ЯҢАЛЫКЛАР
Татарстан Премьер-министры урынбасары – Татарстан сәнәгать һәм сәүдә министры Олег Коробченко һәм Төрекмәнстанның финанс һәм икътисад министры Сердар Джораев җитәкчелегендә сәүдә-икътисадый, фәнни-техник һәм мәдәни хезмәттәшлек буенча Төрекмән-Татарстан эш төркеменең IX утырышы булды.
Татарстан нефть-газ химиясе форумы кырларында Татарстан Сәнәгать һәм сәүдә министрлыгы башлыгы Олег Коробченко республика рәисе Рөстәм Миңнеханов белән берничә очрашу уздырды:
Татарстан Сәнәгать Һәм сәүдә министрлыгы башлыгы Олег Коробченко республика нефть химиясе продукциясен төзелеш тармагында куллануны киңәйтү мәсьәләләре буенча түгәрәк өстәл утырышында катнашты.
26-28 август көннәрендә Казан Экспо территориясендә ел саен уза торган Татарстан нефть-газ химиясе форумы уза. Бу юлы ул Татарстанда Фәнни-технологик үсеш елына багышлана.
«Һөнәре буенча иң яхшысы» Бөтенроссия һөнәри осталык конкурсында «Иң яхшы токарь» номинациясендә җиңүченең исеме билгеле булды. Иң яшь катнашучы исеменә 22 яшьлек Айдар Әшрәпов лаек булган, ул Әлмәт «Римера-Алнас» предприятиесендә эшли.
Бүләк сыйфатында ул 1 млн.сум һәм үзе җиңү яулаган 3,5 млн.сумлык станокны алган.
Конкурс Пензада узды, анда илнең 17 төбәгеннән – Брянскидан алып Ерак Көнчыгышка кадәр – 18 профессионал катнашкан.
Татарстан Сәнәгать һәм сәүдә министрлыгы коллективы җиңү белән котлый һәм киләчәктә дә уңышлар тели!
22 августта Казан авиация заводы мәйданчыгында Татарстан Республикасы Предприятиеләр һәм сәнәгатьчеләр ассоциациясе советының киңәйтелгән утырышы узды. Эштә Татарстан Премьер-министры Алексей Песошин, Премьер-министр урынбасары – республиканың сәнәгать һәм сәүдә министры Олег Коробченко һәм башкалар катнашты.
Очрашуда катнашучылар республиканың фәнни-технологик үсеш дәүләт программасын гамәлгә ашыру мәсьәләләре буенча фикер алыштылар, югары уку йортлары һәм фәнни оешмаларның сәнәгать предприятиеләре белән үзара хезмәттәшлегенең нәтиҗәлелеген арттыру турында сөйләштеләр.
Утырышта Олег Коробченко билгеләп үткәнчә, якындагы 7 елга сәнәгать тармаклары буенча кадрлар әзерләүгә ихтыяҗ 58,8 мең кеше күләмендә бәяләнә. Шул исәптән квалификацияле эшчеләр әзерләү буенча – 33 мең кеше, урта звено белгечләре – 14 мең, югары белемле белгечләр – 12 мең.
Киләсе елга сәнәгать өчен 9 меңнән артык кеше әзерләү таләп ителә. Таләп ителгән персоналның 80% диярлек – эшче куллар һәм урта звено белгечләре. Ә югары белемле белгечләр таләп ителгән күләмнең биштән бер өлешен генә алып тора. Кадрлар җитмәү машина төзелешендә, авиатөзелештә һәм суднолар төзелешендә аеруча нык күзәтелә.
Министр билгеләп үткәнчә, кадрлар белән тәэмин ителеш тудырылган шартларга бәйле. Аның сүзләренә караганда, мәгариф оешмалары һәм заводлар каршында персоналны урнаштыру өчен тулай тораклар төзү кирәк. Ул «Алабуга – Политех» һәм «КАМАЗ»ның уңай мисалларын билгеләп үтте.
22 августта А.М.Горький исемендәге Зеленодольск заводында 00393 проектының водород ягулыгында эшләүче инновацион экскурсия судносын суга төшерү тантанасы булды.
Чарада Премьер-министр урынбасары – Татарстан Республикасы сәнәгать һәм сәүдә министры Олег Коробченко катнашты.
Әлеге судно тәҗрибә үрнәге булып тора. Аның төп билгеләнеше – технология булдыру һәм ягулык элементларында энергетик җайланманың универсаль функциональ модулен эшләү өчен платформа булу. Әлеге эшләр башкарылганнан һәм суднода урнаштырылганнан соң, шулай ук водород энергетикасы җайланмасы булган судноны тәҗрибә эксплуатациясеннән һәм күзәтчелек органнарының норматив документларына кирәкле таләпләр кертелгәннән соң, проектны үстерү планлаштырыла.
Судноларның типлары төрле булырга мөмкин – ял өчен, экскурсия, пассажир, су автобуслары һәм башкалар. Аларны эксплуатацияләү Россия шәһәрләрендәге елгаларда, аерым алганда – Санкт-Петербургта, Мәскәүдә, Казанда һәм Түбән Новгородта планлаштырыла.
«Казан Экспо» ХКҮ территориясендә 26-28 август көннәрендә Татарстан нефть-газ химиясе форумы – 2024 узачак. Бу юлы ул Татарстанда Фәнни-технологик үсеш елына багышланачак.
21 август көнне Татарстан Хөкүмәте Йортында Премьер-министр урынбасары – республиканың сәнәгать һәм сәүдә министры Олег Коробченко чарага әзерлек турында сөйләде.
Эшлекле программада кунакларны 4 халыкара һәм 1 бөтенроссия конференциясе, 6 түгәрәк өстәл көтә. Шулай ук «Газпром», «Газпром нефть» һәм «Татнефть» традицион Тәэминатчы көннәрен үткәрәчәк.
Бүген үзләренең катнашуларын расладылар:
- Россия нефть, газ сәнәгатьчеләре берлеге президенты Геннадий Шмаль;
- Беларусь Республикасы Премьер-министры урынбасары Виктор Каранкевич;
- Бәһрәйн Корольлегенең нефть һәм экология министры Мөхәммәд бине Мөбарәк бине Дайна;
- Бәһрәйн Корольлегенең Россия Федерациясендәге Гадәттән тыш һәм Тулы вәкаләтле Илчесе Әхмәт Әл Саати;
- Төрекмәнстанның финанс һәм икътисад министры Сердар Джораев;
- Үзбәкстан Республикасы энергетика министры Җурабәк Мирзамәхмүдов һәм башкалар.
Татарстан Рәисе Рөстәм Миңнеханов белән берлектә Премьер-министр урынбасары – республиканың сәнәгать һәм сәүдә министры Олег Коробченко Самарага эш визиты белән килде.
2023 елда төбәкләр арасында товар әйләнеше 30 млрд сум тәшкил иткән. Татарстан Самара өлкәсенә бензин һәм дизель ягулыгы, йөк һәм җиңел автомобильләр, химия предприятиеләре продукциясе, азык-төлек продуктларының һәм халык куллануындагы башка товарларның киң спектрын, медицина җиһазларын һ.б. җибәрә.
Республиканың кайбер эре предприятиеләре – КАМАЗ, Татхимфармпрепаратлар, ПОЗИС, Аммоний, Татспиртпром, Казан вертолет заводы, «Ак барс» суднолар төзү корпорациясе һәм башкалар өлкә белән актив хезмәттәшлек итә.
Самарага визиты вакытында Олег Коробченко Рөстәм Миңнеханов белән «ОДК-Кузнецов» двигательләр төзү предприятиесендә булды. Биредә аэродромнарда һәм космодромнарда Россия авиациясе, Газпром һәм «Союз» ракета йөрткечләр өчен двигательләр эшлиләр, җитештерәләр һәм хезмәт күрсәтәләр.
Кунакларга кайбер корпусларда җитештерүне оештыруны күрсәттеләр. Аерым алганда, привод һәм агрегат тартмаларын җитештерү корпусы – комплекс тешле эләктерүле детальләр әзерләүнең тулы техник циклын тәэмин итә. Моннан тыш, эретеп ябыштыру производствосы корпусын карадылар, анда детальләрне вакуумда югары температурада эретеп ябыштыралар.
Шулай ук аларга компрессорлар һәм аларны җитештерү өчен кирәкле барлык компонентлар җитештерүнең тулы технологик циклы ничек тәэмин ителүен күрсәттеләр.
РГК компаниясе Питрәч районының Богородское авылында ике катлы полипропилен гофрирланган торбалар җитештерү буенча яңа завод ачты. Алар торак-коммуналь хуҗалыкта, төзелештә һәм авыл хуҗалыгында кулланыла. Продукциянең беренче партияләре Мәскәү, Санкт-Петербург, Казан су каналлары өчен, шулай ук федераль трассалар төзү өчен җибәрелгән инде.
Яңа производствоны булдыруга инвестицияләр 500 млн.сумнан артып киткән. Шуларның 215 млн.сумын «Үсеш проектлары» программасы буенча ташламалы заем рәвешендә Сәнәгатьне үстерү фонды (СҮФ) биргән.
СҮФ займ акчалары ярдәмендә компания торбалар ясау өчен ике югары тизлекле экструзион линия, шулай ук ярдәмче җиһазлар – киптерү системалары һәм терәк кран-балкалар сатып алган.
Заводта диаметры 160 мм алып 1000 мм кадәр булган ике катлы полипропилен торбаларны серияле җитештерү җайга салынган. Аларны әзерләгәндә бары тик үзебезнең чимал – «СИБУР» җитештергән полипропилен гына кулланыла. Предприятие елына 6 мең тоннага кадәр продукция җитештерә ала.
Полимер торбалар корыч һәм бетон торбалар белән чагыштырганда җиңелрәк, коррозиягә чыдам, ремонт ясарга яраклы, ә хезмәт итү вакыты 50 елдан да ким түгел. Моннан тыш, гофрирланган эшләнмәләрне монтажлау өчен фитинглар һәм башка тоташтыргыч элементлар таләп ителми диярлек, алардан башка исә системаны шома торбалардан җыеп булмый.
Яңа производствоны эшләтеп җибәрү «Халыкара кооперация һәм экспорт» һәм «Хезмәт җитештерүчәнлеге» илкүләм проектларын гамәлгә ашыруга ярдәм итә.