ЯҢАЛЫКЛАР

Татарстан Республикасының террорчылыкка каршы комиссиясе планы буенча үткәрелгән "Экстремизмга–юк" айлыгы кысаларында агымдагы елның 27нче сентябрь көнне Татарстан Республикасы сәнәгать һәм сәүдә министрлыгы хезмәткәрләре гадәттән тыш хәлләр чыкканда  министрлык бинасыннан эвакуацияләү буенча күнегүләрдә катнашты. 

Моннан тыш, шул ук көнне, КФУ конфликтология кафедрасы доценты Җәләев Р.И. хезмәткәрләргә "Экстремизм һәм террорчылыкка профилактика буенча эш тәҗрибәсе" темасына лекция укыды.

24.07.1998 елның №125-ФЗ номерлы "Производстводагы бәхетсез очраклардан һәм профессиональ авырулардан мәҗбүри социаль иминиятләштерү турында"гы Федераль законы нигезендә оешмалар һәм предприятиеләр - иминият турында килешү төзүчеләр ай саен мәҗбүри социаль иминиятләштерү буенча иминият кертемнәрен календарь аеның 15-енә түләргә бурычлы.

Тулысынча һәм үз вакытында иминият кертемнәрен салымнар һәм җыемнар белән беррәттән түләү предприятие һәм оешмалар эшчәнлеге өчен мәҗбүри шарт булып тора.

Социаль иминият фондына иминият кертемнәре - производствода зыян күрүчеләр, бәхетсезлек очракларыннан соң реабилитация чоры узучыларга мәҗбүри түләү чаралары булып тора.

Гражданнарны вакытында пособияләр белән тәэмин итү максатыннан булган бурычларны түләргә киңәш итәбез һәм алга таба иминият кертемнәрен түләүдә бурыч булдырмауны истә тотуыгызны сорыйбыз.

2017 елның 28 апреленнән Казанда 2017-2019 елларга кече һәм урта эшкуарлыкка ярдәм итү муниципаль Программасы кабул ителде һәм тормышка ашырыла. Әлеге программа кысаларында, муниципалитет Казан эшмәкәрләренә финанс ярдәм итү сыйфатында бирелгән кредит процентының бер өлешен субсидияли.   

Өстенлекле юнәлешләрдә эшчәнлек алып баручы эшмәкәрләр өч елга 9,5% белән 10 млн. сумга кадәр кредит ала алалар, шул ук вакытта, Казан шәһәренең Башкарма комитеты ике ел дәвамында кредит килешү гамәлдә булган очракта 5% субсидияләп барачак.

Эшчәнлекнең өстенлекле юнәлешләре санына: эшкәртү белән шөгыльләнүче җитештерү, инновация эшчәнлеге, торак-коммуналь хуҗалык, кадыкларны җыю, эшкәртү һәм утилизацияләү, икенчел чималны эшкәртү, халыкка көнкүреш хезмәт күрсәтү, мәгариф, сәламәтлекне  саклау тармагы, физкультура һәм спорт, мәдәният, иҗтимагый туклану (төп чараларны сатып алу өчен кимендә 1 000 000 сум), стационар булмаган сәүдә объектын (торгызу). 

Аеруча өстенлекле юнәлешләрдә эшчәнлек алып баручы эшмәкәрләргә биш елга 9,5% белән 10 млн. сум бирелә, Казан шәһәренең Башкарма комитеты 7,5% ставканы беренче өч ел дәвамында субсидияләячәк.

Аеруча өстенлекле юнәлешләргә бу очракта: шәхси балалар бакчалары оештыру, хостел, кунакханә, кече кунакханәләр булдыру, халык сәнгать кәсепләрен җитештерү.

Кредит алу өчен эшмәкәр гаризаны онлайн рәвештә "Татсоцбанк" АҖ рәсми порталында бирә ала: https://tatsotsbank.ru/ , яисә түбәндәге адрес буенча банкның үзәк офисында калдыра ала: Казан шәһ., Чернышевский ур., 18/23, тел. 299-11-11.

24 сентябрь- Машина төзүчеләр Көне! Татарстан Республикасы Премьер-министры урынбасары - Татарстан Республикасы сәнәгать һәм сәүдә министры Алберт Кәримов Татарстан Республикасы машина төзелеше комплексы хезмәткәрләрен һәм ветераннарын һөнәри бәйрәмнәре белән котлады:

"Хөрмәтле рсепубликабызның машина төзелеше тармагы ветераннары һәм хезмәткәрләре!

Сезне һөнәри бәйрәмегез -Машина төзүчеләр Көне белән тәбрик итәм!

Машина төзелеше Татарстан Республикасы икътисадының мөһим секторы булды һәм шулай ук булып кала. Машина төзелеше Татарстан Республикасы сәнәгатенең нигезе буларак регионның социаль-икътисади үсешендә һичшиксез, мөһим роль уйный.

Татарстан машина төзүчеләре Россиядә генә түгел, чит илләрдә дә ихтыяҗга лаек уникаль машиналар һәм җайланмалар булдыралар. Инновацияле технологияләр кертеп, яңа продукция чыгарылышын үзләштереп, Россия базарының машина төзелеше сегментында сез мөһим урында торасыз.

Бу бәйрәм көнендә Татарстан Республикасы хакына хезмәт күрсәтүче хезмәткәрләргә һәм ветераннарга рәхмәт сүзләрен җиткерәм.

Мөһтәрәм, машина төзүчеләр, сезгә яңа җитештерү казанышлары, нык сәламәтлек, уңышлар һәм изге теләкләр телим!

Бүген Лаешта районның 90 һәм шәһәрнең 460 еллыгын билгеләү уза.

Тантаналы чараларда Татарстан Республикасы Президенты Рөстәм Миңнеханов та катнаша.  Гадәттәгечә, төбәгебез башлыгын  Татарстан Республикасы Премьер-министры урынбасары - Татарстан Республикасы сәнәгать һәм сәүдә министры Алберт Кәримов озатып йөри.

Көннең беренче яртысында ТР Лаеш районы Имәнкискә авылында яңа мәдәният Йортын ачу тантанасы үтте. Имәнкискә авылы мәдәният йорты ТР Президенты йөкләмәсе буенча 100 яшьлек авыл кешесе Вилдан Гарипов 2016 елның 14 декабрендә республика лидерына видео мөрәҗәгатеннән соң төзелде. Мәдәният Йортының мәйданы 585 кв. М тәшкил итә, ул үзенә 200 тамашачыны сыйдыра ала.

"Бүген сезнең бәйрәм, – дип мөрәҗәгать итте җыелучыларга республика лидеры. – Мәдәният йорты һәр авылга, яшьләр һәм өлкән яшьтәге кешеләргә дә кирәк. Сезнең тормышыгыз биредә матур вакыйгаларга бай булсын һәм  сездә бары тик уңай тәэсирләр генә калдырсын".

ТР Лаеш районы башлыгы Михаил Афанасьев ассызыклаганча, яңа мәдәният Йорты ачылышы - авыл халкы өчен мөһим вакыйга. "Бу объект авыл халкына бик кирәк, чөнки алдагы клуб иске иде. Шулай килеп чыкты ки, 100 яшьлек авыл кешесе Вилдан Гарипов турыдан-туры элемтә вакытында, безнең Президентыбызга яңа мәдәният Йортын төзү үтенече белән мөрәҗәгать итте. Рөстәм Миңнеханов бу үтенечне хуплады һәм бүген Имәнкискә авылында шундый зур бәйрәм", – диде ул сәламләү сүзендә.

Тантаналы чаралар тәмамланганнан соң ТР Президенты авыл мәдәният Йортын карап чыкты, авыл клубы тарихына бәйле видеоролик белән танышты һәм елганың яңартылган яр буен карады. Исегезгә төшерәбез, бүген шәһәр һәм район юбилеен бәйрәм итү кысаларында "Көз күчтәнәчләре" ярминкә-дегустациясе узачак һәм "Осталар шәһәре"  сәнгать осталары ярминкәсе дә эшләячәк. Бәйрәм итү кысаларында урам фестивале оештырылачак, рәссамнарның иҗади эшләре күргәзмәсе, шулай ук, районның сәнәгать һәм авыл хуҗалыгы предприятиеләре продукциясе ярминкәсе дә булачак.

Татарстанның эстрада артистлары һәм иҗат коллективлары катнашында бәйрәм концерты үтәчәк, шәһәр һәм район халкы өчен Ришат Төхвәтуллин, Зөфәр-Зайнаб, Илдар Әхмәтов, Игорь Горчаков, Ришат Фазлиахметов, Алексей Родионов, "Казан" бию ансамбле, "Сәйдәш" бию театры чыгыш ясаячаклар.

Кичке күңел ачу программасы 18.00 сәг. башланачак, бәйрәмнең махсус кунагы "Пропаганда" төркеме булачак, аларның чыгышы 21:00сәг планлаштырылган. Бәйрәмне салют төгәлләячәк.

Бүген Лаеш шәһәрендә ТР Премьер-министры урынбасары – Татарстан Республикасы сәнәгать һәм сәүдә министры Алберт Кәримов рәислегендә Татарстан Республикасы парус спорты Федерациясе Попечительләр советы утырышы узды. Чарада шулай ук, ТР Президенты ярдәмчесе Наталия Фишман катнашты.

Чара кысаларында катнашучылар төзү яхтенных кую Татарстан Республикасында яхта тукталышлары урыннарын төзү хакында фикер алыштылар, Татарстан Республикасы парус спорты Федерациясе еллык бюджетын расладылар, шулай ук, Лаеш шәһәрендә яхта маринасын төзү концепциясен карадылар.

Искә төшереп үтик, Татарстан Республикасы Парус Федерациясе төбәктә парус спортын үстерү буенча актив эш алып бара. Төп үсеш үзәкләре – Казан, Лаеш, Чаллы. Казанда урта белем бирү мәктәбе каршында секция эшли, шулай ук, йөртүчеләр курслары да бар.

Бүген Татарстан Премьер-министры урынбасары - Татарстан Республикасы сәнәгать һәм сәүдә министры Алберт Кәримов "Киләчәккә караш" форумы кысаларында индустриаль (сәнәгый) парклар резидентлары һәм идарәче компанияләрнең нәтиҗәләр ясау Съездында катнашты. Чара Казанның "Корстон" кунакханә комплексында Татарстан Республикасы Президенты Рөстәм Миңнеханов катнашында узды.

Индустриаль парклар ассоциациясе башкарма директоры Денис Журавский үз чыгышында Россиянең барлык сәнәгать паркының 10% Татарстанда урнашуын билгеләп үтте. Шул ук вакытта әлеге паркларда илнең барлык резидентларының 32 проценты (677 предприятие) безнең республикада урнашкан. Спикер сәнәгать паркларын гамәлгә кертү һәм аларны булдырудагы чыгымнарны туктатмаска өндәде. Аның сүзләренә караганда, аларны гамәлгә ашыруда бер сум акча туздырган очракта, ул җиде сум булып  инвестицияләнә.

"Химград" АҖ технополисы рәисе Айрат Гыйззәтуллин, съезд нәтиҗәләре буенча РФ Икътисад министрлыгына яңа булдырылачак парклар чыгымын судсидияләүне программасын яңартуны сорап мөрәҗәгать итәргә карар кылынды һәм РФ сәнәгать министрлыгына 2017-2020 елларга алынган кредитларга процентларны субсидияләү программасын озайту мөрәҗәгате белән чыгарга кирәкле булуы турында сөйләде.

 Чүпрәле районы башлыгы Александр Шадриков районда эшләгән сәнәгать мәйданчыгы турында әйтеп үтте. Әлеге җитештерү формасын булдыру бизнесны җәлеп итәргә һәм яңа эш урыннары булдыруга ярдәм итте, ди. Бүгенге көндә бер генә резидент булса, ел ахырына кадәр аларның саны өчкә җитәчәк дип белдерде район башлыгы. 

Татарстан Президенты сәнәгать мәйданчыклары эшчәнлеге буенча программаны гамәлгә ашыруның уңышлылыгын югары бәяләде.

"Гебзе" (GOSB) оештырылган сәнәгать зонасы идарәсе рәисе Вахит Йылдырым белән бүген Татарстан Республикасы Президенты Рөстәм Миңнеханов очрашты. Чарада Татарстан Премьер-министры урынбасары - Татарстан Республикасы сәнәгать һәм сәүдә министры Алберт Кәримов та катнашты.

Әңгәмә барышында катнашучылар Свияжск төбәкара мультимодаль логистика үзәге базасында булдырылачак уртак сәнәгать зона мәсьәләләре буенча фикер алыштылар.

ТР Президенты Татарстанның "Гебзе" белән хезмәттәшлек итүдә кызыксынуын билгеләп үтте. "Уңышка ирешәчәгебезгә шикләнмим, - дип белдерде ТР Президенты. – Әлеге мәйданчык зур үсеш потенциалына ия. Сез исә, үз чиратыгызда, сәнәгать зоналары оештыру өлкәсендә һәм инвесторлар белән эшләүдә бәһасез тәҗрибәгә ия".

Моннан тыш, Рөстәм Миңнеханов яңа индустриаль зонага потенциаль резидентларны җәлеп итү буенча эш башларга тәкдим итте. 

Белешмә өчен:

 Гебзе (GOSB) оештырылган сәнәгать зонасы Төркиянең Гебзе провинциясе территориясендә урнашкан һәм 1986 елда нигезләнгән. Хәзерге вакытта анда 156 компания теркәлгән, шуларның 42 чит илдән. Хезмәткәрләр штаты – 22 мең кеше.

Зона резидентларының эшчәнлек өлкәләре: машина төзелеше, автомобиль төзелеше, автокомпонентлар җитештерү, ИТ тармагы, азык-төлек продуктлары җитештерү, пластмасса, электр җиһазлары, электроника һәм башкалар. Монда Германия, Австрия, АКШ, Дания, Финляндия, Франция, Голландия, Англия, Швеция, Швейцария, Италия, Израиль, Япония, Люксембург һәм Корея компанияләре эшли.

 Казан дары заводының яңа генераль директорын Александр Лившицны тантаналы билгеләү завод идарәсенең конференц-залында агымдагы елның 21 сентябрендә узды. Тантанада ТР Премьер-министры урынбасары - ТР сәнәгать һәм сәүдә министры Алберт Кәримов, РФ сәнәгать һәм сәүдә министрлыгының гади кораллар сәнәгате Департаменты директоры Дмитрий Капранов, Татарстан предприятиеләре һәм сәнәгатьчеләре Ассоциациясе генераль директоры урынбасары Игорь Рассман һәм дары заводы коллективы катнашты.

Белешмә өчен:

Лившиц Александр Борисович

1985 елда Казан дәүләт технология университетын тәмамлый.

1987 елдан 2004 елга кадәр - төп җитештерү бүлегенең технологик җиһазларны ремонтлау буенча мастеры .

2004 - 2010 елларда - техдиректор, баш технолог, директор җитештерү буенча Казан дары заводы

2010 - 2015 елларда - "Коммунар Самара заводы" директоры.

2015 - 2017 елларда - "ЧПО им. В.И.Чапаева" АҖ башкарма директоры.

23 сентябрь машина төзүчеләр Көнен бәйрәм итү алдыннан "А.М.Горький исемендәге Яшел Үзән заводы" АҖ А145Е проектлы тиз йөрешле пассажир судносын суга төшерү тантанасы узачак. Проект  "Агат Дизайн Бюро" ҖЧҖ тарафыннан эшләнгән, заказ бирүче - Берләшкән Гарәп Әмирлекләре.

Тантаналы чараларда Берләшкән Гарәп Әмирлекләре федератив дәүләт вәкилләре, Татарстан Республикасы сәнәгать һәм сәүдә министрлыгы,  Яшел Үзән муниципаль районы җитәкчелеге, "Ак Барс" Холдинг компаниясе АҖ вәкилләре, шулай ук, проектант һәм контрагент оешма вәкилләре катнашуы планлаштырылган.

А145Е проектлы тиз йөрешле комфортабельле пассажир суднолары багажлы 150 пассажир ташый ала, диңгез яр буенда 40 төен тизлек белән 400 миль араны ягулык өстәмичә үтә.

Суднолар экстерьер һәм интерьерның заманча дизайнына ия, уңайлы шартларның һәм халык ташу куркынычсызлыгының соңгы таләпләренә җавап бирә. Югары дәрәҗәге уңайлылык булу пассажирларга рейс вакытында бортта юлны җиңел үтәргә ядәм итә, заманча интерьер, рациональ күләмле мәйдан, техник камиллекле судно уңайлы утыргычлар белән җиһазландырылган, видео-аудио хезмәтен күрсәтү мөмкинлеге, бортта пассажирларны тукландыруны оештыру каралган. Халыкка йогынты ясый торган тавыш, вибрация, артык пассажирлар төяү барлык халыкара таләпләргә һәм стандартларга туры килә.

Исегезгә төшерәбез, А145Е проектлы ике тиз йөрешле пассажир судносын төзү буенча уртак контракт "А.М.Горький исемендәге Яшел Үзән заводы" һәм Берләшкән Гарәп Әмирлекләре арасында 2017 елда "Россия – Ислам дөньясы: "KazanSummit 2017" IX  Халыкара  икътисади  саммиты  кысаларында имзаланган иде.