ЯҢАЛЫКЛАР

Пәнҗешәмбе, 5 октябрьдә Татарстан Республикасы сәнәгать һәм сәүдә министрлыгында "Югарыга!" Республика яшь лидерлары конкурсы катнашучыларын сайлап алу этабы узачак.

"Югарыга!" республика конкурсы - "Кадрлар резервы"  яшьләр  проектының йомгаклау этабы. Республиканың иң уңышлы яшьләре Татарстан Республикасы хөкүмәте составына керү мөмкинлеге өчен көрәшә.

Конкурсның читтән торып уздырылган этабында Татарстан Республикасының 24 муниципаль һәм шәһәр берәмлегеннән 120 кеше катнашты, шулай ук, Россия Федерациясенең башка төбәкләреннән 5 кеше килде. Әмма көндезге катнашуга чакыруны нибары 30 кеше генә ала алды.

Һәр катнашучы министрлыкның гамәлдә булган бурычларын хәл итәргә юнәлдерелгән социаль проект тәкъдим итәргә.

"Югарыга!" республика конкурсының компетентлы жюрисы конкурста катнашучыларда ораторлык сәнгатен, дөрес һәм матур итеп сөйли белү сәләтен, гомуми күзаалау, проектын тәкъдир итү күнекмәләрен бәяли.

Конкурс комиссиясендә дәүләт хезмәте, җәмәгатьчелек, фән, мәдәният өлкәсе вәкилләре һәм Татарстан Республикасы Яшьләр хөкүмәтенең гамәлдәге әгъзалары катнашачак.

Конкурста җиңүчеләр дәүләт хакимияте органнарында, иҗтимагый берләшмәләрдә, шәһәр һәм республика эре предприятиеләрдә стажировка үтү мөмкинлеген һәм Татарстан Республикасы Яшьләр хөкүмәте составына керү, шулай ук, яшьләр программасы буенча халыкара стажировка узу мөмкинлеген алачак.

Алабугада Ford Sollers заводы конвейерыннан 50 меңенче Ford Transit төште. Россия базары өчен LCV модельнең юбилей экземпляры бөтен металлы кызыл төстәге Race Red фургоны, ул урта базалы һәм Duratorq дизельле двигателе (125 ат көче) белән җиһазландырылган (2,2 литр сыешлы), тулы рөхсәт ителгән авырлыгы - 3,1 тонна.

Исегезгә төшерик, Россиядә Ford Тransit автомобилен җитештерү 2012нче ел башында башланып китте. Татарстанда Ford Sollers заводы конвейерына нәкъ менә беренчеләрдән булып Ford Transit автомобиле килеп басты. Бүген Алабугада Ford Transit автомобиленең соңгы 4нче буын автомобиле тулы цикл технологиясе буенча-эретеп ябыштырылган һәм буялган кузовлы автомобильләр җитештерелә. Шунысын өстәргә кирәк, Ford Transit фургоны һәм микроавтобуслары бөтен Россия буенча кулланыла, почта һәм товарлар ташу, ашыгыч медицина ярдәме күрсәтү хезмәтендә, балаларны мәктәпләргә илтү максатында, шәһәр һәм шәһәрара маршрутларда һәм нәтиҗәле рәвештә кече һәм урта бизнес бурычларын хәл итүдә актив кулланышта йөри.

2017 елның 1-2 ноябрендә Иранның Тегеран шәһәрендә Россия гастроном атналыгы узачак. «Russian Gastro Week»

Российская гастрономическая неделя в Иране (г.Тегеран) пройдет с 1 по 2 ноября 2017 года. «Russian Gastro Week» атналыгы 50 дән артык Россия азык-төлек продукциясе җитештерүчеләрен һәм Иран ягыннан 150гә якын импорт һәм дистрибьютер эше белән шөгыльләнүчеләрне җыячак. Чарада катнашучыларны һәм кунакларны масштаблы россия азык-төлек продуктлары күргәзмәсе һәм максатчан b2b-очрашулар көтә.

Татарстан азык-төлек продукциясе җитештерүчеләрен әлеге проектта катнашырга чакырабыз.

Катнашу сораулары хакында хатны Анастасия Морозкина исеменә Morozkina@exportcenter.ru электрон почтасына җибәрүегез сорала.

Элемтә өчен тел.: +7 (495) 937-4747 (доб. 6227), моб.: +7 (926) 302-6979

Россия экспорт үзәге аренда, чараны оештыру өчен мәйданчыкны бизәү, күргәзмәне җиһазлауны тәэмин итү эшләренең чыгымын үз өстенә ала. 

үз өстенә ала бәйле чыгымнар белән аренда һәм рәсмиләштерү өчен мәйданчыклар чаралар, шулай ук җиһазлар белән тәэмин итү өчен кирәкле максатларда күргәзмә. Теркәлү взносы түләтелми. Юл һәм яшәү шартларын оештыру, шулай ук, күргәзмәдә катнашучы товарларны Иран территориясенә җиткерү катнашучылар тарафыннан мөстәкыйль башкарыла.

Иран базарына тәкъдим ителәчәк продукция һәм компанияләр эшчәнлеге турында кыскача мәгълүматлы каталог бастыру каралган.

 4-7 октябрь көннәрендә Мәскәү һәм Санкт-Петербургта "Россия энергетика атналыгы" энергия нәтиҗәлелеге һәм энергетиканы үстерү Халыкара форумы узачак. Форум эшендә Татарстан Республикасы делегациясе катнашачак. Аның составына ТР Президенты Рөстәм Миңнеханов, ТР Премьер-министры урынбасары - ТР сәнәгать һәм сәүдә министры Альберт Кәримов, шулай ук, ТР предприятиеләре җитәкчеләре, министрлык һәм ведомство вәкилләре керәчәк.

Форум кысаларында эре газ экспортерлары белән очрашулар, энергия нәтиҗәлелеге һәм шәһәрләрнең тотрыклы үсүе буенча мэрларның Халыкара саммиты, көзге-кышкы чорга әзерлек йомгаклары буенча Бөтенроссия киңәшмәсе, VII Петербург халыкара газ форумы һәм башка чаралар узачак. Россия энергетика атналыгы тармак лидерларын глобаль коммуникация мәйданында берләштерергә мөмкинлек бирәчәк, актуаль үсеш юнәлешләре турында фикер алышу, заманча энергетика секторындагы бурычлар хакында сүз алып барырга, шулай ук, бу өлкәдә халыкара хезмәттәшлекне киңәйтүгә ярдәм итәчәк.

2017 елның 4 октябрендә форумны Россия Федерациясе Президенты Владимир Путин  "Глобаль үсеш өчен энергия" пленар утырышында ачачак.

Якында Татарстан Республикасы Япониядә үз вәкиллеген ачачак, дип белдерде Татарстан Республикасы Президенты Рөстәм Миңнеханов "Татарстан-Япония" бизнес -форумында.

 Вәкиллекне ачу алга таба Татарстан-Япония хезмәттәшлегенең үсүенә ярдәм итәчәк, дип билгеләп үтте ТР Президенты. Республиканың сәүдә вәкиле  Тамерлан Абдикеев булачак.

Моннан тыш, форумда «Иокогава Электрик» компаниясе һәм Татарстан Республикасы арасында ниятләр турында беркетмә имзаланды. Имзаларны Татарстан Республикасы Президенты Рөстәм Миңнеханов һәм «Иокогава Электрик» компаниясе баш башкарма директоры Такаши Нишиджима аттылар. 

Шулай ук, Рөстәм Миңнеханов барлыгында Татарстан Республикасы Инвестиция-венчур фонды һәм "Miyako Capital Ltd" компаниясе арасында ниятләр турында килешүгә кул куелды.

Исегезгә төшерәбез, Татарстан делегациясе эш визиты белән Япониядә. Элегрәк ТР Президенты Япония икътисад министры һәм бизнес вәкилләре белән очрашты.

 2017 елның 29 сентябрендә Яр Чаллы шәһәренең Органнар залында зур чара узды, республика машина төзүчеләренең һөнәри бәйрәмнәрен билгеләп үттеләр.

Бәйрәмнең рәсми өлеше башланыр алдыннан Татарстан Республикасы машина төзелеше предприятиеләре җитәкчеләре "КАМАЗ" заводында булдылар. 

Татарстан Президенты һәм бәйрәмнең мөхтәрәм кунаклары тантана башланыр алдыннан Татарстанның машина төзелеше комплексы күргәзмәсен карадылар. Шулай ук, аларга төяүчеләр һәм тракторлар башкаруында үзенчәлекле вальс күрсәттеләр.

Рөстәм Миңнеханов Татарстанның машина төзүчеләрен кайнар котлады һәм кыскача тармакның уңышларына тукталды. 2017 елның 8 аенда тармак предприятиеләре тарафыннан җитештерелгән продукция күләме һәм күрсәтелгән хезмәтләр 290 млрд сум тәшкил иткән.      

"Форд-Соллерс" компаниясе предприятиеләрендә җитештерүне локализацияләү 60 процентка җитә. С.П. Горбунов исемендәге Казан авиация заводы - Туполев филиалы ерак  авиация үсеше программасы кысаларында яңадан техник кораллануны дәвам итә. Казан вертолет заводы серияле Ми-38 вертолетын җитештерүне башлады. Моннан тыш, КВЗ Кытайга медицина максатлары өчен вертолетлар җибәреп тора. Алабуга заводы серияле экскаватор  - төяүчеләр җитештерүне  башлап җибәрде.                                                                                                                                                                                                             Казан медик инструменталь заводы декабрь аенда медицина җиһазларын  стерилизацияләү комплексын ачачак, бу медицина кластерының яңа үзәге булачак. "Бетар", Горький исемендәге Яшел Үзән заводы, "Хайер" заводларының казанышларын әйтеп үттеләр.

Катнашучылар өчен бәйрәм концерты белән котлаулар үрелеп барды. Дәүләт бүләкләрен иң яхшы хезмәткәрләргә Татарстан предприятиеләре һәм сәнәгатьчеләре Ассоциациясе президенты Александр Лаврентьев, КАМАЗ генераль директоры Сергей Когогин, ТР Премьер-министры урынбасары - Татарстан Республикасы сәнәгать һәм сәүдә министры Альберт Кәримов, Яр Чаллы мэры Наил Мәһдиев, Россия Дәүләт Думасы депутаты Әлфия Когогина тапшырдылар.

Моннан тыш, шул ук көнне "КАМАЗ" ЯАҖ һәм "KUKA Robotics RUS" ҖЧҖ стратегик партнерлык турында килешүгә кул куйдылар, килешү автогигант мәйданчыкларына сәнәгый роботлар кертүне күздә тота.  

Бүген Татарстан Республикасы Премьер-министры Алексей Песошин рәислегендә «Яр Чаллы» өстенлекле социаль-икътисади үсеш территориясендә проектларны урнаштыру өчен килешү төзү турында гаризаларны карау буенча комиссия утырышы узды. Чарада ТР Премьер-министры урынбасары - Татарстан Республикасы сәнәгать һәм сәүдә министры Альберт Кәримов катнашты.

Комиссия утырышын ачканда, Алексей Песошин элегрәк «Яр Чаллы» өстенлекле социаль-икътисади үсеш территориясендә проектларны урнаштыру өчен 13 гариза хуплануын һәм инвестицияләрнең гомуми күләме 18 млрд. сум тәшкил итүен искәртте.

Комиссия әгъзаларына «Чишмә» ҖЧҖ инвестиция проекты тәкъдим ителде ("Райю" компанияләре төркеменә керә) – имитацияләнгән уылдык җитештерү, кош ите һәм балык эшкәртү продукциясе.

Компаниянең башкарма директоры проектның тулыландырылган бизнес-планын тәкъдим итте. Ул хәбәр иткәнчә, яңа 77 эш урыны булдыру күздә тотыла, җитештерүне 1,5 га. җирдә җәелдерү планлаштырыла.

Комиссия әгъзалары бертавыштан компания беән килешү төзүне хуплап тавыш бирделәр, киләчәктә инвестицион проект «Яр Чаллы» өстенлекле социаль-икътисади үсеш территориясендә урнаштырылачак.

ТР Президенты матбугат хезмәте материаллары буенча

Бүген Казанда Пенетрон гидроизоляция материаллары заводының беренче ботагын тантаналы эшләтеп җибәрү узды. Тантаналы чарада ТР сәнәгать һәм сәүдә министры урынбасары Денис Вәлиев катнашты.

Россиядә бердәнбер Пенетрон системасы материаллары эшләп чыгару заводы унике ел дәвамында Екатеринбургта урнашкан иде. Нәкъ менә шуннан дөньякүләм танылган гидроизоляция Татарстан Республикасының күп санлы төзелешләренә озатыла иде. Әмма бүген вәзгыять үзгәрде.

«Пенетрон-Россия» Холдингы Казанда үзенең җитештерү заводын ачты. Елына биш мең тоннага кадәр әзер продукция эшләп чыгара алырлык беренче ботак инде эксплуатациягә тапшырылды. Әлеге күләм Татарстан һәм күрше төбәкләрнең сыйфатлы үтеп керүчән һәм бетонга өстәлә торган гидроизоляция кушылмалары ихтыяҗын тулысынча каплый. Шул ук вакытта, тиздән  заводның куәтен ике тапкыр арттыру көтелә: биредә ел саен ун мең тоннага кадәр Пенетрон системасы материаллары җитештереләчәк. Икенче төрле сүзләр белән әйткәндә, Россия Пенетронының һәр унынчы чиләге Казанда эшләп чыгарылачак.

2016 елда кече һәм урта эшмәкәрлекне үстерү буенча Федераль корпорация АҖ (АО «Корпорация «МСП») тарафыннан кече яки урта эшмәкәрлек өчен Бизнес-навигатор эшләнде һәм эксплуатациягә тапшырылды. Ул башлангыч яки гамәлдәге кече яки урта эшмәкәрлек субъекты өчен комплекслы мәгълүмати чыганактан гыйбарәт.

Бизнес-навигатор ярдәмендә кулай бизнес төрен сайлап алырга һәм аны ачу өчен уңай урын билгеләргә, бизнес алып бару өчен стандартка кергән бизнес-план төзергә, товар һәм хезмәтләргә булган ихтыяҗ һәм тәкъдимнәр турында маркетинг тикшеренүләр белән танышырга, конкурентлар барлыгын,  кредит продуктлар һәм дәүләт ярдәме чаралары турында мәгълүмат алырга, дәүләт катнашында иң эре заказчыларның сатып алу планнары белән танышырга мөмкин. Системада арендага яки сатуга куелган дәүләт һәм хосусый күчемсез милек турында белешмәләр базасы тәкъдим ителә, кече яки урта эшмәкәрлек субъектлары өчен бирелә торган дәүләт һәм муниципаль милек аерым билгеләп үтелә.

Агымдагы елда Бизнес-навигаторның функционалын алга таба киңәйтү  планлаштырылган, шулай ук, смартфон һәм планшетларда системага керү  өчен мобиль кушымта эшләтеп җибәреләчәк.

Бүгенге көндә Бизнес-навигатор Россиянең 169 шәһәрен һәм Россия Федерациясе субъектларының башкалаларын, Казан, Яр Чаллы, Түбән Кама, Әлмәт кебек зур шәһәрләрне дә колачлый.

Бизнес-навигаторга керү түләүсез. Системада теркәлү өчен теләсә кайсы дәүләт һәм муниципаль хезмәте үзәгенең "Минем документларым"  бүлегенә мөрәҗәгать итәргә мөмкин, үзәкләр республиканың барлык муниципаль районнарында һәм шәһәр округларында эшлиләр.

Татарстанның җылылык белән тәэмин итү нәтиҗәлелеге федераль рейтингы лидеры булу өчен барлык мөмкинлекләре бар. Бу хакта "Татар-информ" МА матбугат конференциясендә Татарстан Республикасы сәнәгать һәм сәүдә министры урынбасары Алмаз Хөсәенов белдерде.

Рейтингны төзегәндә исәпкә алына торган кайбер күрсәткечләр рәтендә республика саннары бөтенроссия күрсәткечләреннән күпкә югарырак, диде ул. 

Мисал буларак Алмаз Хөсәенов күп фатирлы йортларны җиһазландырган җылылык энергиясен исәпләүче уртак җайланмаларның күрсәткечләрен китерде.

"Безнең бөтенроссия рейтингында алдынгы позицияләрне алу өчен барлык мөмкинлекләребез бар, әмма нәтиҗәләрне соңрак беләчәкбез", — дип хәбәр итте ТР сәнәгать һәм сәүдә министры урынбасары.

РФ субъектлары җылылык белән тәэмин итү нәтиҗәлелеге рейтингы йомгаклары 3-7 октябрьдә Мәскәүдә һәм Санкт-Петербургта узачак "Россия энергетика атналыгы" энергетика үсеше һәм энергия нәтиҗәлелеге буенча Халыкара форумында аталачак.

"Татар-информ" мәгълүмат агентлыгы материаллары буенча әзерләнде.