ЯҢАЛЫКЛАР
Энергиянәтиҗәлелек буенча ТЭФ-2019 Татарстан халыкара форумы кырларында бүген ТР Президенты Рөстәм Миңнеханов җитәкчелегендә Татарстан Республикасы Хөкүмәтенең утырышы булды. Чарада шулай ук РФ энергетика министры урынбасары Антон Инюцын да катнашты. Модераторы Татарстан Республикасы Премьер-министрының беренче урынбасары Рөстәм Нигъмәтуллин булды.
Бүген "Казан Экспо" Халыкара күргәзмәләр үзәгендә ТЭФ-2019 Татарстан халыкара энергия-ресурс нәтиҗәлелеге форумы ачылды.
Чараны ачу тантанасында Татарстан Республикасы Президенты Рөстәм Миңнеханов, РФ энергетика министры урынбасары Антон Инюцын, ТР Премьер-министрының беренче урынбасары Рөстәм Нигъмәтуллин, Премьер-министр урынбасары - ТР сәнәгать һәм сәүдә министры Альберт Кәримов, "Энел Россия" ГАҖ башлыгы Карло Палашано Вилламанья катнашты.
Бүген ТР Сәнәгать министрлыгында министр урынбасары Алексей Савельчевның Саха Республикасы (Якутия) сәнәгать һәм геология министры Максим Терещенко белән очрашуы булды. Якутия министрлыгыннан килгән коллегалар ТЭФ-2019 булган визитлары кысаларында "2013-2023 елларга Татарстан Республикасында газ-мотор ягулыгы базарын үстерү" программасын тормышка ашыру буенча республика тәҗрибәсе, шулай ук кысылган табигый газга транспорт чараларын күчерү һәм сатып алу тәҗрибәсе белән кызыксынды.
Шунысы әһәмиятле, республикада автомобильләргә газ тутыра торган 20 компрессор станциясе – АГНКС урнаштырылган һәм Менделеевск муниципаль районында 1 күчмә газ белән тәэмин итү пункты – ПАГЗ бар. Ә 10-12 апрель көннәрендә узачак энергия-ресурс нәтиҗәлелеге буенча ТЭФ-2019 Татарстан халыкара форумының "Казан Экспо" ХКҮдәге күргәзмәләр экспозициясендә газда эшләүче автомобиль һәм авыл хуҗалыгы техникасы күрсәтеләчәк.
Бүген 2019 елда хезмәткәрләрне алгарышлы һөнәри укыту буенча инвестиция проектларына ярашлы рәвештә эшчәнлекне реструктуризацияләүне һәм модернизацияләүне гамәлгә ашыручы оешмаларның инвестиция проектларын һәм заявкаларын карау һәм бәяләү буенча Ведомствоара эш төркеменең икенче утырышы узды. Чараны министр урынбасары Алмаз Хөсәенов уздырды. Киңәшмәдә җиде предприятиенең инвестиция проектлары каралды. Нәтиҗәдә машина төзү, химик һәм җиңел сәнәгать, шулай ук төзелеш материалларын җитештерү предприятиеләренең берничә заявкасы килештерелде һәм хупланды.
Форум ел саен уздырыла торган ике тармак чарасыннан трансформацияләнгән: 20 нче "Энергетика. Ресурс саклау" халыкара махсус күргәзмәсе һәм 19 нчы "Энергия-ресурс нәтиҗәлелеге һәм энергия саклау" халыкара симпозиумы. Форум беренче мәртәбә "Казан Экспо" ХКҮ территориясендә узачак, аны ачу тантанасы 10 апрель көнне 8.00 сәгатьтә ТР Президенты Рөстәм Миңнеханов катнашында узачак. Бу хакта бүген энергиянәтиҗәлелек буенча ТЭФ-2019 Татарстан халыкара форумына алхәбәр бирүче матбугат конференциясендә сөйләделәр.
"Федераль кунаклардан РФ энергетика министры урынбасары Антон Инюцин үзенең катнашуын раслады. Шул ук көнне 2018 ел йомгаклары буенча энергияне саклау буенча дәүләт программасын тормышка ашыру барышы турында һәм 2019 елга бурычлар хакында ТР Хөкүмәте утырышы узачак. Хөкүмәт утырышы кысаларында "Энел" компаниясе белән хезмәттәшлек турында килешү имзалау күздә тотыла. Әлеге компания яңартыла торган энергия чыганакларын үстерү белән шөгыльләнә", – дип билгеләде министр урынбасары Алмаз Хөсәенов.
Форумның эш программасы 20 якын түгәрәк өстәл эшен, бизнес-очрашуларны һәм панель дискуссияләрен үз эченә ала. Челтәр компаниясе уздырачак түгәрәк өстәл артында санлы икътисад һәм энергия ресурсларын интеллектуаль исәпкә алу мәсьәләләре турында сөйләшенәчәк. Төбәкләрдән килгән кунаклар белән шулай ук Россиянең электр челтәрләре ресурсын үстерү проблемалары хакында да фикер алышыначак. "Татэнерго" түгәрәк өстәлендә җылылык ресурсларын җитештерү, транспортлау һәм бүлү турында сүз барачак. Компания бирелгән коммуналь ресурсларга алыначак түләүләрне түләттерү тәҗрибәсе белән уртаклашачак.
Моннан тыш, чара кунаклары киберкуркынычсызлык темасына эшлекле уенда катнаша һәм галимнәрнең һәм Казан энергетика университеты укытучыларының энергия нәтиҗәлелеге һәм энергияне саклау темаларына блиц-чыгышларын ишетә алачак, дип билгеләде КДЭУ фәнни эш буенча проректоры Эмил Шәмсетдинов.
Күргәзмә экспозицияләрендә газ-мотор ягулыгында эшләүче техника күрсәтеләчәк, асылда уникаль авыл хуҗалыгы үрнәкләре куелачак.
Форум 12 апрельдә "Яшьләр көне" белән төгәлләнәчәк.
Альберт Кәримов бүген республика предприятиеләре вәкилләре катнашында ел саен үткәрелә торган "Казан марафоны" спорт ярышына багышланган киңәшмә уздырды.
2015 елдан башлап Казанда халыкара дәрәҗәсендәге "Казан марафоны" йөгерү чарасы тормышка ашырыла, ул республика халкы арасында спортны һәм сәламәт яшәү рәвешен популярлаштыруга юнәлдерелгән. Проект Татарстан Республикасы Президенты Р.Н.Миңнеханов һәм Татарстан Республикасы Хөкүмәте тарафыннан хупланды.
2019 елның 5 маенда "Казан марафоны-2019" җиңел атлетика буенча халыкара ярышлары узачак, аларның концепциясе иң зур халыкара стартларын уздыру мисалына нигезләнгән. Ярышлар барышында түбәндәгечә ярышлар оештырылачак: "TIMERBABY" ползуноклар чабышы, "TIMERKIDS" балалар чабышы, 3 км, 10 км, 21.1 км һәм 42,2 км. Чара стартына бөтен дөнья буйлап барлыгы чама белән 30 000 спортчы һәм йөгерергә яратучы кеше чыгачак.
Программаның иң әһәмиятле элементларының берсе булып Корпоратив лига санала, аның төп максаты – массакүләм спорт чараларында Татарстан Республикасы предприятиеләре һәм оешмалары командаларының корпоратив (бергәләп) катнашуы өчен шартлар тудыру.
Чара турында тулырак – биредә
2019 елның 1 апреленнән 6сына кадәрге чорда Мәскәүдә, Ярославльдә, Иваново өлкәсендә, Ульян өлкәсендә һәм Хабаровск краенда ТР Сәнәгать министрлыгына беркетелгән 15 компетенция буенча ярышлар узды. Алардан 7 компетенция буенча ярышлар Мәскәүдә, 2 компетенция буенча – Иваново өлкәсендә, 4 компетенция буенча – Ярославль өлкәсендә, 2 компетенция буенча Ульян өлкәсендә узды, алар барышында өч компетенция буенча ярымфиналлар финалга әйләнде һәм бүгенге көндә нәтиҗәләре игълан ителде:
- "Мода технологиясе (12-14)" компетенциясе буенча Виолетта Исаева алтын алды.
- "Лазер технологлары-Юниорлар" компетенциясе буенча Данил Цуканов алтын алды.
- "Сәнәгый дизайн-Юниорлар" компетенциясе буенча Ульяна Лавренова 511 балл туплады һәм профессиональлек өчен медальон алды.
8 апрельдән 12 апрельгә кадәр Ульянда һәм Хабаровск краенда WorldSkills стандартлары буенча VII Илкүләм һөнәри осталык чемпионаты кысаларында беркетелгән 6 компетенция буенча ярымфиналлар узачак.
Өстәмә:
агымдагы ярышларда ТР Сәнәгать министрлыгының 15 компетенциясе: "Пилотсыз авиация системаларын эксплуатацияләү - Юниорлар", "Пилотсыз авиация системаларын эксплуатацияләү", "Полимеханика һәм автоматизация", "Космос системалары инженериясе – Юниорлар (14-16)", "Лазер технологияләре-Юниорлар", "Мода технологияләре Юниорлар (12-14)", "Мода технологияләре Юниорлар (14-16)", "Җиңел автомобильләрне ремонтлау һәм аларга хезмәт күрсәтү", "Кузов ремонты", "Мехатроника (дубльләштерүче состав)", "Мехатроника-Юниорлар", "Эретеп ябыштыру технологияләре", "Лаборатор-Химик анализ-Юниорлар", "Лаборатор-Химик анализ", "СПҖ станокларда фрезер эшләре".
Альберт Кәримов ТР Сәнәгать министрлыгында "Претль-НК" компаниясе җитәкчеләре белән очрашу уздырды. Очрашу барышында яклар предприятиегә, шул исәптән санлы һәм технологик чишелешләрне кертүгә юнәлдерелгән проектларны финанслау программалары буенча, дәүләт ярдәме мәсьәләләре турында сөйләште.
Узган атнада төрле илләрдән килгән кунаклар өчен Россиядә газ-мотор техникасына хезмәт күрсәтү буенча иң зур үзәк булып саналучы "РариТЭК" үз ишекләрен ачты. Хәзерге вакытта биредә Яр Чаллы шәһәрендәге барлык метан автопаркына хезмәт күрсәтелә. Ләкин "Техцентр РариТЭК" тагын да күбрәккә исәпләнгән – ул республикадагы барлык газ-баллон техникасына хезмәт күрсәтә ала, бу исә 5000 артык автобус, йөк һәм махсус машина, дигән сүз.
Уникаль объектта бүген "Газпром" ГАҖ идарә рәисе урынбасары Виталий Маркелов, "КАМАЗ" ГАҖ генераль директоры Сергей Когогин, Cavagna Group вице-президенты Рино Каванья, Siemens AG "Энергия һәм Газ җитештерү" департаменты башкарма директоры Майкснер Виллибальд һәм башка кунаклар булып китте.
Делегация составында – чит илләрдән һәм үзебезнең илдән транспортны газга күчерү, аның экологиялелек дәрәҗәсен арттыру һәм финанс чыгымнарын киметү турында кызыксындыру белдерүче 200 артык иң эре бизнес вәкилләре.
"РариТЭК" үзәге буенча күрсәтмәле экскурсияне "РариТЭК" компанияләре төркеменең генераль директоры Рафаэль Батыршин уздырды.
Маршрут төп керү өлешеннән башланып китте, анда Россия өчен уникаль объект турында мәгълүмат яңгырады. Бу 5000 кв. метрдан һәм 30 посттан артык, метанга үзгәртеп коруның аерым участогы, йөк, җиңел һәм махсус автомобильләргә, шулай ук автобусларга, иң беренче чиратта газда эшләүче ДВСлы автобусларга техник хезмәт күрсәтү, махсус укыту үзәге һәм ГБА техник экспертиза ясау урыны.
Киләсе тукталыш итеп табигый газда эшләүче заманча төрле двигатель модельләре белән агрегатлар цехы каралды. "Газпром" ГАҖ газүткәргечләр салу һәм төзү өчен юл-төзелеш техникасын актив куллана, шуңа күрә дә "РариТЭК" ДК үзендә җитештерелгән газ-мотор двигательләренә махсус игътибар бирелде, алар мондый техника өчен оптималь булып тора.
Алга таба маршрут баллоннарны таныклау цехы һәм транспорт чараларын метанга үзгәртеп кору участогы аша узды. Биредә атаклы корея маркасындагы үзгәртеп корылган автомобильләр күрсәтелде, алар көн саен җирле компания вәкилләре тарафыннан уңышлырак файдаланыла.
Делегатларның барысына да хәзерге вакытта газда эшләргә мөмкин "КАМАЗ" машинасы күрсәтелде, ул торгызылган һәм үзгәртеп корылган. Әлеге иске машинага "РариТЭК" сервис хезмәтенең тәҗрибәле хезмәткәрләренең тырышлыгы нәтиҗәсендә яңа "гомер" бирелгән. Табигый газда эшләрлек итеп үзгәртелгән мотоцикл экскурсиянең төп "энеҗе бөртеге"нә әйләнде – әлеге техника тулысынча эшли торган һәм бензин модельләреннән бер дә калышмаска сәләтле.
Киң урам мәйданчыгында кунаклар метанда эшләүче йөк, пассажир, юл-төзелеш һәм авыл хуҗалыгы техникасы белән танышты. Техникадан тыш, Рафаэль Батыршин транспортны газга күчерү һәм газ-мотор инфраструктурасы мәсьәләләрендә комплекслы якын килү элементларын да күрсәтте: дегазацияләү постлары (актив һәм пассив), Мобиль автотәэмин итү комплексы, төрле сыешлыклы күчмә автотәэминатчылар һәм баллоннарны таныклау комплексы.
"РариТЭК" техник үзәгендә күп сәгатькә сузылган экскурсия тәмамланганнан соң кунаклар Халыкара эш конгрессының "Газпром" ГАҖ идарәсе рәисе урынбасары Виталий Маркелов җитәкчелегендәге Эш комитетының "Нефть-газ комплексының заманча технологияләре һәм перспективалы проектлары" утырышына юнәлде.
"РариТЭК Холдинг" АҖ материаллары буенча
Бүген Яр Чаллы шәһәрендәге Технопарк мәйданчыгында, ИТ-Паркның югары технологияләр өлкәсендә сәнәгать предприятиеләре җитәкчеләре өчен "Җитештерүне санлаштыру: гамәли чишелешләр" темасына семинар уза.
Чара эшендә Татарстан Республикасы Президенты Рөстәм Миңнеханов, "Ренова-Холдинг Рус" ҖЧҖ стратегик планлаштыру һәм үсеш директоры Олег Фомичев, ТР Премьер-министры урынбасары – Татарстанның сәнәгать һәм сәүдә министр Альберт Кәримов, ТР Премьер-министры урынбасары – ТР мәгълүматлаштыру һәм элемтә министры Роман Шәйхетдинов, ТР Президенты ярдәмчесе Альберт Нәфыйгин һ.б. катнашты.
Семинарда чыгыш ясап, Рөстәм Миңнеханов цифрлы технологияләрнең тиз арада үсеш алуы эшчәнлекнең барлык өлкәләренә дә шактый йогынты ясый дип, ассызыклады. Һәр тармак санлы революцияне күзәтеп бара, компанияләрне үзгәртеп корылырга мәҗбүр итә. Биредә сәнәгать предприятиеләренә, гадәттәгечә, әһәмиятле роль бирелә, дип билгеләде ТР Президенты. Икътисадның реаль секторын санлы технологияләрне эшләп чыгаруга һәм кертүгә җәлеп итү максатында Татарстан Россиядәге әйдәп баручы цифрлаштыру үзәкләре һәм глобаль компанияләр белән үзара хезмәттәшлек итә.
Болар белән берлектә, республика предприятиеләре санлы технологияләрне үзләштерү буенча үз проектларын да гамәлгә ашыра. Татарстан Республикасы Президенты искәртеп узганча, "КАМАЗ" пилотсыз автомобиль проектын башлап җибәрде, йөк машиналарына актив куркынычсызлык системасын кертә. Бишенче буын машиналарын эшләү барышында цифрлы якын килү алымнары да үзгәргән. Технологияләр сынауларны уздыру һәм җитештерүгә әзерлек вакытын кыскарту мөмкинлеген биргән.
"ПОЗИС" компаниясе "Ростех" стратегик партнер ярдәмендә яңартылган җитештерү комплексын ачып җибәргән. Санлы технологияләрне кертү хезмәт җитештерүчәнлеген 20%ка арттыру мөмкинлеген бирә.
"Татнефть" табу эшенең яртысыннан артык өлешен нефть-газ яткылыкларының санлаштырылган икеле модельләреннән файдаланып башкара. Компания җитештерү бәйләнеше һәм телеметрия челтәрләрен оештыру буенча проектны тормышка ашырган. Моннан тыш, "Ренова" белән хезмәттәшлек итү кысаларында шин комплексында "Җайланмаларга мониторинг" проекты да тормышка ашырыла, дип хәбәр итте Рөстәм Миңнеханов.
Шул ук вакытта Татарстан Президенты республикадагы предприятиеләрнең санлаштыру эшенә аз җәлеп ителгән булуын да билгеләп узды. Әйтик, экспертлар исәпләп чыгарганча, Татарстандагы компанияләрнең нибары өчтән бер өлеше генә цифрлы алымга юнәлеш билгеләгән. "Инде хәзердән үк аналоглы продуктларга ихтыяҗның кимүе күзәтелә. Һәм якын киләчәктә предприятиеләр санлы якын килүгә күчмәсә, яңаларының гына түгел, гадәти базарларның да перифериясендә калачаклар. Боларның барысы да сәнәгый комплекстан артта калуга һәм, тулаем алганда, икътисад өчен куркынычлар барлыкка килүгә китерәчәк", – дип билгеләде Рөстәм Миңнеханов.
Семинар материалларын монда карап чыгарга була.
Татарстан Республикасы Президентының матбугат хезмәте материаллары буенча