ЯҢАЛЫКЛАР
Предприятие өчен илкүләм проектка керү директор инициативасы булып тора. Предприятиенең эчке ресурслары белән тормышка ашырылган проектлар уңай нәтиҗәләр китергән, әмма предприятиене алга таба да үстерү өчен җитештерүнең хәзерге торышына яңа караш кирәк, бу исә предприятиене илкүләм проектка кертү турындагы карар кабул итүгә этәргеч ясаган.
«ТД Блик» ҖЧҖ – динамик үсештәге компания. Компания инде 15 елдан артык автомобиль төзелеше предприятиеләрендә жгут продукциясе җитештерүче булып тора, хәзерге вакытта компания динамик рәвештә үсә, һәм, базарда җитди уенчы буларак, җитештерелә торган продукция күләмен дә, номенклатурасын да арттыра.
Бу вакыт эчендә зур тәҗрибә тупланган һәм клиентлар белән партнерлык мөнәсәбәтләре урнаштырылган.
Предприятиедә әзерлек этабы кысаларында предприятие директоры белән берлектә проектның эшче төркеме формалаштырылган. Проектның эш төркеменә предприятиенең барлык төп һәм ярдәмче процесслары вәкилләре кертелгән.
Предприятиенең оешкан эш төркеме үзен үз эшчәнлегендә профессионаллар буларак күрсәткән, шулай ук югары дәрәҗәдә көйләнгән һәм эшчәнлек сәләте белән аерылып торган, бу предприятиедә сынау проектын актив гамәлгә ашырырга мөмкинлек бирәчәк.
Бүген Татарстан Республикасы Премьер-министры Алексей Песошин Татарстан Республикасы сәнәгать һәм сәүдә министры вазыйфаларын башкаручыны тәкъдим итте.
Чара Татарстан Республикасы Сәнәгать һәм сәүдә министрлыгы бинасында узды.
Татарстан Республикасы Премьер-министры урынбасары – Татарстан Республикасы сәнәгать һәм сәүдә министры вазыйфаларын башкаручы итеп Олег Владимирович Коробченко билгеләнде.
Татарстан Республикасы Премьер-министры урынбасары — Татарстан Республикасы сәнәгать һәм сәүдә министры вазыйфаларын башкаручы итеп Олег Коробченконы билгеләү турындагы Указга Татарстан Республикасы Президенты Рөстәм Миңнеханов кул куйды.
Нефть химиясе республиканың икътисадый үсешен тәэмин итүгә зур өлеш кертә. Бүген бу хакта Татарстан Республикасы Президенты Рөстәм Миңнеханов Түбән Камада Химик көне уңаеннан уздырылган чарада хәбәр итте.
Рөстәм Миңнеханов билгеләп үткәнчә, нефть химиясе предприятиеләре төбәктә сәнәгать җитештерүенең гомуми күләменең 40%ын тәшкил итә. «Безнең Стратегия-2030да нефть химиясе сәнәгате – Татарстан үсешенең иң мөһим нокталарының берсе. Һәм без бу юнәлештә хәрәкәт итәбез», - диде ТР Президенты.
Ул ассызыклаганча, бүген тармак алдында җитди бурычлар тора – производстволар үсеше ягыннан да, социаль мәсьәләләрне хәл итү ягыннан да. «Бу кадрлар әзерләү дә, нефть химиячеләре яши торган шәһәрләрне төзекләндерү дә. Бу мәсьәләләр бездә өстенлекле булачак», - дип билгеләп үтте ТР Президенты.
Рөстәм Миңнеханов республиканың стратегик партнеры – «СИБУР» компаниясенә аерым рәхмәт белдерде.
«Мин нефть химиячеләренә Татарстан үсешенә зур өлеш керткәннәре өчен рәхмәт белдерәсем килә. Сезне тагын бер кабат бәйрәм белән котлыйм, республикабыз, илебез чәчәк атуын телим. Сезнең өлешегез монда бик зур», - дип өстәде Татарстан Президенты.
Аннары Рөстәм Миңнеханов Татарстан Республикасы дәүләт бүләкләрен тапшырды. Нефть химиясенең кайбер хезмәткәрләренә мактаулы исемнәр бирелде.
Бүген Татарстан Республикасы Президенты Рөстәм Миңнеханов Түбән Кама шәһәренә эш сәфәренә килде. Төп максат – Химик көне уңаеннан үткәрелгән чараларда катнашу.
Бүген Татарстан Республикасы Президенты Рөстәм Миңнеханов «Казан вертолетлар заводы» АҖ (КВЗ) коллективы белән очрашты.
Бүген Чаллыда «КАМАЗ» ГАҖ Татарстан Республикасы сәнәгать һәм сәүдә министры урынбасары Тимур Саматов катнашында Россия Федерациясе Федераль Җыены Федерация Советы Икътисадый сәясәт комитетының «Россия автомобиль төзелеше һәм автокомпонентлар җитештерүне үстерү турында» күчмә утырышы узды.
2022 елның 15-17 сентябрендә Краснодар шәһәрендә «От Винта!» балалар һәм яшьләр фәнни-техник иҗаты халыкара фестивале узачак.
Чара Россия Федерациясе Сәнәгать һәм сәүдә министрлыгы эгидасында үткәрелә һәм авиатөзелеш, суднолар төзелеше, автомобиль төзелеше, робот техникасы, медицина, сәнәгый дизайн һәм башка бик күп тармакларда яңа эш башлаучы уйлап табучыларның фәнни-техник казанышларын күрсәтүгә багышлана.
Фестиваль «Экспоград-Юг» күргәзмә-конгресс комплексында узачак, анда 11 000 кв.метр мәйданда Россия Федерациясе төбәкләреннән яшьләрнең инновация проектлары, фәнни-белем бирү практикалары һәм башка активлыклар күрсәтеләчәк.
Анда катнашуга инжиниринг үзәкләре һәм тармак сәнәгать предприятиеләре вәкилләре, өлкән сыйныф укучылары һәм студентлар, үзләренең фәнни-техник эшләнмәләрен тәкъдим итәргә әзер булган технологик эшкуарлар, яшь техник белгечләр һәм фәнни хезмәткәрләр чакырыла.
Фестиваль турында мәгълүмат белән http://otwinta.com/ сайтында танышырга мөмкин.
2022 елның 26-28 маенда «Римера» компанияләр төркеменә керүче «Римера-Алнас» ҖЧҖ базасында машина төзелеше предприятиеләре яшь белгечләре арасында «Һөнәре буенча иң яхшысы» II һөнәри осталык бөтенроссия бәйгесе узачак.
Бәйгедә Казан, Әлмәт, Бөгелмә, Баулы (Татарстан), Ижевск, Глазов (Удмуртия), Бугуруслан (Оренбург өлкәсе), Йошкар-Ола (Марий Эл), Түбән Новгород өлкәсенең 13 сәнәгать предприятиесеннән 40тан артык яшь профессионал катнашачак.
Ярышлар 7 номинация буенча узачак: «Иң яхшы токарь», «Электр җиһазларын ремонтлау һәм аларга хезмәт күрсәтү буенча иң яхшы электромонтер», «Программа белән идарә итү станокларының иң яхшы операторы», «Иң яхшы инженер-технолог», «Иң яхшы мастер», «Яшьләр белән эшләү буенча иң яхшы белгеч», «Иң яхшы эретеп ябыштыручы».
Ярышлар Татарстанның Киләчәк көллияте («Римера-Алнас» заводы), КНИТУ-КАИның Әлмәт филиалы һәм яшьләр үзәге мәйданнарында узачак.
Перспективалы технологияләрне үстерү үзәге базасында товарлар маркалау мәсьәләләре буенча ярдәм итү өчен «Честное сообщество» онлайн-мәйданчыгы эшли башлаган. Бу хакта дүшәмбе көнне маркалау операторының матбугат хезмәте хәбәр итте.
Платформаның төп максаты – базарның барлык уенчыларына да онлайн-режимда маркалауга бәйле мәсьәләләрне хәл итәргә ярдәм итү. Порталдагы «Белемнәр тупланмасы»нда мәкаләләр, аңлатмалар, әңгәмәләр һәм чек-листлар бар, алар маркалау эшен хәл итәргә ярдәм итәчәк. Эшкуарлар портал аша шулай ук әйләнешнең башка катнашучылары, интеграторлар, тәэмин итүчеләр белән аралаша, үз тәҗрибәләре турында сөйли, проблемалар белән уртаклаша, маркалау экспертларыннан җаваплар һәм киңәшләр ала алалар.
Берләшмәнең тагын бер мөһим функциясе, Перспективалы технологияләрне үстерү үзәге мәгълүматлары буенча, товар җитештерүчеләрнең продукцияне өзлексез җитештерү өчен төргәкләү һәм чыгым материалларын китерүчеләр белән турыдан-туры элемтә булачак.
«Честное сообщество»да катнашу өчен проектның сайтында теркәлергә, шулай ук профиль тутырырга кирәк. Бизнес-җәмәгатьчелек өчен маркалау өлкәсендә әзер карарлар кабул итү буенча партнер-тәэмин итүчеләр базасы булачак. Товар җитештерүчеләрнең шулай ук яңа платформа аша төргәк һәм чыгым материалларын китерүчеләр белән турыдан-туры элемтәгә керү мөмкинлеге дә булачак.
Быел борынгы Болгар шәһәре территориясендә уза торган тантаналы чара Идел буе Болгарының Ислам динен кабул итүгә 1100 ел тулуга багышланган иде.
Тантанада Татарстан Республикасы Президенты Рөстәм Миңнеханов, Татарстан Республикасы Дәүләт Киңәшчесе Минтимер Шәймиев, Татарстан Республикасы Дәүләт Советы Рәисе Фәрит Мөхәммәтшин, федераль үзәктән һәм чит илләрдән килгән башка дәрәҗәле кунаклар катнашты.
Быел чара иң күләмлесе булды – аңа «Россия-Ислам дөньясы» стратегик караш төркеме, KazanSummit XIII халыкара икътисадый саммитында катнашучылар, XIII татар мөселманнары форумында катнашучылар, шулай ук Россиянең төп мөселман үзәкләре составына керүче мөселманнарның диния нәзарәтләре рәисләре килде.
«Сетевая компания» АҖ энергетикларының XXVII Бөтендөнья җәйге Универсиада объектларын, FIFA-2018 футбол буенча дөнья чемпионатын энергия белән тәэмин итүне оештыру буенча уңай тәҗрибәсе Болгар шәһәрендә чараны үткәрүгә электр энергетикасы объектларын әзерләгәндә дә файдаланылган.
Бәйрәмгә әзерлек кысаларында бәйрәм чараларының мөһим объектлары тикшерелгән, һәр объектның инфраструктурасы, технологик схемалары, кулланучыны электр белән тәэмин итү үзенчәлекләре, проект йөкләнеше өйрәнелгән. Аеруча җаваплы кулланучылар: аудио- һәм видеотрансляцияләр өчен җиһазлар, мәгълүмати таблолар, аеруча мөһим технологик җиһазлар сайлап алынган. Бүлгеч туклану челтәрләренең һәм объектларның электр җайланмаларының җиһазларына ревизия ясалган, контактларның һәм аппаратларның җылынуы тикшерүдә тотылган.
«Изге Болгар җыены» бәйрәме объектларының туклану схемасын сайлау ышанычлылыкның II категориясе буенча чаралар үткәрү урыннарын (резервны автомат рәвештә тоташтыру мөмкинлегеннән файдаланып, йөкләнешне үзгәртү юлы белән) электр белән тәэмин итәргә мөмкинлек биргән. Өстәмә рәвештә дизель-генератор (400кВА) куллану турында карар кабул ителгән, аны турыдан-туры объектта, йөкләнешкә якынрак урнаштырырга карар ителгән. Моның белән хәвеф-хәтәр факторларын минимальләштерүгә ирешелгән. Шул ук вакытта төп электр туклану электр челтәреннән башкарылган, ә дизель-генератор җайланма (ДГУ) туклану чыганагы булган һәм кирәк булганда, төп тукланудан баш тарткан очракта, эшкә әзер булып торган.
Энергетиклар тарафыннан сайланган объектларны электр белән тәэмин итү схемасы үзен тулысынча аклаган, һәм практика җитәкчеләр һәм ЧЭС белгечләре тарафыннан кабул ителгән техник чишелешләрнең дөреслеген раслаган. «Изге Болгар җыены»н үткәрү чорында ТР Спас районы территориясендә барлык энергия объектлары штат режимында эшләгән, челтәр схемасы нормаль булган, һәм электр энергиясе белән тәэмин итү тулы күләмдә башкарылган. Бәйрәм чаралары башланганчы уйланылган оештыру һәм техник чаралар, ЧЭС персоналының комплекслы һәм җайга салынган эше Болгардагы энергия объектларының ышанычлылыгын шактый ныгытырга һәм «Изге Болгар җыены» бәйрәм чарасында катнашкан барлык энергия объектларын өзлексез электр белән тәэмин итәргә мөмкинлек биргән.