Хезмәттәшлекне һәм бизнес-кооперацияне ныгыту: Казанда «Лукойл» тәэмин итүчесе көне узды
Компания вәкилләре Татарстанның алдынгы предприятиеләре җитәкчеләре белән эшлекле очрашулар уздырды.
Җитештерү мәйданчыкларында булып, алар эшлекле элемтәләрне ныгыту, нефть-газ чыгару тармагында кирәкле җайланмалар чыгару, адреслы мәгълүмати-идарәчеләр, инжиниринг системалары һәм проект чишелешләре булдыру потенциалын югары бәяләделәр.
«Сәнәгать предприятиеләренең үзара хезмәттәшлеге өлкәсендәге планнарны тормышка ашыру турында» пленар сессиясе үзәк вакыйга булды. Премьер-министр урынбасары — Татарстан сәнәгать һәм сәүдә министры Олег Коробченко рәислегендә катнашучылар республика предприятиеләренең алгарышлы технологик үсеше, конкурентлыкка сәләтле, югары сыйфатлы машина төзелеше продуктлары, инжиниринг, ИТ булдыру бурычлары турында фикер алыштылар. Чара КМПО заводы мәйданчыгында узды, анда Татарстанның 40ка якын предприятиесе катнашты.
«Геологик разведка һәм углеводородлар чыгару», «Эшкәртү һәм сату», «Гомуми номенклатура» түгәрәк өстәлләрендә яклар сатып алулар юнәлешләре турында фикер алыштылар һәм үзара файдалы хезмәттәшлек өчен алдагы адымнарны билгеләделәр.
Өстәп әйтик, «Лукойл» Татарстанда 1995 елдан бирле эшли. Компания нефть чыгаруның нәтиҗәлелеген арттыру өчен инновацион технологияләр куллана, республика территориясендәге экологик һәм социаль проектларга ярдәм итә.