ЯҢАЛЫКЛАР

Карши шәһәренең Мәдәният һәм ял үзәк паркында бөтенхалык күңел ачу бәйрәмендә Кашкадәрья өлкәсе Татар-башкорт милли-мәдәни үзәге вәкилләре Көнчыгыш халыклары тормышында вакыйгалы датага башыгланган Нәүрүз бәйрәмендә актив катнашкан.

Үзәк директоры Фирүзә Ихсанова ватандашларын чын күңелдән кояшлы көнчыгыш календаре буенча Яңа ел белән тәбрик иткән. Ул Нәүрүзнең чал борынгылыкка барып тоташа торган тарихи тамырлары, аның истәлекле традицияләре, риваятьләре, Нәүрүз бәйрәмендә бәйрәм табыннарын бизи торган милли ризыкларның үзенчәлекләре турында сөйләгән, Үзбәкстанга, мәхәббәт һәм язга багышланган шигырьләр укыган.

Астрономия ягыннан яңа елны башлап җибәрә торган язгы тигезлек бәйрәмендә катнашучылар гомер гомергә бер-берсенә озын-озак гомер, бәхет, сәламәтлек, кырларда һәм бакчаларда мул уңыш, авыл хуҗалыгы терлекләреннән мул табыш алуны тели торган булганнар. Кашкадәръя өлкәсе Татар-башкорт милли-мәдәни үзәгенең Чиракчы филиалы директоры Илдар Рәхмәтуллин, Наилә Хисмәтуллина һәм башкалар да үзләренең ихлас теләкләрен җиткергән.

Бүген Эшкуар йортында 2020 ел йомгаклары буенча экспорт эшчәнлеге өлкәсендә Татарстан Республикасының кече һәм урта предприятиеләре өчен ел саен уздырыла торган «Ел экспортеры» республика конкурсында җиңүчеләрне бүләкләү тантанасы узды.

Җиңүчеләргә бүләкләрне Татарстан Республикасы Премьер-министры урынбасары – Татарстан Республикасы икътисад министры Мидхәт Шаһиәхмәтов, «Татарстан Республикасы Сәүдә-сәнәгать палатасы» берлеге рәисе Шамил Агиев, Татарстан Республикасының сәнәгать һәм сәүдә министры урынбасары Герман Лернер, Татарстан Республикасының авыл хуҗалыгы һәм азык-төлек министры урынбасары Ришат Хәбипов һәм Татарстан Республикасының Инвестиция үсеше агентлыгы җитәкчесе урынбасары Марина Епифанцева тапшырды.

Бүләкләү тантанасында 5 номинациядә «Иң яхшы экспортер-предприятиеләр»не дип атадылар.

Җиңүчеләр:

«Сәнәгать өлкәсендә иң яхшы предприятие-экспортер» номинациясе

«Теко – Торговый дом» ҖЧҖ

«Хезмәтләр күрсәтү өлкәсендә иң яхшы предприятие-экспортер» номинациясе

«Хортум» фәнни-җитештерү предприятиесе» ҖЧҖ

«Агросәнәгать комплексы өлкәсендә иң яхшы экспортер-предприятие» номинациясе

«Элит» ҖЧҖ

«Югары технологияләр өлкәсендә иң яхшы предприятие-экспортер» номинациясе

«Эйдос-Медицина» ҖЧҖ

«Ел ачышы» номинациясе

«АртВэй» ҖЧҖ

Татарстан Республикасы кече һәм урта предприятиеләре өчен ел саен уздырыла торган «Ел экспортеры» республика конкурсы Татарстан Республикасы Икътисад министрлыгы, Татарстан Республикасы Сәүдә-сәнәгать палатасы, «Татарстан Республикасы Эшкуарлыкка ярдәм фонды» КБО, Татарстан Республикасы Экспортка ярдәм үзәге тарафыннан уздырыла.

Бүген Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов Россиянең Көньяк Африка Республикасындагы сәүдә вәкиле Максим Буреев белән очрашты. Очрашу видеоконференция режимында узды.

Очрашуда «Ак Барс» суднолар төзү корпорациясе» АҖ, «Макситон» ҖЧҖ, «Татспиртпром» АҖ, «УК «Татнефть-Нефтехим» ҖЧҖ, «УК «КЭР-Холдинг» ҖЧҖ, «Инженер-җитештерү үзәге» ҖЧҖ, «Татнефть» ГАҖ һәм «ЕлАЗ» ҖБ» АҖ кебек сәнәгать предприятиеләре вәкилләре катнашты.  

Катнашучылар үз продукцияләрен тәкъдим итте, сәүдә вәкиленә сораулар бирде һәм Көньяк Африка базарына чыгу мөмкинлеге һәм перспективалары турында фикер алышты.

Татарстанның Көньяк Африка Республикасына экспорты, нигездә, минераль ягулыкларга, нефтькә һәм җир өсте транспорты чараларына туры килә. 

– «Татарстан Көньяк Африка республикасы партнерлары белән эшчәнлек юнәлешләренең киң спектры буенча хезмәттәшлекне үстерергә тели. Без бу процесска Россиянең Көньяк Африка Республикасындагы Сәүдә вәкиллеге ягыннан ярдәм күрсәтүебезгә шат», – диде ТР Сәнәгать һәм сәүдә министрлыгы башлыгы үз чыгышында.

Видеоконференция нәтиҗәләре буенча Россия Сәүдә вәкиллеге ягыннан Татарстан компанияләренә Көньяк Африка партнерларын эзләүдә ярдәм итү турында килешенде.

25-27 март көннәрендә Краснодарда  «От винта!» балалар һәм яшьләр фәнни-техник иҗат фестивале узачак. Анда Татарстаннан уйлап табучылар һәм новаторлар катнаша. Алар 2019 елда проект олимпиадасы призеры булган инновацияле биогаз җайланмасы, шулай ук бөтен ил буенча яшь техникларны һәм конструкторларны җәлеп итү үзәгенә әйләнергә тиешле яшьләр космик модельләштерү үзәкләре концепциясен тәкъдим итәчәкләр.

 «От винта!» халыкара фәнни-техник иҗат фестивале ул – Фән һәм технологияләр елының төп яшьләр вакыйгасы. Быел чарада авиация, суднолар төзелеше, робот техникасы, медицина, мәдәният, спорт һәм башка өлкәләрдәге 500ләп проект тәкъдим ителәчәк, аларны Краснодарга Россиянең барлык төбәкләреннән алып киләчәкләр.

Фестиваль кысаларында Технофорум узачак, аның төп темасы – яшьләрне фәнни-техник өлкәгә җәлеп итү. Пленар утырыш нәтиҗәләре буенча меморандум әзерләнәчәк, анда яшьләрнең инновацияле мохиткә системалы рәвештә керүен тәэмин итүче конкрет адымнар язылачак.

«От Винта!» технофорумының эш программасы 200 артык рәсми чараны үз эченә ала. Түгәрәк өстәлләрнең бер өлеше инженерларның һәм галимнәрнең яңа буынын формалаштыру темасына, шулай ук төбәкләрдә яшьләр фәнни-техник инициативасына ярдәм итүгә багышланачак. Аерым блок сәнәгать профориентациясе турында булачак. Спикерлар сәнәгатьнең фән сыйдырышлы һәм югары технологияле тармаклары өчен кадрлар резервын ничек әзерләргә кирәклеге турында фикер алышачак.

Россиядә агач эшкәртү тармагын әйдәп баручы җитештерүчесе – Kastamonu компаниясе производствоның өченче линиясен эшләтеп җибәрде. Старт 2021 елның мартында булды. Өченче линияне ачу нәтиҗәсендә, предприятие чыгара торган ламинатның гомуми күләме елына 45 млн.м² тәшкил итәчәк.

Татарстанда МДФ, ХДФ плитәләре һәм ламинат идән япмалары чыгару буенча Kastamonu заводы 2014 елда ачылган иде. Алабугада урнашкан предприятие төбәккә 771,8 млн. доллар инвестицияләгән, бу аны республиканың эре Төркия инвесторы һәм «Алабуга» МИЗ резидентлары арасында икенче итә. Компания таушалуга чыдамлылыгы буенча 31-33 класслы ламинат һәм, шул исәптән дымга һәм янгынга чыдам булган, төрле МДФ-плитәләре чыгара. Бүгенге көндә Kastamonu заводының җитештерү куәте елына 1,05 млн.м³ МДФ плитәсе һәм 45 млн.м² ламинат тәшкил итә. Ламинат идән япмалары Европа, Азия һәм Латин Америкасындагы 27 илгә китертелә.

Компания экспертлары Kastamonu компаниясенең Россия базарында ламинат идән капламалары сегментындагы өлеше 30% артып китәчәк дип көтә.

Kastamonu заводының яңа линиясендә иң кирәкле – 31нче, 32нче, 33нче һәм югары – 34нче класслы, таушалуга чыдым, иң күп сорала торган, элегрәк компаниянең продуктлар портфелендә булмаган ламинат чыгарылачак.

Заводның өченче җитештерү линиясе, җиһаз һәм агач эшкәртү сәнәгате өчен комплекслы җитештерү чишелешләренең дөньякүләм лидеры – HOMAG алман компаниясенең югары технологияле станокларын да кертеп, өр-яңа җиһазлар белән җиһазландырылган.

Җитештерү күләмнәрен киңәйтү позицияне шактый көчәйтәчәк һәм компаниянең Россиянең агач эшкәртү тармагы базарында көндәшлеккә сәләтлелеген арттырачак. Хәзер предприятие эре төзүчеләр, федераль һәм региональ сәүдә челтәрләре һәм дистрибьюторлар белән уңышлы хезмәттәшлек итә, шулай ук төрле төзелеш проектларын, шул исәптән Мәскәүдә реновация программасын тормышка ашыруда катнаша.

Бүген Татарстан Республикасы Премьер-министры урынбасары – Татарстан Республикасы сәнәгать һәм сәүдә министры А.Ә.Кәримов һәм Казакъстан милли икътисад вице-министры Куантыров Алибәк Сакен улы рәислегендә сәүдә-икътисад хезмәттәшлеге буенча Казакъстан-Татарстан эшче төркеменең өченче утырышы узды. Очрашу онлайн-форматта узды.

Утырышта Татарстан Республикасының Инвестиция үсеше агентлыгы җитәкчесе Талия Миңнуллина, шулай ук башка министрлыклар һәм ведомстволар, республика предприятиеләре вәкилләре катнашты.

Яклар икеяклы сәүдә-икътисад хезмәттәшлеге мәсьәләләренең киң спектры, шулай ук төп уртак проектлар һәм инициативалар буенча фикер алышты.

Коронавирус пандемиясе һәм чикләү чаралары кертелүгә карамастан, 2020 елда Казакъстан белән Татарстан арасында товар әйләнеше күләме, 2019 ел күрсәткече белән чагыштырганда, 14%ка арткан.

Татарстан һәм Казакъстан икътисадының төрле тармаклары предприятиеләре арасында элемтәләр динамик рәвештә үсә. Казакъстанда машина төзелеше, нефть-газ өлкәләрендә проектларны гамәлгә ашыру буенча «Татнефть» һәм «КАМАЗ» компанияләре актив эш алып бара. POZIS, «Эйдос-Медицина», «Казан моторлар төзү җитештерү берләшмәсе», «РариТЭК Холдинг» һ.б. Казакъстан партнерлары белән сәүдә-икътисад багланышларын үстерүдә мәнфәгатьле булуларын белдерә.

Бүген Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов җитәкчелегендә Татарстан Республикасында электр энергиясе белән тәэмин итү иминлеген тәэмин итү буенча штаб утырышы узды. Штаб утырышына катнашучыларның бер өлеше видеоконференция буенча тоташтырылган иде.

Штаб эшендә Татарстан Республикасы Министрлар Кабинеты, Татарстан Республикасы Төзелеш, архитектура һәм ТКХ министрлыгы, Татарстан Республикасы Сәламәтлек саклау министрлыгы, Россия ГТХМ Татарстан Республикасы буенча баш идарәсе, Татарстан Республикасы Мәгариф һәм фән министрлыгы, Дәүләт идарәсен цифрлы нигездә үстерү, мәгълүмат технологияләре һәм элемтә министрлыгы, Ростехнадзорның Идел буе идарәсе вәкилләре, шулай ук «Сетевая компания» АҖ, «ТГК-16» АҖ, «Татэнерго» АҖ, «Татэнергосбыт» АҖ, «Газпром межрегионгаз Казан» АҖ, «СО ЕЭС» АҖ филиалы, «Камаз-Энерго» ҖЧҖ, «Карпов исемендәге химия заводы» ҖЧҖ һәм «Түбән Кама ҖЭҮ» ҖЧҖ вәкилләре катнашты.

Татарстан Республикасы Сәнәгать һәм сәүдә министрлыгында узган утырыш барышында 2021 елда язгы ташу һәм янгын куркынычы булган вәзгыятькә анализ ясалды. Татарстан Республикасы энергокомпанияләре тарафыннан штаб утырышында язгы ташуга әзерлек турында игълан ителде.

Штабта шулай ук социаль әһәмиятле объектларны, коммуналь хуҗалык объектларын да кертеп, электр энергиясе белән тәэмин итүнең резерв чыганаклары белән тәэмин итү һәм БДИ үткәрү пунктларын ышанычлы энергия белән тәэмин итүне оештыру мәсьәләләре каралды.

Моннан тыш, штабта электр энергетикасы субъектларының тармакны цифрлаштыру кысаларында җайланмалар һәм РЗ җайланмалары белән дистанцион идарә итү элементларын күздә тоткан инвестиция программаларын раслау мәсьәләләре дә күтәрелде.

POZIS компаниясе («Технодинамика» холдингы идарәсендәге «Техмаш» концерны составына керә) ел башыннан МХ-500 мех эшләнмәләрен саклау өчен махсус суыткычлар сатуны 10%ка диярлек арттырган.

ПОЗиС җитештерүне диверсификацияләү кысаларында көнкүреш һәм медицина суыткыч техникасының яңа төрләрен уңышлы үзләштерә. МХ-500 – компаниянең соңгы эшләнмәләренең берсе. Салкын шкаф кечкенә габаритлы (730х860х2050) һәм иң яхшы эргономикада эшләнгән профессиональ тун бүлмәсенең тулы аналогы булып тора. Ул берничә тун һәм бүрек саклауга исәпләнгән.

«Акыллы» суыткыч индикация һәм -10 башлап +8 °С кадәр температураны көйләү белән идарә итүнең микропроцессор блогы белән җиһазландырылган, һава дымлылыгын 50%-70% дәрәҗәсендә саклый.

Туңдыруның циклик режимы хисабына суыткыч мех эшләнмәсенә зыян китерергә мөмкин булган зарарлы бөҗәкләргә каршы көрәшергә ярдәм итә. МХ-500 ай саен шкаф эчендәге температураны 10С ка кадәр төшерү өчен программалаштырылган, бу вакытта бөҗәкләрнең барлык төрләре дә һәлак була, ә аннары температура яңадан эш диапазонына әйләнеп кайта.

Әлеге шкаф электр энергиясен гадәти кухня суыткычы кебек сарыф итә. 220 вольтлы гади розеткалар да җитәрлек.

POZIS суыткыч шкафы мех әйберләрен саклау өчен, Swarovski стразлары белән сәнгать рәсемен һәм инкрустацияне дә кертеп, теләсә кайсы база төсендә ясалырга мөмкин.

Татарстан Республикасы Сәламәтлек саклау министрлыгының Республика клиник хастаханәсе (РКХ) тарафыннан санавиация өчен файдаланыла торган Ансат вертолетын эшләп бетергәннәр. Машина пациентны очкычка менгерү өчен югары уңайлылыгы булган яңа медмодуль белән җиһазландырылган. Эшләр Казан вертолет заводы белгечләре катнашында «ЮВТ АЭРО» авиакомпаниясе тарафыннан башкарылган.

РКХ һәм Балалар өчен республика клиник хастаханәсе белгечләренә Татарстан районнарыннан авыр пациентларны эвакуацияләргә ярдәм итүче Ансат медицина вертолетын модернизацияләгәннәр, анда йөкләнешнең югары уңайлылыгы булган медицина модуле урнаштырылган. Хәзер вертолетта медицина җиһазларын пассажир кабинасының түшәменә беркетергә мөмкинлек бирүче махсус юнәлешләр урнаштырылган. Мондый җиһазлар ярдәмендә яктырту системасын җайга салу һәм аны кирәкле участокта урнаштыру мөмкинлеге барлыкка килә. Шулай ук кабина буйлап шприцлы насос һәм пациент торышын оптималь хәл итү өчен башка җиһазларны да күчерергә була.

Ансат вертолетында йөкләнеш җайлылыгы югары булган медмодульне куллану Росавиация тарафыннан 2020 елның августында хупланган. Татарстанның санитар Ансаты әлеге опция тормышка ашырылган беренче винт канатлы машина булды.

Татарстанда 2020 елда Ансат вертолеты ярдәмендә 184 медицина эвакуациясе башкарылган. Беренче тапкыр республикадан читтә юл-транспорт һәлакәтендә зыян күргән пациентлар эвакуацияләнгән. Вертолет Түбән Новгород, Воронеж һәм Киров өлкәләренә очкан.

«ЮВТ АЭРО» авиакомпаниясе дәүләт партнерлыгы форматында уңышлы эшли һәм санитар авиация ихтыяҗлары өчен эшләр комплексын башкара. Техник хезмәт күрсәтү һәм очыш яраклылыгын саклау процедуралары инженер персоналы көче белән башкарыла торган очыш алдыннан һәм очыштан соң әзерлекне, шулай ук техник хезмәт күрсәтүнең оператив, вакытлы рәвешләрен, саклаган вакытта техник тикшерү уздыру һәм сезонлы техник тикшерү уздыру өлешләреннән тора. «ЮВТ АЭРО» авиакомпаниясе тарафыннан Ансат вертолетына хезмәт күрсәтү өчен инженер-техник персоналны укыту, шәхси составка стажировка үткәрү, кирәкле җиһазлар алу буенча зур эш башкарылды.

Татарстан Республикасы Министрлар Кабинетының 2003 елның 26 декабрендәге 1969-р номерлы күрсәтмәсе нигезендә оештыру комитеты «Россиянең иң яхшы 100 товары» программасы кысаларында 2021 елда ел саен үткәрелә торган «Татарстан Республикасында иң яхшы товарлар һәм күрсәтелә торган хезмәтләр» конкурсын үткәрү турында карар кабул иткән.

Конкурсның төп бурычлары: җитештерүчеләрне югары сыйфатлы һәм конкурентлылыкка сәләтле товарлар җитештерүгә ымсындыру, базарда үзебезнең продукцияне алга этәрү, кулланучылар ышанычын арттыру һәм инновацияле-актив җитештерү тирәлеге формалаштыру.

Конкурста катнашучыларның барысына да дипломнар тапшырыла. 1 нче дәрәҗә лауреатларга һәм дипломантларга үз продукциясен маркалау өчен конкурс логотибын куллану хокукы бирелә. Ел саен «Татарстан Республикасында иң яхшы товарлар һәм күрсәтелә торган хезмәтләр» каталоглары чыгарыла.

Оештыру комитеты карары буенча продукция һәм күрсәтелә торган хезмәтләрнең тотрыклы югары сыйфаты өчен предприятиеләргә «Татарстанның сыйфат лидеры» призы тапшырыла.

«Татарстан Республикасында иң яхшы товарлар һәм күрсәтелә торган хезмәтләр» республика конкурсында җиңүчеләр «Россиянең иң яхшы 100 товары» программасының федераль этабына тәкъдим ителә.

Шуңа бәйле рәвештә, республика оешмаларын 2021 елгы бәйгедә катнашырга чакырабыз.

Конкурста катнашу өчен гаризалар «ЦСМ Татарстан» ФБУ 2021 елның 1 апреленә кадәр e-mail: best@tatcsm.ru.  буенча кабул ителә. Белешмәләр өчен телефон: (843) 233-18-13.

Конкурста катнашу өчен документлар белән Сез «Татарстан Республикасында иң яхшы товарлар һәм күрсәтелә торган хезмәтләр» конкурсы бүлегендә таныша аласыз.