы хәбәрләре нигезендә.

Бүген «Россия – Ислам дөньясы: KazanSummit 2017» IX Халыкара икътисади саммиты кысаларында  «RUSSIA HALAL EXPO» хәләл индустриясенең беренче күргәзмәсе узды. Күргәзмә «Корстон» кунакханә сәүдә-күңел ачу комплексы территориясендә оештырылды.

         Татарстан Республикасы Президенты Рөстәм Миңнеханов күргәзмәдә тәкъдим ителгән хәләл товарлар белән танышты. Республика Башлыгы белән бергә Татарстан Республикасы Премьер-министры урынбасары - сәнәгать һәм сәүдә министры Альберт Кәримов та булды.

         Күргәзмә белән танышу алдыннан Татарстан Республикасы Мөселманнарның Диния Нәзарәте рәисе Камиль Сәмигуллин Татарстан Республикасы Президентына республикадагы хәләл базарының үсеше, тиешле товарлар җитештерүче оешмаларның эшчәнлеге һәм тәкъдим ителәчәк продукция төрлелеген һәм хезмәт күрсәтүне арттыру буенча киләчәктәге планнар турында кыскача мәгълүмат бирде.

         Күргәзмәдә Россиянең Татарстан, Мәскәү, Удмуртия, Самара өлкәсе, Чиләбе өлкәсе, Ямало-Ненец автономияле округы кебек һәм башка  төрле почмакларыннан – 50 гә якын җитештерү оешмалары катнашты. Шулай ук чит ил делегатлары да бар, аерым алганда, Төркия компанияләре.

         Азык-төлек продуктларыннан тыш, күргәзмәдә кием, төрле бизәнү әйберләре, хәләл косметика, балалар уенчыклары да тәкъдим ителгән. Аерым стендлар туризм һәм медицина темаларына багышланган.

Татарстан Республикасы Президенты матбугат хезмәте белешмәләре буенча.

Россия Федерациясе Мәгълүмат һәм массакүләм коммуникацияләр министрлыгы хәбәр итүенчә футбол җанатарларын тәңгәлләштерү системасы һәм моның бер өлеше булган җанатарлар паспорты «Рубин» — ЦСКА матчында уңышлы рәвештә сыналды. Матч тест сыйфатында билгеләнде һәм 2017 елның 17 маенда Казанда узды.

         Барлык тамашачылар да җанатарлар паспортын алдылар. Системаны сынауда сәнәгатьнең 27 оешмасының 2500 хезмәткәре катнашты: «КМПО» акционерлык җәмгыяте, «Элекон» заводы,  «КОМЗ» акционерлык җәмгыяте, «Казаньоргсинтез» гавәми акционерлык җәмгыяте, «Татэнерго» акционерлык җәмгыяте, «Татэнергосбыт» акционерлык җәмгыяте, «Казанский вертолетный завод» гавәми акционерлык җәмгыяте, «Казанский Гипронииавиапром» акционерлык җәмгыяте, «Сетевая компания» ачык акционерлык җәмгыяте, «Казанькомпрессормаш» ачык акционерлык җәмгыяте, «Татспиртпром» акционерлык җәмгыяте, «ГАЗПРОМ ТРАНСГАЗ КАЗАНЬ» чикләнгән җаваплылыктагы җәмгыяте,  «Татхимфармпрепараты» акционерлык җәмгыяте, «Зеленодольский завод им.А.М.ГОРЬКОГО» акционерлык җәмгыяте, «Радиоприбор» акционерлык җәмгыяте, «КВАРТ» ябык акционерлык җәмгыяте, «Электроприбор» Казан заводы», «Завод им.Серго» акционерлык җәмгыяте, һәм шулай ук министрлыкның хезмәткәрләре һәм башкалар. Алга таба бу паспортларны җанатарлар 2017 елда FIFA конфедерациясе Кубогында куллана алачаклар. Матч билетлары белән бергә паспортлар тамашачыларга стадионга уңайлы рәвештә һәм тиз керүне тәэмин итәчәкләр.

            Матчка билет алганнан соң һәр тамашачы карта алачак. Моның өчен http://www.fan-id.ru/   сайтында анкета тутырырга кирәк яки җанатарларны теркәү һәм паспорт бирү үзәгендә теркәлергә кирәк.

Алга таба мондый үзәктә FAN ID алу мөмкинлеге дә булачак.

            Чит ил тамашачыларына һәм гражданлыклары булмаган затларга FAN ID РФ территорисенә визасыз керү мөмкинлеген бирәчәк.

         Тулырак мәгълүмат белән http://minsvyaz.ru/ru/events/36899/  сайтында танышырга мөмкин.

"Татнефть" компаниясе нефть эшкәртүче "ТАНЕКО" АҖ заводының пландагы капиталь ремонтын тәмамлады. Ремонт эшләре технологик җайланмаларда 15 апрельдән 14 майга кадәр үтте. 15 майдан алып барлык "ТАНЕКО" производстволарында проектлы технология режимына чыгару өчен эшләтеп җибәрү һәм җайлау эшләре башкарыла.

Бу мәсьәләне тәмамлау ремонт эшләргә "Татнефть" АҖ һәм "ТАНЕКО" АҖ подряд оешмалары җитәкчелеге һәм хезмәткәрләренең җентекле әзерлеге һәм дә профессиональ эшләве аркасында ирешү мөмкин булды.

Ремонт чорында чараларның тулы комплексы башкарылды: "ТАНЕКО" АҖ нефть продуктлары агучы тимер юл эстакадасын техник яктан яңадан коралландыру башкарылды, гомумән алганда, капиталь ремонтта подряд оешмалардан 1539 хезмәткәр катнашты. Эш тәүлек буена оештырылды. Аерым игътибар сәнәгать, янгын һәм экология куркынычсызлыгына бирелде.

Предприятиенең планында ремонт аралыгын биш ел саен уздыруны  калдыру.

Җитештерү тулысынча туктап торуга карамастан барлык "Татнефть" АЗСлары "ТАНЕКО" АҖ тарафыннан җитештерелгән сыйфатлы дизель ягулыгы, аэропорт – авиакеросин белән тәэмин ителде.

"КАМАЗ" ҖАҖ "ГАЗПРОМ" бүлекчәләренә тапшыру өчен сыекландырылган табигый газ белән йөрүче автомобильләрнең беренче партиясен заводта сынау эшләрен тәмамлый. 

Бәяләрне чагыштырганда кысылган табигый газ белән йөрүче йөк машиналары алдында яңа партия автомобильләре көндәшлегенең төп өстенлеге -күләм һәм баклар санында.  Беренчеләренең ул берәү генә булып һәм 700 километрга җитсә, кысылган газ белән йөрүчеләрнең шул ук чакрымнарда 13 баллон тутыру зарури.  Бу машинаны сизелерлек авырайта һәм өстәмә озынча рама куюны таләп итә, чөнки кузов белән бергә баллоннарны да сыйдыруны таләп итә.

Тәҗрибә эксплуатациягә  КАМАЗ-65117-37 һәм КАМАЗ-65116-37 җибәреләчәк. Бу ике йөк машинасы Россиядә беренчеләрдән сертификация үтте.

18 май көнне "А.М.Горький исемендәге Яшел Үзән заводы" каршында оештырылган "Дельфин" Яхт - клубында кече навигациянең җәйге сезонын ачу тантанасы узды.

Югары дәрәҗәле кунакларны чакырып сезонны тантаналы ачу яхт - клубның күркәм традициясенә әверелде. Яшь диңгезчеләрне ТР Премьер-министры урынбасары – Татарстан Республикасы сәнәгать һәм сәүдә министры Альберт Кәримов, "АК Барс" АҖ Холдинг компаниясе гомуми мәсьәләләр буенча генераль директоры урынбасары Елена Алешина, Яшел Үзән муниципаль районы Башкарма комитеты җитәкчесенең беренче урынбасары Александр Старостин, "А.М.Горький исемендәге Яшел Үзән заводы" АҖ генераль директоры Ренат Мистахов, заводның профсоюз оешмасы рәисе Михаил Подгорнов һ. б. сәламләделәр.

Катнашучыларны сәламләп, Ренат Мистахов балалар һәм укытучыларны кече навигациянең җәйге сезоны ачылышы белән котлады һәм шәһәрдә җилкән спортына кызыксыну барлыгын, елдан-ел тәрбияләнүчеләр саны арта гына баруын ассызыклады. Балалар бик теләп шөгыльләнә һәм завод яхт-клубка рәхштләнеп ярдәм итә, диде ул.

Җилкән спорты республикада гына түгел, ә гомумән илдә дә популярлык казана. Берничә ел элек Яшел Үзән заводы яхт - клуб оештыру тәкъдиме белән чыккан иде һәм Татарстан Хөкүмәте моны рәхәтләнеп раслады, шуннан бирле без бу яхт - клубның казанышларына сөенәбез, җилкән спортының ни кадәр файдалы һәм кирәкле булуын Яшел Үзән заводы үзе үк раслый диде, министр Альберт Кәримов.

 Тантана яхт-клуб үсешенә зур өлеш керткән хезмәткәрләрне бүләкләү, республика һәм регион ярышларында призлы урыннар яулаган спортчыларны билгеләү белән тәмамланды. Балаларга һәм коллективка дипломнар, рәхмәт хатлары, спорт товарлары алу өчен сертификатлар, шулай ук, истәлекле бүләкләр тапшырылды.

Бүген 17 майда ТР Премьер-министры урынбасары - Татарстан Республикасы сәнәгать һәм сәүдә министры Альберт Кәримов озатуында Mangold Consulting GmbH консультация фирмасы җитәкчеләре Клаус Мангольд һәм Кристоф Мангольд "КАМАЗ" ҖАҖ эшлекле визит белән булдылар.

Делегация әгъзалары двигательләр заводында һәм "КАММИНЗ КАМА", "ЦФ КАМА", "КНОРР-БРЕМЗЕ КАМА" уртак предприятиеләрендә һәм К5 буыны йөк машиналары өченкабина каркаслары җитештерәчәк яңа завод төзелеше мәйданчыгында булдылар.  

Эшлекле программа пунктларының берсе автомобиль заводының баш җыю конвейерын һәм кабиналар җыю конвейерын күрү булды. Шуннан соң, Фәнни-техник үзәк каршысындагы мәйданда яңа модель рәтеннән автомобильләр тәкъдир ителде: КАМАЗ-5490, КАМАЗ-65201, КАМАЗ-65801 һәм башка автомобильләр күрсәтелде. Шулай ук, делегация "КАМАЗ-Автоспорт" үзәгендә булды, анда алар танылган «КАМАЗ-мастер» ярышта катнашучы команда йөк автомобильләре җитештерүе белән танышты.

Mangold Consulting GmbH фирмасы җитәкчеләренең визит программасы "КАМАЗ"да хезмәттәшлек перспективалары турында сөйләшүләр белән тәмамланды, эшлекле очрашуда ТР Премьер-министры урынбасары - Татарстан Республикасы сәнәгать һәм сәүдә министры Альберт Кәримов һәм “КАМАЗ” ҖАҖ генераль директоры Сергей Когогин катнашты.

Клаус Мангольд алман инвесторларының регионда бизнес үстерүгә кызыксынуын билгеләп Татарстан, “КАМАЗ” һәм Германия арасында киләчәктә дә эшлекле мөнәсәбәтләрнең ныгуына ышаныч белдерде.

Ford Sollers компаниянең төп стратегик партнеры булган «Джошкуноз Алабуга» предприятиесенә Q1 тәэмин итүче статусын бирде. Бу тәэмин итүченең Ford компаниясеннән алырга мөмкин булган статусларының иң югарысы. Яңа статус тәэмин итүчегә штамповкаланган җиһазларны Fordның Россиядәге заводларына гына түгел, ә җитештерүченең бөтен дөнья буенча урнашкан предприятиеләренә экспорт ясый ала.

Ford компаниясе тарафыннан Q1 тәэмин итүче статусы «Джошкуноз Алабуга» предприятиесенә Ford компаниясенең автокомпанентлар китертүчеләргә карата куелган глобаль стандартларга һәм таләпләргә туры килүе һәм продукциянең сыйфатлы булуы өчен бирелде.

Ford Sollers  һәм «Джошкуноз Алабуга» арасындагы хезмәттәшлек Россиянең Ford автомобильләре җитештерүендә локализациянең төп этапларыннан берсе булып тора.

2016 елның декабрендә «Джошкуноз» компаниясе белән берлектә “Алабуга” яңа сервис металл үзәге төзелеше башланды. Җитештерүне 2018 елның икенче кварталында эшләп җибәрү планлаштырылган.

«Джошкуноз Алабуга» – «Алабуга» МИЗ территориясендә штамповкаланган җиһазлар белән тәэмин итүче беренче чит ил предприятиесе. 2014 елның августында ачылган бу завод бүген Ford Explorer, Kuga, Transit, Fiesta и EcoSport автомобильләре өчен йөздән артык штамповкаланган җиһазлар җитештерә.

Алабугада Ford Sollers заводында Ford автомобильләрен җитештерү 2012 елда башланды.

26 майда Д.Медведев рәислегендә БДБ хөкүмәте башлыклары Советы утырышы узачак.

Көн тәртибендә – Бердәмлек кысаларында күпьяклы хезмәттәшлек үсеше мәсьәләләре, халыкара килешүләр имзалау һәм башкалар.

Шул ук көнне Д.Медведев Евразия хөкүмәтара совет утырышында да катнашачкак.

Очрашу барышында Россия, Белоруссия, Әрмәнстан, Казахстан һәм Кыргызстанны берләштергән Евразия икътисади берлеге кысаларында интеграцияле хезмәттәшлек сораулары каралачак.

Уртак чаралар планы расланачак һәм агросәнәгать комплексы өлкәсендә,  сәнәгать товарларына карата үзенчәлекле субсидияләр алу тәртибе, уртак фәнни-тикшеренү, тәҗрибә-конструкторлык  эшләрен оештыру сораулары да сүзгә алыначак.

Росстандарт Россия сыйфат системасы белән берлектә сыйфат өлкәсендә Хөкүмәт Премиясен алу өчен Россия оешмаларының документларын бәяләү эшен тәмамлады. Исемлеккә Татарстан Республикасы оешмалары да керде.

Актив рәвештә Мәскәү, Мәскәү өлкәсе, Санкт-Петербург, Белгород, Владимир, Свердловск, Төмән, Ростов, Чиләбе, Түбән Новгород өлкәләре, Татарстан Республикасы һәм Краснодар крае оешмалары катнашты.

Конкурста Татарстан Республикасыннан 9 предприятие катнаша.

Якын арада (2017 елның 29 маеннан 14 июленә кадәр) документлар бәяләвен узган оешмаларның көндезге аудиты узачак.

Көндезге аудит нәтиҗәләре буенча Россия сыйфат системасы тарафыннан номинантлар һәм лауреатлар буенча тәкъдимнәр әзер булачак. Сыйфат өлкәсендә РФ Хөкүмәте премияләрен бирү буенча Совет карары кабул ителәчәк, аны РФ сәнәгать һәм сәүдә министры Денис Мантуров җитәкли.

Тулырак: http://roskachestvo.gov.ru/award/