ЯҢАЛЫКЛАР
Утырышта беренче яртыеллык эш йомгаклары хакында мәгълүмат, хисаплар тыңланды. Утырыш ахырында халыкара танылган Лин-оешма – Кайдзен Институты презентациясе булды. Әлеге оешманың Россиядәге бүлеге директоры Андрей Гавриченков кайдзен-менеджерлар әзерләү хакында, җитештерү системалары аудиты һәм аларны сертификацияләү мөмкинлекләре, Лин-практиклар әзерләү һәм сәнәгатьнең төрле тармакларындагы предприятиеләрдә эталон мәйданнары булдыру хакында сөйләде, эшче төркем утырышында катнашучыларның сорауларына җавап бирде.
2012 елның 28 июнендә Татарстан Республикасы Сәнәгать һәм сәүдә министрлыгында «Тест-Татарстан» Республика сертификация-методика үзәге» белән берлектә 2013 елгы Универсиада кунакларына һәм анда катнашучыларга хезмәт күрсәтәчәк җәмәгать туклануы объектлары җитәкчеләре һәм белгечләре өчен семинар уздырылды. Әлеге чарада «Тест-Татарстан» Республика сертификация-методика үзәге» җитәкчеләре һәм белгечләре, Татарстан Республикасы Диния назәрәтенең “Хәләл” стандарты комитеты җитәкчесе чыгыш ясады. Чираттагы мондый семинар июль-сентябрь айларында оештырылачак.
Татарстан Республикасы һәм Приморье крае арасында сәүдә-икътисадый һәм фәнни-техник хезмәттәшлекне үстерү турында Килешүне гамәлгә ашыру максатларында Татарстан Республикасы Министрлар Кабинетының 2011 елның 3 декабрендәге 2256-р номерлы Йөкләмәсе нигезендә, 2012 нче елгы Федераль Сабантуйны Владивосток шәһәрендә уздыру турында карар кабул ителде.
20-22 июньдә Татарстан Республикасы Президенты җитәкчелегендәге делегация XVI Петербург халыкара икътисад форумында катнаша. Делегация составында Татарстан Республикасы Сәнәгать һәм сәүдә министрлыгыннан министрның беренче урынбасары Кәбиров Руслан Харис улы да бар.
2012 елның 20 июнендә “Казан ярминкәсе” ачык акционер җәмгыятендә “Машина төзелеше. Металл эшкәртү. Казан-2012” халыкара күргәзмәсе кысаларында “Зеленодольск проектлау конструкторлык бюросы” ААҖ һәм “АВЕВА” компаниясе арасында контракт документларына имза салыначак. Әлеге вакыйга ике як өчен дә җитди адым булып тора, шартнамә күләме 100 млн. сум тәшкил итә.
2012 елның 19 июнендә “Казан ярминкәсе” ачык акционер җәмгыять территориясендә “Машина төзелеше. Металл эшкәртү” 12 нче халыкара күргәзмә һәм «Technoсварка» 7 нче махсуслаштырылган күргәзмә ачылды. Ачу тантанасында Татарстан Республикасы Премьер-министры И. Халиков, Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов, Татарстанның эре машина төзү предприятиеләре җитәкчеләре, чит ил компанияләре вәкилләре катнашты.