ЯҢАЛЫКЛАР
Бу көннәрдә республика муниципаль берәмлекләренең җәмәгать туклануы оешмаларында Сәнәгать һәм сәүдә министрлыгы җитәкчелегендә акция – Татарстан Республикасында яшәүче халыкларның милли ашлары көннәре уздырыла. Җәмәгать туклануы өлкәсендә хезмәт күрсәтүнең сыйфатын яхшырту, милли ашларны әзерләү гадәтләрен саклау, Татарстан Республикасында яшәүче күптөрле милләт вәкилләре арасындагы дуслыкны һәм үзара аңлашучанлыкны ныгыту проектның төп максаты булып тора.
Акция нәтиҗәләре буенча республиканың муниципаль берәмлекләренең Конкурс комиссияләре тарафыннан Татарстан Республикасының Сәнәгать һәм сәүдә министрлыгының Мактаулы грамоталары белән бүләкләү өчен җәмәгать туклануы оешмаларының иң яхшы коллективлары билгеләнәчәк.
Республиканың шәһәрләрендә һәм районнарында Татарстан Республикасында яшәүче халыкларның милли ашлары көннәрен уздыру графигы Татарстан Республикасының Сәнәгать һәм сәүдә министрлыгының сайтында урнаштырылган.
Июль аенда «КАМАЗ»да компаниянең бүлекчәләрендә һәм оешмаларында эшләүче йөк автомобильләрен йөртүчеләр арасында һөнәри осталык конкурсы узачак.
Чарада «С» категориясендәге автомобиль йөртүче таныклыгына ия булган йөк ташучы камазчылар катнашачак. «КАМАЗ кубогына» багышланган конкурс беренче ел гына уздырылмый. Ул зур йөк ташучы автомобиль йөртүчеләрнең һөнәри осталыкларының дәрәҗәсен үстерергә, юл хәрәкәте куркынычсызлыгы мәсьәләләренең мөһимлеген искә төшерергә һәм һөнәрнең абруен күтәрергә ярдәм итә.
Ярышның программасы бер теория һәм өч гамәли этапны тәшкил итә. Беренче этапта юл хәрәкәте куркынычсызлыгы кагыйдәләрен һәм нигезләрен белү-белмәүне тикшерәчәкләр. Икенче һәм алдагы этапларда катнашучыларга 65115 шасси нигезендәге КАМАЗ йөк автомобилендә хәрәкәт итү осталыгын күрсәтергә туры киләчәк.
Судьялар коллегиясе конкурска нәтиҗәләр ясаячак. Әлеге коллегияне баш судья җитәкләячәк. Җиңүчеләр шәхси сынауда билгеләнәчәкләр: беренче, икенче һәм өченче урыннар күздә тотыла. Моннан тыш, «Иң яхшы яшь автомобиль йөртүче» исеме дә аталачак. Аны 25 яшькә кадәр булган катнашучылар арасыннан сайлап алачаклар. Һөнәри осталык конкурсында катнашучыларның барысы да кыйммәтле бүләкләргә лаек булачак.
2017 елның 5 июлендә «Алабуга» үзенә бер төрле икътисади зона җирлегендә Мәскәү, Татарстан Республикасы һәм Сарытау өлкәсе җирлегендә регионара сәнәгать композит кластеры булдыру буенча стратегик сессия узды.
Чарада Россия Федерациясе Сәнәгать һәм сәүдә министрлыгының, Татарстан Республикасы, Мәскәү һәм Сарытау өлкәләренең башкарма хакимият органнары, композит чимал һәм ярымфабрикатлар җитештерүче сәнәгать оешмаларының вәкилләре катнашты.
Кластер Россиядә композит материаллар булдыручы тулы технологик чылбыр үстерергә ярдәм итәчәк.
«Алабуга» үзенә бер төрле икътисади зона җирлегендә полиакрилонитрил сүсен (ПАН-волокна) җитештерү буенча завод төзү кластерның иң мөһим проектларының берсе булып тора. Бу дөнья күләмендәге сыйфат үрнәкләренә һәм бәяләренә туры килүче углерод сүсен эшләп чыгару өчен чимал әзерләүнең беренче этабы. Проектның гомуми бәясе, якынча 6,9 млрд сум тәшкил итәчәк.
2017 елның 2 июнендә Татарстан Республикасы Президенты Рөстәм Миңнеханов һәм «Росатом» дәүләт корпорациясе генераль директоры Алексей Лихачев Петербург халыкара икътисади форум кысаларында тиешле килешүгә кул куйдылар.
Композитларны технологик эшкәртүләрнең барлык баскычларында да эшләп килүче 50 дән артык компания композит кластеры кысаларындагы кооперациягә карата кызыксынуларын белдерде.
Стратегия сессиясе барышында кластерны үстерү максатлары һәм мәсьәләләре билгеләнде. Катнашучылар алдагы уртак проектлар турында фикер алыштылар, шулай ук кластерны формалаштыру буенча юл картасын расладылар. Агымдагы ел ахырына кадәр кластер булдырылыр һәм Россия Федерациясе Сәнәгать һәм сәүдә министрлыгының реестрына кертелер дип көтелә. 2018 елдан композитлар өлкәсендә уртак проектларны тормышка ашыру планлаштырыла.
Республикада һәр елны уза торган Эшләүче яшьләр иҗатының «Наше время – Безнең заман» V Республика телевизион фестивале башланды. Яр Чаллы шәһәрендә (4 июльдә), Түбән Кама һәм Әлмәт шәһәрләрендә (5 июльдә) Фестивальнең зональ киңәшмә - тәкъдирләре уза.
Зональ киңәшмәләрдә Татарстан Республикасы Сәнәгать һәм сәүдә министры урынбасары Алмаз Хөсәинов, Российской Федерациясе Хөкүмәтенең мәдәният өлкәсендәге премия лауреаты, Татарстан Республикасының атказанган сәнгать эшлеклесе, иҗади сәләтле балаларга һәм яшьләргә ярдәм итү «Созвездие-Йолдызлык» республика үзәге директоры, Фестивальнең генераль продюсеры Дмитрий Туманов, Татарстан Республикасы предприятиеләре һәм оешмалары яшьләре берлеге директоры һәм рәисе Владислав Майоров һәм Айдар Сәгетдинов, муниципаль берәмлекләр, икътисад өлкәсенең төрле тармакларындагы предприятиеләрнең һәм оешмаларның вәкилләре катнашты.
Фестивальнең http://bzzm.ru/ рәсми сайтында һәм Татарстан Республикасы Сәнәгать һәм сәүдә министрлыгының http://mpt.tatarstan.ru/rus/televizionniy-festival-rabotayushchey-molodezhi.htm сайтында катнашучылар гаризаның үрнәге, Фестивальнең нигезләмәсе һәм рәсми кәгазьләре белән танышырга мөмкиннәр.
4 июльдә «Казан милли тикшеренү технология университеты» федераль дәүләт бюджет югары белем бирү мәгариф учреждениесенең сәләтле балаларга химиядән тирәнтен белем бирү лицей-интернатын тәмамлаучылар өчен мәктәпне тәмамлау һәм яңа тормыш чоры башлану бәйрәме булды.
Лицей-интернатның актлар залында тантаналы чара узды. Бу көнне чыгарылыш сыйныф укучыларына аттестатлар, мактау грамоталары һәм рәхмәт хатлары тапшырылды. Кунаклар арасында Казан милли тикшеренү технология университетының өзлексез белем бирү буенча проректоры Любовь Овсиенко, Татарстан Республикасы Сәнәгать һәм сәүдә министрлыгының корпоратив идарә бүлеге башлыгы Андрей Фёдоров, университетның нефть һәм нефть-химия факультеты деканы урынбасары Ольга Вахитова, шулай ук, укытучылар, ата-аналар һ.б. булды.
Лицейны быел 28 укучы тәмамлады. Шуларның унысы алтын медальгә лаек булучылар.
Бүген Татарстан Республикасы сәнәгать һәм сәүдә министрлыгында ТР Премьер-министры урынбасары – Татарстан Республикасы сәнәгать һәм сәүдә министры Алберт Кәримов Төркиянең Guris Construction and Engineering CO. INC. (Гуриш) һәм "Рус җиле" ҖЧҖ җитәкчелеге белән очрашты.
Киңәшмәдә шулай ук, "Сетевая компания" ААҖ һәм РЮИ "СО ЕЭС" АҖ Филиалы вәкилләре дә катнашты.
Очрашу барышында җил энергетикасы өлкәсендә хезмәттәшлекнең перспектив юнәлешләре хакында, аерым алганда, җил парклары төзелеше өлкәсендә һәм Татарстан Республикасы территориясендә җил җайланмалары компонентларын җитештерүне локальләштерү турында фикер алыштылар.
Татарстан Республикасы сәнәгать һәм сәүдә министрлыгы, Гуриш ҖЧҖ һәм "Рус җиле" компаниясе арасында җил энергетикасы өлкәсендә хезмәттәшлек итү турында өч яклы Килешү төзелде.
Алга таба бу өлкәдә уртак проектларны гамәлгә ашыру мөмкинлекләре турында фикер алышу Татарстан Республикасы Президенты Рөстәм Миңнеханов җитәкчелегендә Татарстан Республикасы Министрлар Кабинетында дәвам итте.
Бүген Татарстан Республикасы сәнәгать һәм сәүдә министры урынбасары Алмаз Хөсәенов рәислегендә сәнәгать продукциясенең законсыз әйләнешенә каршы тору буенча Комиссия утырышы узды.
Очрашу барышында утырышта катнашучылар Татарстан Республикасында сөт продукциясенең законсыз әйләнешен кисәтү буенча үткәрелгән эш нәтиҗәләрен тикшерделәр.
Әлеге мәсьәлә буенча Татарстан Республикасы эчке эшләр министрлыгы вәкиле Карташов Виталий, Татарстан Республикасы буенча кулланучылар хокукларын яклау һәм кеше иминлеге күзәтчелеге Федераль хезмәте идарәсе җитәкчесе вазифаларын вакытлыча башкаручы Марина Трофимова, Татарстан Республикасы буенча ветеринария һәм фитосанитария күзәтчелеге Федераль хезмәте идарәсе җитәкчесе урынбасары Евгения Иванова чыгышлары тыңланды.
Комиссия әгъзалары тарафыннан Татарстан Республикасында сөт продукциясенең законсыз әйләнешен киметү һәм кисәтү буенча оешмаларның үткәрелгән уңай эш нәтиҗәләре билгеләп үтелде.
Утырыш нәтиҗәләрен йомгаклап, Алмаз Хөсәенов әлеге юнәлештә эшне дәвам итәргә һәм тикшерү чаралары санын арттырырга, төбәк сыйфат мониторингын оештырырга тәкъдим итте.
Бүген Татарстан Республикасы сәнәгать һәм сәүдә министрлыгында ТР Премьер-министры урынбасары – Татарстан Республикасы сәнәгать һәм сәүдә министры Альберт Кәримов Иран Ислам Республикасының Тәбриз шәһәре делегациясе белән очрашты. Делегацияне Тәбриз шәһәре мэры Сәдег Нәҗәфи Хәзерлу әфәнде җитәкли.
Иран Ислам Республикасы тарафыннан очрашуда Иран Ислам Республикасы тышкы эшләр министрлыгының Тәбриз шәһәрендәге вәкиллеге җитәкчесе Рәгеб Бабаи, Иран Ислам Республикасының Казандагы Генераль Консуллыгы консулы Мәликетдин Шәфагәт һәм башкалар катнашты.
Очрашу барышында Татарстан Республикасы Премьер-министр урынбасары -Татарстан Республикасы сәнәгать һәм сәүдә министры Альберт Кәримов Татарстан Республикасының сәнәгый потенциалы презентациясен үткәрде.
Шулай ук, яклар үзара файдалы хезмәттәшлекнең механизмнары һәм перспективалары хакында фикер алыштылар.
Бүген ТР сәнәгать һәм сәүдә министрлыгында ТР Премьер-министр урынбасары – Татарстан Республикасы сәнәгать һәм сәүдә министры Альберт Кәримов Россия Федерациясендә Беларусь Республикасы Илчелегенең яңа билгеләнгән Казандагы бүлекчәсе җитәкчесе Олег Исаев белән очрашты. Очрашу барышында республикалар арасында киләчәктә хезмәттәшлек итү сораулары каралды.
Белешмә өчен:
2017 елның июненнән Олег Филипп улы Исаев Россия Федерациясендә Белоруссия Республикасы Вәкиллегенең Казандагы бүлеге
җитәкчесе итеп билгеләнде.
28 июньдә Мәскәү шәһәрендә "Космос" Концертлар залында Россия Федерациясе Дәүләт фәнни үзәгенең «ВИАМ» (Бөтенроссия фәнни-тикшеренү авиация материаллары институты) Федераль дәүләт унитар предприятиесенең 85 еллыгына багышланган тантаналы чара узды.
Тантаналы чарада ТР Премьер-министры урынбасары – Татарстан Республикасы сәнәгать һәм сәүдә министры Альберт Кәримов катнашты.
85 ел эчендә ВИАМ үзенең интеллектуаль һәм техник потенциалын саклап калган. ВИАМ ярдәмендә Россия импортны алыштыру һәм оборонаны ныгыту бурычларын уңышлы хәл итә.
Шулай ук, мәртәбәле кунаклар сыйфатында чарада Хәрби-сәнәгать комиссиясе коллегия Рәисе Урынбасары Олег Бочкарев, Россия Федерациясе Федераль Собраниесе Дәүләт Думасы Депутатлары Владимир Гутенев, Николай Гончар, Россия Федерациясе сәнәгать һәм сәүдә министры урынбасары Олег Бочаров, Башкортстан Республикасы Хөкүмәте Премьер-министры Урынбасары Артур Шайнуров, Ульяновск, Самара өлкәсе Хөкүмәте вәкилләре һ. б. катнашты.